Aktiv pėr herė tė fundit: Aktiv pėr herė tė fundit : Kurrė Nuk keni hyrė [Hyrje - Regjistrohu] Lista e anėtarėve | Kėrko | PMF | Mesazhet e sotme | Statistikė Prapa tek: http://www.edsh.org

Kuvend-eDSH » eDjathta Shqiptare » PD

Version i printueshėm | Dėrgo pėr njė shok Nėnshkruaj | Shtoni tek preferencat <<  14    15    16    17  >>

Autori: Subjekti: PD Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 21-3-2008 nė 20:55 Kush eshte ai idiot qe merret me faqen e PD ne internet? Si ka mundesi qe PD te bjere kaq poshte, aq poshte sa nuk mund t´ju tregoj. Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 18-4-2008 nė 15:14 Negociatat e një natë më parë, mbledhja e rrufeshme e kryesisë së PD-së dhe Grupit Parlamentar që solli ndarjen brenda PD-së TIRANË- Një pjesë e konsiderueshme e deputetëve brenda Partisë Demokratike, por edhe brenda mazhorancës së djathtë, ia dolën në më pak se 24 orë që të kthejnë sërish në Komisionin e Ligjeve, propozimin që Presidenti të zgjidhet nga Populli dhe t'i thonë "Jo" Kryeministrit Sali Berisha për variantin tjetër të miratuar parimisht, që kreu i shtetit të zgjidhet në Kuvend. Një natë e gjatë me takime dhe bisedime, po ashtu edhe një e enjte me mbledhje maratonë e Kryesisë dhe grupit parlamentar demokrat, nuk ka ndalur të shfaqë në publik krisjen brenda mazhorancës qeverisëse. Firmat e deputetëve demokratë dhe të drejtuesve të partive të djathta u zyrtarizuan. Zëri kundër variantit që Presidenti të zgjidhet në raundin e fundit, në parlament me shumicë të thjeshtë, ishte i përfaqësuar publikisht deri të mërkurën në mbrëmje nga deputetët demokratë Pal Dajçi, Sali Shehu, Dashnor Sula dhe deputeti i PBDNJ-së, Spiro Peçi. Por të enjten, radhët e deputetëve kundërshtarë të këtij varianti u shtuan. Mes firmëtarëve është edhe një nga ministrat më të rëndësishëm të qeverisë "Berisha", ministri i Mbrojtjes, Gazmend Oketa. Në listë janë edhe deputetët demokratë Mustafaj, Ngjela, Cara, Babasi, Spaho, Xhindoli, Uka, Zogaj, Paloka, Hoxha, Leskaj, Gjergji, Biberaj etj. Madje në mbledhjen e grupit parlamentar të PD-së, një prej firmëtarëve, deputeti Besnik Mustafaj ka deklaruar se ai nuk do të pranojë asnjë variant tjetër, përveç atij që Presidenti të zgjidhet nga populli. Numri i deputetëve që hodhën firmën deri mbrëmë vonë shkoi në 28, ndërkohë që disa të tjerë e kanë konfirmuar mbështetjen përmes kontakteve telefonike, për shkak të vizitave jashtë vendit. Kryesia Në fakt kërkesa për mbledhjen e firmave, që Presidenti të zgjidhet nga populli e ka pikënisjen në mbledhjen e kryesisë së Partisë Demokratike të zhvilluar dje në mesditë. Gjatë kësaj mbledhjeje, anëtari i kryesisë, Edmond Spaho, ka kërkuar që të zyrtarizohet nisma në fjalë, duke u mbështetur edhe nga disa anëtarë të tjerë të kryesisë. Kryeministri Sali Berisha është shprehur se do të ishte dakord ndaj një nisme të tillë, në rast se do të bëhen 94 vota në Kuvend, kuorum ky i domosdoshëm për ndryshimin e asaj pjese të Kushtetutës, për zgjedhjen e Presidentit. Në këtë mënyrë, Kryeministri, i shfaqur në dukje në mbështetje të kësaj nismeje, ia ka lënë topin e lojës pikërisht opozitës, duke iu deklaruar anëtarëve të kryesisë, por edhe grupit parlamentar më pas, se i takon pikërisht opozitës që të vendosë, votat e së cilës do të plotësonin numrin magjik. Një lojë kjo e dukshme, kur dihet se iniciativa zyrtare që Presidenti të mos zgjidhej nga Populli ishte pikërisht nga Partia Demokratike e për të cilën nuk ka asnjë dyshim që vetë kreu i kësaj partie dhe Kryeministri i vendit ka qenë dakord. Përplasjet Takimi i së mërkurës në mbrëmje i Kryeministrit Berisha me kryetarët e partive aleate është shoqëruar me debate të ashpra sa i takon sistemit zgjedhor, rajonal proporcional. Fatmir Mediu dhe Nard Ndoka i kanë kërkuar Berishës përfaqësim të partive të tyre nëpër qarqet kryesore të vendit, madje duke kërkuar zona të sigurta në disa prej tyre. Për këtëtakim pa marrëveshje, Ndoka e Mediu, por edhe përfaqësues të tjerë të partive të djathta biseduan gjatë paradites së djeshme me Presidentin Bamir Topi, edhe ky i fundit kritik për nismën e ndërmarrë nga PD-PS për ndryshimet në Kushtetutë. Drejtuesit e partive aleate i kërkuan kreut të shtetit që të ndërhyjë në reformën zgjedhore e konkretisht për sistemin proporcional rajonal, duke ofruar në të njëjtën kohë gatishmërinë e tyre se, ata ishin gati të hidhnin firmat për të mbrojtur variantin e mbështetur edhe nga vetë Topi, që Presidenti, mandatin e ardhshëm, të zgjidhej nga populli. Firmëtarët 1. Bujar Leskaj 2. Besnik Mustafai 3. Spartak Ngjela 4. Pal Dajçi 5. Engjell Cara 6. DashnorSula 7. Ndricim Babasi 8.Sami Gjergji 9.Sali Shehu 10. Edmond Spaho 11. Mevlan Xhindoli 12. Besnik Bisha 13. Ndue Shpani 14. Genc Sharku 15. Artur Hasanbelliu 16. Frrok Gjini 17. Ymer Tola 18. Rexhep Uka 19. Spiro Peci 20. Nard Ndoka 21. Fatmir Mediu 22. Gazmend Oketa 23. Prec Zogaj 24. Edi Paloka 25. Eris Hoxha Kanë konfirmuar firmën 26. Arjan Madhi 27. Aleksander Biberaj 28. Osman Metalla 29. Hajrulla Paturi 30. Alfred Gega 31. Mehmet Xheka shek Per mua eshte humbje kohe te zgjedhesh presidentin nga populli, kur RSH eshte republike parlamentare. Po lexoj si argument kryesor se 70 plus 1 e ben presidentin partiak. Po nga populli si do zgjidhet? Me nje raund kush merr me shume vota? Prape partiak do jete se nuk do jete marsian. Apo do beni 2 raunde e do te marri 50 plus 1 perqind te votave nga populli. Nuk eshte e njejta gje se ata 70 plus 1 deputete, mos i votuan sorrat e Shqypnise, populli i votoi. Pra jepni pushtet partise qe votohet, populli ka mundesine cdo 4 vjet te vendose. Qe te kete reforma qe te ece perpara vendi partia ne pushtet duhet te kete pushtet. Deputeteve te PD i bej nje pyetje: Kur do te firmosni per ligjin e dekomunistifikimit te RSH? Kjo i intereson te djathteve kjo eshte ne interes te se ardhmes. Mos kujtoni se do ti ikni kesaj pyetje gjate 2009? Sa kohe spiunet e sigurimit do te jene te mbuluar as qe mos ti shkoje kujt nder mend se ka zhvillim ne RSH. Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 28-5-2008 nė 08:47 Berisha: Ristrukturim i PD, zbrisni ne baze E Marte, 27 Maj 2008 Kryeministri Berisha, njekohesisht kreu i Partise Demokratike, mblodhi diten e djeshme ne nje mbledhje me dyer te mbyllura Keshillin Kombetar te kesaj partie. Burimet bejne te ditur se mbledhja, e cila zgjati me pak se nje ore kishte si teme kryesore nevojen e partise me te madhe te mazhorances per te forcuar deget dhe nendeget e saj ne te gjithe vendin. Ne fjalen e mbajtur nga kreu i qeverise, Berisha, u theksua nevoja e vizitave me te shpeshta te anetareve te ketij keshilli ne bazen e Partise Demokratike. Nga ana tjeter, Berisha kerkoi qe ne cdo rreth te vendit te vazhdonin fushatat per anetaresimet e reja ne PD. Keshtu Berisha u kerkoi anetareve te keshillit, po keshtu deputeteve dhe ministrave qe bejne pjese ne te qe te ishin ne nje kontakt sa me te vazhdueshem me deget dhe nendeget e Partise Demokratike ne te gjithe vendin. Sipas Berishes, kontakti i vazhdueshem me bazen dhe forcimi i degeve do te ishte i domosdoshem ne kushtet e ndryshimit te sistemit zgjedhor ne vend, nga mazhoritar i perzier ne proporcional, ne proporcionalin rajonal. Kreu i PD-se, Berisha shpjegoi se tashme qe nuk do te kishte me deputete, te cilet do te zgjidheshin ne menyre te drejtperdrejte nga populli i takonte degeve dhe nendegeve te PD-se te benin nje pune te madhe ne organizimin e simpatizanteve te kesaj partie ne te gjithe vendin. Sipas Berishes, fushaten te cilen kryesisht e benin kandidatet e zgjedhur per te perfaqesuar partine, tashme duhet ta bente vete dega dhe strukturat e tjera te partise te gjitha rrethet e vendit. Ne mbledhjen e djeshme te Keshillit Kombetar mesohet se jane ndare edhe grupet e punes sipas zonave, ne menyre qe te gjithe perfaqesuesit e PD-se te nisin takimet dhe turet e tyre ne baze per te shpjeguar edhe te militantet menyren e re se si ata duhet te procedojne ne kushtet kur nuk do te kene me nje deputet te tyre qe t'i perfaqesoje ne Kuvend. kj Ca te them, PD per mendimin tim eshte keq e organizuar. Pyetja themelore qe lind eshte kjo: Do kete nendege me? Qe ishin te organizuara ne baze te zonave zgjedhore. Do linde superdega? Pra PD e qarkut se deget ishin ne baze rrethi. Logjikisht duhet nje riorganizim total. Propozimi i im: Per cdo njesi administrative duhet te kete seksione. psh nje komune ka nje seksion, nje bashki mund te kete 50 ose me shume. Me pas duhet te ekzistojne: Nendeget ne baze rrethi Dhe deget ne baze qarku Me ndryshimin e ligjit zgjedhor duhet te ndryshoje dhe statuti i partise. Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 28-5-2008 nė 08:51 Kjo eshte revolucion, por revolucioni i vertet ishte ndryshimi i Kushtetutes. Gjithcka do te fillonte me revolucionin organizativ ne PD qe te beheshin zgjedhjet me nje anetar nje vote dhe te saktesohej e gjithe anetaresia e PD. Per mendimin tim, PD eshte e organizuar keq dhe ky organizim e demton jashtezakonisht shume. Po e diti kush ne PD sesa anetar ka ajo, une paguaj nje fuci birre Augustiner 100 litershe. Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 6-9-2008 nė 18:00 PD, krerët lokalë do të zgjedhin kandidatët për deputetë VALENTINA MADANI Drejtuesit lokalë të PD-së, që do të zgjidhen përmes zgjedhjeve të reja të kësaj partie, do të kenë të drejtë të propozojnë kandidatët për deputetë. Lista e emrave të ligjvënësve të ardhshëm të parlamentareve 2009, do të dalë pikërisht nga kryetarët e rinj të Partisë Demokratike. Kjo, për faktin se ata do të jenë më të paktë në numër, por më të fuqishëm për shkak të kompetencave që do marrin. Pushteti i ri i tyre pritet të futet në statusin e PD-së, të cilit mendohet t’i bëhen disa ndryshime në prag të Kuvendit të radhës. Ndryshe nga aktualisht, me zgjedhjet e reja do të ketë vetëm 12 kryetarë lokale dhe këta do të jenë baras me numrin e qarqeve në të gjithë vendin. Numri prej më shumë se 30 kryetarësh sa ç’janë aktualisht, do të reduktohet pikërisht vetëm në 12 të tillë. Por ata do të kenë të drejtën e propozimit të kandidatëve për deputetë dhe lista e 2009-s do të nisë pikërisht nga baza e PD-së. Më pas, ajo do të kalojë për miratim në forumet drejtuese të partisë dhe pikërisht në kryesinë e saj. Deri tani, baza ka pasur të drejtë të propozojë, por në të shumtën e rasteve, lista e saj rrëzohej në qendër, duke mos u marrë parasysh për shkak të zëvendësimit me emra të rinj. Megjithatë, në zgjedhjet e reja të demokratëve, pritet të forcohen pozitat e kryetarëve, çka do të thotë se kanë të drejtë të vendosin për emrat që do konkurrojnë përballë opozitës në parlamentaret e vitit që vjen. Kjo gjithnjë në rast se PD-ja nuk shtyn zgjedhjet në qendër për pas zgjedhjeve parlamentare, për shkak se ato do të kenë një diferencë kohe vetëm prej një muaji. Kongresi i PD-së duhet të mbahet në muajin maj, kurse zgjedhjet e përgjithshme do të zhvillohet nga fundi i qershorit të 2009-s. Gjithsesi, ende nuk ka një qëndrim zyrtar për zhvendosjen e kohës së mbajtjes së zgjedhjeve brenda PD-së, ndërkohë që zgjedhjet në bazë nuk do të kenë ndërprerje. Gjithnjë bëhet fjalë për zgjedhjet në qendër, pasi përmes procesit të votimit do të kalojnë të gjithë drejtuesit e PD-së. Zgjedhjet në parti kanë filluar prej disa muajsh dhe kanë startuar me takimet me bazën, nga ku u ngritën dhe 12 grupet e punës të miratuara nga kryesia e PD-së. Qëllimi është rifreskimi i partisë, si dhe përgatitja e strukturave për zgjedhjet e vitit 2009. Skema që demokratët do të përdorin në këtë riorganizim duhet të jetë në përputhje me sistemin e ri zgjedhor. Takimet e deritanishme janë konceptuar në formën e debatit dhe të bashkëbisedimit, kur krahas elementëve të tillë si: hapja e mëtejshme e PD-së, me qëllim rifreskimin e strukturave; përgatitja e strukturave për zgjedhjet e vitit 2009, po diskutohet edhe puna e qeverisë aktuale. Në bazë të vendimit të marrë nga PD, 12 grupet e punës në rang vendi, përkojnë me 12 qarqe, ndërsa në Tiranë janë ngritur grupe pune sipas nëndegëve. Takimet në bazë u ndërprenë për shkak të pushimeve për të filluar sërish përgjatë këtij muaji deri në konkretizimin e zgjedhjes së njerëzve të rinj të PD-së. standard Kush eshte burimi i lajmit? Si do te jete e organizuar PD sakte? Vetem me nje nivel apo do kete dhe organizim ne nivelin e ndarjes administrative pra ne baze komune bashkie dhe ne baze qarku? Keto ndryshime organizative nuk vijne automatiksht se do ndryshuar statuti. A ka ndokund qendrim zyrtar te PD? Une jam per kete menyre organizimi ne baze te njesive administrative dhe te qarkut. Po problemi qendron tek detajet: Pra psh si zgjidhet kryetari i PD se Bashkise se Tiranes dhe si zgjidhet kryetari i PD se qarkut te Tiranes? Nje menyre mund te jete i bashkise zgjidhet nje anetar nje vote. I qarkut nga votat e kryetareve te njesive vendore qe perbejne qarkun, por keshtu mund te ndodhe qe kryetar i PD se qarkut te Tiranes te behet kryetari i PD se komunes se Dajtit (teorikisht) megjithese ai i PD se Bashkise se Tiranes ka shume me teper vota anetaresh. Pra si mendoni ju duhet te jete organizimi i PD ne kushtet e kushtetutes se ndryshuar dhe te ligjit zgjedhor te ndryshuar? Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 8-9-2008 nė 10:33 PD e Tiranës, gati kandidati përballë Mustafajt Kryeministri Sali Berisha e ka lënë topin në fushën e selisë blu dhe nuk po përzihet publikisht për momentin në ethet e garës për zgjedhjet në degën e Partisë Demokratike, Tiranë. Nevila Perndoj Hene, 08 Shtator 2008 09:54:00 Negociatat për kandidaturën alternative për PD-në e Tiranës po vijojnë intensivisht TIRANË- Kryeministri Sali Berisha e ka lënë topin në fushën e selisë blu dhe nuk po përzihet publikisht për momentin në ethet e garës për zgjedhjet në degën e Partisë Demokratike, Tiranë. Edhe pse ditët i kalon me prerje shiritash në çdo fshat të Shqipërisë, nga Jugu në Veri, kjo nuk do të thotë aspak se Berisha është jashtë konjunkturave apo mekanizmave të këtij konkurrimi prapa kuintave. Vëmendja është përqendruar në qytetet kryesore, ndërsa Tirana është zona ku gara do të sjellë përplasjet, si edhe do të harxhojë energjitë më të mëdha të grupimeve brenda PD-së. Gara për Tiranën Ish-Ministri i Punëve të Jashtme, Besnik Mustafaj është i vetmi që ka shpallur zyrtarisht përmes medias kandidaturën për PD-në e Tiranës. I ndarë jo mirë një vit e gjysmë më parë me Kryeministrin, Mustafaj ka qenë zë kritik në mbledhjet e grupit demokrat, dhe në mënyrë të veçantë në media, për kabinetin “Berisha”. Pas largimit nga kabineti, Mustafaj njoftoi se raportet e tij me Berishën ishin ftohur, ndërsa nuk dihet qëndrimi i Berishës (të paktën publikisht) me rikthimin e tij për një jetë aktive në degën e Tiranës. Burime brenda Partisë Demokratike tregojnë për “Shekullin” se nuk është aspak çudi që përballë Mustafajt të jetë pasuesi i tij në detyrën e Ministrit të Jashtëm, Lulëzim Basha, një nga njerëzit më të afërt të kryeministrit Berisha. Përveç Bashës përfliten edhe deputetë të tjerë si kandidatura të mundshme për degën e kryeqytetit, kryesisht deputetët që janë zgjedhur në Tiranë, ndërsa nisja zyrtare e garës do qartësojë si kandidatët, ashtu edhe rreshtimin e figurave kryesore të kësaj partie në mbështetje të njërit apo tjetrit. Megjithatë, deri më tani asnjë prej zyrtarëve të lartë të PD-së nuk jep një përgjigje konkrete se kush mund të jetë kandidati më i fortë për PD-në e Tiranës, përballë kandidaturës së Besnik Mustafajt. Edhe pse shprehen se është ende herët për një gjë të tillë, burimet citojnë se negociatat në lidershipin e ngushtë të partisë po vijojnë intensivisht, emri i të cilit do të varet shumë nga mënyra se si kryeministri Sali Berisha e ka pritur kandidimin e Mustafajt për kreun e PD-së së Tiranës. Biberaj, mbështetja e parë Ndërkohë, deputeti demokrat Aleksandër Biberaj është i pari që u prononcua publikisht në mbështetje të kandidatit të parë për degën e Tiranës, Besnik Mustafaj. Deputeti i Tropojës i angazhuar në jetën parlamentare në vend, por edhe si Zv/President i Asamblesë Parlamentare të KE-së, është rreshtuar në krah të ish-ministrit të Jashtëm. “Vlerësoj aktivitetin politik të z.Mustafaj që nga krijimi i PDSH-së e deri më sot, sidomos në kryeqytet, konkretizuar kjo edhe me zgjedhjen e tij në mënyrë të drejtpërdrejtë disa herë si deputet i Tiranës. E konsideroj kandidaturën e z.Mustafaj si një kandidaturë dinjitoze, me autoritet dhe reputacion për drejtimin e demokratëve të Tiranës, me qëllim fitoren e një mandati të ri”,- tha Biberaj. Ai theksoi se formimi i Mustafajt, si dhe karriera e tij e politike dhe diplomatike, janë garancia më e mirë për përfaqësimin dhe mbrojtjen e interesave të demokratëve të Tiranës. Gjithsesi, kjo “betejë” elektorale në PD është ende në kufijtë mediatikë dhe si në Tiranë, ashtu edhe në degët kryesore në Durrës, Elbasan, Korçë, Vlorë, Shkodër, Gjirokastër, Kukës, etj., po përgatitet terreni i kandidimit zyrtar sapo kjo të njoftohet nga forumet në qendër. Kandidatura e Mustafajt apo edhe çdo kandidati tjetër, duhet të propozohet nga baza e të miratohet më pas nga kryesia qendrore Statuti, si zgjidhet kryetari i PD-së Tiranë TIRANË- Që prej 1 Shtatorit, në çdo qark të vendit ka filluar puna nga 12 grupet e punës të miratuara nga kryesia e Partisë Demokratike, për riorganizimin e strukturave të partisë. E njëjta situatë po ndodh edhe në Tiranë me mbledhjen e seksioneve për çdo nëndegë. Grupi i punës për Tiranën përbëhet nga Edi Paloka, Sokol Olldashi, Besnik Mustafaj, Jozefina Topalli, Majlinda Bregu, Edmond Spaho, Gent Strazimiri, Aleksandër Biberaj, Aldo Bumçi dhe Bujar Nishani. Pak ditë më parë, deputeti i Partisë Demokratike, Besnik Mustafaj, u vetëshpall si kandidati për kryetarin e PD-së së Tiranës. Megjithatë, përpos dëshirës dhe ambicies për të drejtuar degën e më të rëndësishme të PD-së, në statutin e kësaj partie janë përcaktuar qartë rregullat që ndiqen për garën e kryetarit. Në nenin 27, të Statutit të partisë, thuhet se kryetari i degës zgjidhet nga mbledhja e përbashkët e kryesive të nëndegëve mes kandidaturave të propozuara nga kryesia e përgjithshme e PD-së. “Kandidaturat e dala për kryetar të degës i nënshtrohen një diskutimi dhe vlerësimi nga kryesia qendrore e partisë, e cila formulon përfundimisht propozimet për kandidaturat”, - saktësohet në statut. Në të ashtuquajturin ligj të funksionimit dhe organizimit të jetës politike dhe organizative të partisë, parashtrohen edhe atributet e kreut të degës. “Kryetari i degës përfaqëson anëtarësinë e partisë në territorin përkatës. Ai thërret dhe drejton mbledhjet e kryesisë, fikson rendin e ditës në bashkëpunim me sekretarin përkatës. Ai organizon funksionimin normal të kryesisë dhe përgjigjet për zbatimin e vendimeve dhe orientimeve të saj. Ai përgjigjet për mbarëvajtjen e funksionimit të partisë dhe shprehjen lirë të çdo anëtari të kryesisë”, - thuhet në statut. shek Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 10-1-2009 nė 12:53 Mustafaj: Do sjell demokraci në PD Nevila Perndoj | 10/01/2009 | Mustafaj tregon detajet e platformës së tij për degën e kryeqytetit. Por, nëse humbet garën? "Për inat të vjehrrës, nuk shkoj e fle me mullixhiun" Mustafaj: "Zgjedhjet 2009, PD-ja jo me këta ministra" Mustafaj: "Jashtë listave, ata që ndotën PD-në me korrupsion" Mustafaj, radiografi qeverisjes dhe partisë: Dështuam me kartën anti-korrupsion Shumë nga të rinjtë e KOP-it synuan pushtetin, për të bërë ndonjë lekë" "Djem e vajza do të trokasin në derën e PD-së jo si tifozë të Berishës, Topit apo Jozefinës, por si aktivistë politikë, që kërkojnë të gjejnë mishërimin e kulturës së tyre politike. Po nuk e gjetën, shkojnë diku tjetër" TIRANË- Një analizë e hollësishme dhe kritike e qeverisjes së demokratëve në këto 3 vjet e gjysmë, por edhe e situatës brenda Partisë Demokratike, vjen 6 muaj para zgjedhjeve të 2009-s. Kritika vjen brenda selisë blu, ku zërat ndryshe dhe mendimi i lirë sa vjen dhe rrudhet. Është Besnik Mustafaj, një nga themeluesit e së parës parti opozitare në vend, që ka shpallur kandidimin për degën më të rëndësishme të PD-së, atë të Tiranës. "Më vjen keq që zotimi për tolerancën zero ndaj korrupsionit mbeti më fort në letër. Rrjedhimisht, në zgjedhjet e ardhshme, nuk mund të dalim me të njëjtin ekip qeverisës", - tha Mustafaj në një intervistë për gazetën "Shekulli". Ai deklaron me forcë se "duhet të fshihen nga lista e të zgjedhurve të PD-së të gjitha ato figura që e kanë prishur imazhin e kësaj partie, e kanë ndotur atë me korrupsion apo e kanë kompromentuar me paaftësi drejtuese". Ai është kritik edhe për prurjet e 2005-s në PD përmes KOP-it, për të cilët, Mustafaj thotë se shumica e tyre nuk dolën me mendje të lirë. "Ata dëshmuan se ishin bashkangjitur në trupën tonë politike vetëm për të marrë pushet dhe për të bërë ndonjë lekë",- analizon Mustafaj. Duke folur për zgjedhjet brenda Partisë Demokratike, ish-themeluesi e cilëson fushatën si më pak të organizuar dhe më pak transparente në këto 18 vjet. Ai bën thirrje që PD-ja të nxjerrë mësime nga gabimet, ndërsa tregon pikat e platformës së tij për degën e kryeqytetit. Me dhimbje thotë se duhet të pohojë që PD-ja ka humbur pak identitetin si parti. "Demokratët e Tiranës duhet t'i drejtojë një demokrat",- nënvizon ai. Nuk nguron të japë detaje edhe për atë fakt që i përmendet shpesh; moskonsultimin me kryetarin Berisha para se të shpallte kandidaturën. "Disa njerëz, pak me budallëk e pak me shejtanllëk, po përpiqen të sajojnë një rivalitet midis meje dhe Berishës. Këta njerëz shpresojnë të më shmangin mua nga fusha e luftës politike duke përdorur Berishën. Unë kam besim se Berisha nuk do të bjerë në këtë kurth intrigantësh mediokër", - tha Mustafaj. Thotë se është i sigurt që do të fitojë kreun e degës së kryeqytetit. Por nëse humb këtë betejë? "Unë nuk jam nga ata, që u përshtatet proverbi se "për inat të vjehrrës, shkoj e fle me mullixhiun". Unë do të vazhdoj të jem anëtar i PD-së", përgjigjet Mustafaj. Z. Mustafaj, PD-ja hyri në 6-mujorin e fundit të mandatit 4-vjeçar qeverisës. A keni ju një bilanc tuajin për punën e kësaj qeverie, nisur nga premtimet e bëra para qytetarëve në 2005-n? Bilanci im përputhet përgjithësisht me bilancin që bën vetë qeveria. Disa nga premtimet më thelbësore janë mbajtur e këtu do të veçoja posaçërisht integrimin në NATO, afrimin me BE-në, reformën në sistemin fiskal, ndërtimin e rrugëve dhe rritjen e rrogave dhe pensioneve. Është, pra, një bilanc me gjurmë të dukshme në historinë e Shqipërisë së sotme, sepse përfshin integrimin në familjen perëndimore, aspiratë kjo e shenjtë për shqiptarët, përfshin zhvillimin e vendit, dhe këtu e kam fjalën veçanërisht për infrastrukturën rrugore, përfshin edhe përmirësimin e drejtpërdrejtë të mirëqenies së qytetarit dhe të familjes së tij, nëpërmjet rritjes së rrogave dhe pensioneve. Kaq, brenda një mandati, nuk ka bërë asnjë nga qeveritë paraardhëse. Më vjen keq që zotimi për tolerancën zero ndaj korrupsionit mbeti më fort në letër. Rrjedhimisht, në zgjedhjet e ardhshme nuk mund të dalim me të njëjtin ekip qeverisës, përndryshe do ta kemi të vështirë t'u premtojmë shqiptarëve përsëri qeverisjen me duar të pastra. Para zgjedhjeve parlamentare të 2009-s, PD-ja po zhvillon një fushatë zgjedhore brenda saj. Në këndvështrimin tuaj, si po zhvillohet ky proces?Dy vërejtje kryesore do të bëja unë përmbledhtas për procesin. Së pari, fushata filloi me shumë vonesë. U njoftua fillimisht nga udhëheqja e partisë se do të niste qysh vitin e kaluar. U bë madje zhurmë në media, por në parti nuk lëvizi asgjë. U njoftua përsëri këtë pranverë dhe përsëri nuk u bë asgjë. Për së treti u njoftua në fillim të shtatorit. E treta doli si e vërteta. Gjithë kjo zvarrisje krejt e papërligjur la me të drejtë te demokratët shijen e një nënvleftësimi për strukturat, që do të thotë nënvleftësim për rolin e secilit nga militantët e partisë. Demokratët nuk ndjehen mirë kur trajtohen si figurantë. Vërejtja e dytë ka të bëjë me ngadalësinë, me të cilën po ecet tani. Siç e theksuat edhe ju në pyetjen tuaj, këto zgjedhje në parti zhvillohen në një moment shumë të rëndësishëm politik për vendin e që lidhet me zgjedhjet e afërme parlamentare. Kjo fushatë duhet të zgjojë gjithë anëtarësinë demokrate, ta motivojë atë, t'i kthejë secilit militant rolin që i takon në politik-bërjen e Partisë Demokratike, që do të thotë se kjo fushatë është momenti i domosdoshëm për të zhvilluar një debat të shëndetshëm, ku militantët, të gjithë, pa asnjë përjashtim, të analizojnë lirisht vlerat e treguara nga Partia Demokratike në qeverisje e po ashtu të venë haptas e me zë të lartë në dukje të metat. Kjo periudhë debati duhet të jetë shosha për t'i fshirë nga lista e të zgjedhurve të PD-së të gjitha ato figura që e kanë prishur imazhin e kësaj partie, e kanë ndotur atë me korrupsion apo e kanë kompromentuar me paaftësi drejtuese. Në takimet e shumta që unë kam përditë me demokratët që nuk morën poste pas fitores së 3 korrikut, vërej se ata e ndjejnë të nevojshme ta zhvillojnë këtë debat dhe janë fare të qartë për mënyrën si duhet zhvilluar ai. Kthjelltësia e tyre është shenjë e pjekurisë së lartë të PD-së. Por, ngadalësia, me të cilën po zhvillohet fushata, prish ritmin e debatit, e zvarris atë. Sa për të dhënë një shembull: ne ende nuk kemi një datë zyrtare të mbylljes së fushatës. Në 18 vjet jetë, partia jonë nuk ka zhvilluar kurrë një fushatë më pak të organizuar e më pak transparente. Për të mbështetur shqetësimin tim e që nuk është vetëm shqetësimi im, por i një mase të gjerë demokratësh, rreth organizimit të përciptë dhe jo transparent të fushatës, po ju sjell edhe një fakt: ne, demokratët e Tiranës, nuk dimë ende se sa do të jetë numri i delegatëve që do të zgjedhin kryetarin e degës sonë, ndërkohe që ka qenë e detyrueshme sipas udhëzimit që Kryesia e Partisë, në bazë të formulës së shpallur, të bënte shpërndarjen e delegatëve, në secilën nëndegë qysh para fillimit të zgjedhjeve nëpër seksione. Tanimë, gjysma e më tepër e seksioneve i kanë përfunduar zgjedhjet pa ditur si do të përfaqësohen në konferencën e degës. Kjo nuk është një gjë që kalohet me një fjalë goje apo me një urdhër nga lart. Demokratët e Tiranës duan ta dinë kush do të votojë në emër të tyre për të zgjedhur kryetarin dhe kryesinë e degës e që do të jenë drejtuesit e tyre në betejat politike gjatë katër viteve të ardhshme. Gjatë katër viteve të ardhshme do të duhet të përballojë beteja të mëdha politike kjo degë e që janë zgjedhjet parlamentare, ku Tirana nxjerr më shumë se një të pestën e krejt parlamentit, po ashtu janë dy beteja për Kryetarin e Bashkisë së Tiranës, njëra pas zgjedhjeve të vitit 2009, kur Edi Rama të dorëzojë mandatin e njëra në 2011, kur është afati i parashikuar me ligj. Unë konstatoj me kënaqësi se militantët janë krejt të ndërgjegjshëm për seriozitetin që kërkon zgjedhja e kryetarit të degës së Tiranës. Pak muaj më parë, Kryetari i PD-së, Sali Berisha shpalli zgjedhjen e drejtuesve në rrethet kryesore të vendit përmes parimit: "Një anëtar një votë". Zbatimi i këtij parimi u harrua. Pse ndodh kjo? A do jetë pjesë e programit tuaj një proces i tillë? (Kam parasysh një deklaratë tuajën pak kohë më parë, ku jeni shprehur se parimi "Një anëtar një votë" është një hap i madh për gjallërimin e anëtarësisë). Unë u gëzova shumë kur u njoftua se votimi të paktën deri në nivelin e kryetarit të degës do të ishte kësaj here sipas parimit "një anëtar-një votë". Dhe nuk e kuptoj ende se përse u hoq sakaq dorë nga ky parim themelor për demokracinë e brendshme të partisë. Nuk është dhënë asnjë shpjegim nga Kryesia e Partisë. Arsyeja e mungesës së logjistikës, që thuhet nën zë, nuk qëndron. Votimi "një anëtar-një votë" deri në nivelin e kryetarit të degës do të ishte një eksperiencë e parë shumë e dobishme për të kaluar në zgjedhjet e ardhshme te votimi sipas të njëjtit parim edhe për vetë kryetarin e partisë. Ne sot jemi e vetmja parti e qendrës së djathtë europiane, që nuk i zgjedh drejtuesit e vet qendrorë me votat e të gjithë anëtarëve, çka tregon se demokracia në partinë tonë është ende shumë larg standardit që zotëron në familjen politike europiane, ku ne bëjmë pjesë. Më konkretisht: pyetja juaj më vë në pozitë të vështirë për t'u zotuar se unë do ta bëj një gjë të tillë. Unë po kandidoj vetëm për kryetar i degës së Tiranës dhe nuk është në kompetencën e kryetarit të një dege të vendosë për zbatimin e një parimi të tillë. Vendime si ky prekin statutin e Partisë dhe e drejtë do të ishte të merren në një Kuvend Kombëtar. Por, për sa më përket mua, jam i vendosur të ndikoj me gjithë fuqinë time për futjen e votimit të secilit anëtar për drejtuesit e degës e madje qysh në zgjedhjet e ardhshme, pas katër vjetësh, edhe të kryetarit të Partisë. Ky është hap i domosdoshëm për ta demokratizuar Partinë Demokratike. Cilido që zgjedh të bëjë karrierë nëpërmjet partisë tonë, duhet ta ndjejë realisht veten të varur nga vota e secilit demokrat, çka do të thotë se për secilin politikan demokrat rëndësi vendimtare do të ketë kontributi politik që jep në parti dhe jo lidhjet e tij të shkurtra me njërin apo tjetrin nga drejtuesit e lartë. Vlerësimi sipas kontributeve e shëndosh atmosferën brenda partisë dhe e bën partinë tërheqëse për të rinjtë. Në 2005-n pranë PD-së u ngrit KOP-i. Në prag të zgjedhjeve të 2009-s po trumbetohet sërish thithja e intelektualëve, e të larguarve ndër vite, apo edhe të paangazhuarve politikisht. Nisur nga shembulli i KOP-it dhe mënyra se si ata u katapultuan në qeverisje, a mendoni se kësaj here, hapja duhet të bazohet në disa kritere e rregulla të qarta? Gjithmonë, në një parti serioze, pranimet e reja mbështeten në rregulla të qarta. Por, eksperienca me KOP-in nuk ka lidhje me procesin e natyrshëm të pranimeve të reja. Shumica e anëtarëve të KOP-it, e kam fjalën për ata që kanë marrë poste të larta në administratën politike ose publike, ende sot e kësaj dite nuk janë anëtarë të Partisë Demokratike dhe unë nuk shoh ndonjë të keqe te ky fakt në vetvete. Çdo parti e madhe në kohët moderne, dhe Partia Demokratike është e madhe, ka rreth vetes një numër të konsiderueshëm njerëzish të ditur. Këta njerëz të ditur i bashkohen hartimit dhe zbatimit të një programi politik, të cilin e mendojnë të dobishëm për përparimin e vendit. Personalitete të tilla, përveç ekspertizës së lartë, sjellin zakonisht në ekipet politike edhe një frymë lirie të mendimit. Dua të them, duke qenë të lirë nga disiplina partiake, ata e shprehin mendimin e vet pa drojtje ndaj hierarkisë dhe e ndihmojnë kështu udhëheqjen politike të qëndrojë me këmbë në tokë. Zemërimi im me KOP-in tonë buron pikërisht nga që shumica e tyre nuk na dolën mendje të lira. Ata dëshmuan se ishin bashkangjitur në trupën tonë politike vetëm për të marrë pushet dhe për të bërë ndonjë lek. Ndërsa pranimet e reja janë një proces i natyrshëm në jetën e një partie politike siç është PD, një parti politike me të shkuar tashmë, me të sotme dhe sigurisht edhe me të ardhme. Si njëri nga themeluesit e kësaj partie, unë ju uroj mirëseardhjen tek ne anëtarëve të rinj dhe i siguroj për mbështetjen time. E qortueshme në këtë rast është vetëm pse pranimet e reja po bëhen kryesisht me urdhër nga lart dhe të lidhura me fushatën e zgjedhjeve në parti. Shoh mjaft punonjës të administratës, të cilët postet e këndshme e shpesh fitimprurëse i kanë marrë me akraballëqe dhe tani paraqiten nëpër nëndegë për t'u pajisur me dokumentin e anëtarit të PD-së. Të tillë njerëz nuk i shtojnë asnjë vlerë partisë tonë. Ne, demokratët që kemi përballuar opozitën e pas 1997-ës, e dimë se ata do të na kthenin shpinën sapo PD-ja të largohej nga pushteti. Me të drejtë Bislim Ahmeti, njëri nga themeluesit e PD, sillte në një shkrim të botuar me rastin e 18 vjetorit të Partisë, shembullin e një ministri pa kontribute politike, i cili i quante të bezdisshëm "veteranët demokratë". Ky soj ministri i përket racës së atyre zotërinjve dhe zonjave, të cilëve në 1996 u ra bingo, e panë veten aty ku as në ëndërr s'e kishin parë, në parlament e në qeveri dhe një vit më vonë, kur PD humbi pushtetin, hodhën mbi të e mbi kryetarin e saj gjithë baltën e botës, a thua se kjo parti u kishte bërë padrejtësinë më të madhe të jetës. Një partie të përgjegjshme i takon të ketë kujtesë të fortë, për të nxjerrë mësime nga gabimet e veta. Shpesh shoh humbje të kujtesës politike te udhëheqja jonë sot dhe shqetësohem. Ju keni folur gjatë për ristrukturimin e degës së PD-së, Tiranë. Sa vend zë kjo çështje në programin tuaj të ardhshëm, si kandidat për PD-në e Tiranës? Partia Demokratike ka nevojë për një reformë të thellë brenda vetes, reformë që duhet të synojë para së gjithash demokratizimin e vet, në mënyrë që partia të qëndrojë e hapur për prurjet e reja, por edhe demokratët e "vjetër", qëndrestarët siç quhemi ne, që përballuam opozitën e vështirë 1997-2005, të ndjehemi se jemi në partinë tonë, ku mund ta themi fjalën pa frikë dhe të dëgjohemi. Një nga aspektet thelbësore të reformës së brendshme në degën e Partisë Demokratike për Tiranën, sipas meje, synon të rregullojë pikërisht këto ekuilibra të domosdoshme midis brezave të militantëve, në mënyrë që krejt anëtarësia të kompaktësohet dhe të mbrojë identitetin e partisë, identitet i mishëruar në idealet e dhjetorit '90. Me dhimbje e pohoj se nuk e kanë krejt gabim ata që na akuzojnë se kemi humbur pak identitetin si parti. Së dyti, në politikat tona qeverisëse ne shpesh rrëshqasim majtas, madje tek e majta populiste. Ndërkaq, janë ndërmarrë reforma që zvogëlojnë rolin ndërhyrës të shtetit në ekonomi e që janë mirëfilli reforma liberale. Përmenda vetëm dy aspekte, por ka shumë të tilla kontradiktore. Dega e PD-së së Tiranës, duke qenë vendi që mbledh elitën e partisë, duhet të shndërrohet medoemos në hapësirë të debatit ideologjik rreth identitetit të partisë. Në programin tim synoj që strukturat e degës, seksionet dhe grupseksionet, ta zhvillojnë një debat të tillë në vazhdimësi. Demokratët do ta kishin më të lehtë të bënin fushatë me programin e ri të partisë vitin e ardhshëm, në qoftë se gjatë këtyre katër vjetëve nëpër seksione do të ishin zhvilluar debate të hapura rreth pronës, rreth legalizimeve, rreth ligjit për dosjet dhe lustracionin, rreth taksës së sheshtë e plot tema të tjera madhore, që nxjerrin në dritë identitetin e PD-së si parti e qendrës së djathtë. Duke pasur të qartë se çfarë na dallon neve nga socialistët, çdo demokrat do të ndjehej më i sigurt për t'i kërkuar votën fqinjit apo kushëririt në emër të PD-së. Debati brenda partisë ka specifikën e vet, është debat i mbyllur brenda anëtarësisë, nuk është debat publik. Pra, debatin brenda strukturave nuk e zëvendësojnë dot as diskutimet në qeveri, as konferencat e shtypit të Kryeministrit dhe as emisioni "Opinion" i Blendi Fevziut, sado të pasura me ide dhe informacion të jenë ato. Unë kam programin për t'i shndërruar strukturat e PD-së së Tiranës në arenë debati të sinqertë. Dhe kolona e tretë, mbi të cilin mbështetet programi im për këtë degë, është krijimi i një klime të shëndetshme konkurrence, siç e thashë pak edhe më lart. Konkurrenca e pastër mungon pothuajse fare sot brenda strukturave të PD-së së Tiranës. Unë vetë vura re se çfarë habie shkaktoi shpallja e kandidaturës nga ana ime. Shumë demokratë, krejt dashamirës ndaj meje, më pyesnin mënjanë përse nuk isha këshilluar paraprakisht me kryetarin Berisha. Dhe, kur unë përgjigjesha se isha këshilluar me statutin e partisë, më shihnin me çudi dhe më tregonin se si Sokol Olldashi apo ndonjë tjetër me post të lartë, i thërriste demokratët një nga një në zyrën e shtetit dhe i mësonte si të ma tregonin vendin mua, "plangprishësit", që e paskam mërzitur shumë Berishën me veprimin tim dhe, rrjedhimisht, nuk duhej të merrja asnjë votë. Unë e njoh shumë mirë rolin e Berishës në PD dhe asnjëherë nuk e kam vënë në dyshim autoritetin e tij si kryetari ynë. Por, zgjodha mënyrën statutore për të kandiduar që është mënyra parimore. Nëse do të isha këshilluar paraprakisht me kryetarin, atëherë veprimi im nuk do të ishte në shërbim të garës. Dhe gara nuk i bie ndesh asgjëkundi interesit politik të kryetarit të Partisë. Përkundrazi. Dhe më e rëndësishmja: duke rrënjosur pak nga pak parimin e konkurrencës, ne e përgatisim partinë për brezat e rinj. Një fakt: afro 5 për qind e votuesve në zgjedhjet e ardhshme kanë lindur në vitin 1991, që është viti i parë i pluralizmit. Do mbajtur mirë parasysh se ky brez vjen në jetën politike të vendit me një mentalitet krejt tjetër. Këta djem dhe vajza të mrekullueshme do të trokasin në derën e PD-së jo si tifozë të Berishës, të Topit apo të Jozefinës, por si aktivistë politikë, që kërkojnë të gjejnë te kjo parti mishërimin e kulturës së tyre të re politike. Po nuk e gjetën këtë kulturë, shkojnë diku tjetër. Dhe konkurrenca e hapur, e ndershme, është në themel të kulturës moderne politike. Unë jam i bindur se edhe thjesht me kandidimin tim, i kam bërë një shërbim të vyer Partisë Demokratike. Kryetari i PD-së, Sali Berisha, për herë të parë, në historinë politike të PD-së, ka marrë vetë në dorë drejtimin e fushatës për zgjedhjet në Tiranë. Pse ky angazhim i drejtpërdrejtë i tij kësaj here dhe cili duhet të jetë roli i tij, në këndvështrimin tuaj? Unë nuk kam qenë në mbledhjen e Kryesisë, kur u caktuan grupet e punës për fushatën nëpër rrethe, por lajmin se Tiranën do ta drejtonte vetë Berisha, e mora vesh menjëherë. Dhe e përjetova, sinqerisht, si lajm të mirë. Të tillë siç e njoh unë Berishën, ky vendim shpreh ndërgjegjësimin e tij të thellë për gjendjen e rëndë ku janë katandisur strukturat tona partiake të Tiranës. Pak me vonesë, por më mirë vonë se kurrë. Kështu Berisha po korrigjon atë që duhej ta kishte bërë gati dy vjet më parë, e që është analiza e thellë, kritike, e humbjes tonë të thellë në Tiranë. Unë e kam shtruar aso kohe në grupin parlamentar dhe publikisht shqetësimin për të analizuar shkaqet e vërteta që çuan te ajo disfatë politike. Po ashtu, më vjen shumë mirë edhe që përpjekjet e mija për të vënë në shërbim të Partisë Demokratike të Tiranës eksperiencën time të gjatë politike dhe në ekzekutiv, do të bashkohem me autoritetin dhe eksperiencën e Kryetarit të Partisë për ta ringjallur e dinamizuar këtë degë, që është motori i krejt PD-së. Historia disa vjeçare e zgjedhjeve brenda PD-së, ka treguar se fitues të garave kanë qenë ata individë që kanë pasur mbështetjen e Berishës. Deri me sot ju nuk e keni këtë mbështetje për degën e Tiranes. A është kjo sipërmarrje e vështirë për të dale fitues i garës? Besoj se kësaj pyetjeje iu përgjigja edhe më lart. Po theksoj përsëri se, duke qenë posaçërisht kryetar i grupit të punës për fushatën në Tiranë, unë besoj se Berisha do t'i ndjekë me një vëmendje të veçantë zgjedhjet këtu në të gjitha fazat, do të kujdeset që të zhvillohet një debat i shëndetshëm dhe do t'i presë hovin ndonjërit nga të deleguarit nëpër nëndegë, që pëshpërit në emër të tij në veshin e demokratëve për të paraqitur njërin apo tjetrin nga kandidatët e mundshëm si të "preferuarin" e Kryeministrit. E kam shprehur publikisht bindjen time dhe po e shpreh prapë se për kryetarin Berisha nuk ka rëndësi cili nga kandidatët zgjidhet. Do të ishte një gabim me pasoja për autoritetin e tij, por edhe për kompaktësinë e anëtarësisë demokrate të Tiranës, në qoftë se ai i largohet këtij parimi. Disa njerëz, pak me budallëk e pak me shejtanllëk, po përpiqen të sajojnë një rivalitet midis meje dhe Berishës. Këta njerëz shpresojnë të më shmangin mua nga fusha e luftës politike duke përdorur Berishën. Unë kam besim se Berisha nuk do të bjerë në këtë kurth intrigantësh mediokër. Logjika politike na mëson se për Berishën ka rëndësi që kjo fushatë të jetë një periudhë e vërtetë debati demokratik brenda degëve të partisë, në mënyrë që strukturat të zgjohen, të motivohen e të përgatiten për të përballuar fushatën e afërme të zgjedhjeve parlamentare. Përmes një debati të hapur e të pa manipuluar sigurisht që të zgjedhurit në strukturat lokale të partisë jo vetëm në Tiranë, por në gjithë Shqipërinë, do të jenë demokratët me kontributet më të mëdha e me aftësitë më të spikatura politike dhe organizative për t'i shërbyer fitores së mandatit të dytë. Sepse është e nevojshme për Shqipërinë që PD të marrë edhe një mandat të dytë, për të mbyllur disa nga reformat thelbësore për Shqipërinë, që ajo ka ndërmarrë tashmë në qeverisjen e parë. A i keni bërë llogaritë se çfarë do ishte një fitore apo edhe e kundërta, humbja për ju personalisht z.Mustafaj, por edhe për PD-në e Tiranes? Unë i kam bërë kryesisht llogaritë se çfarë do të jetë një fitore e imja qoftë për karrierën time politike, qoftë për degën e PD-së së Tiranës. Dhe po ua them: kjo fitore për mua personalisht do të jetë një sfidë e re si politikan në disa aspekte themelore. Do të më jepet rasti të dëshmoj se sa i aftë jam të punoj me të gjitha strukturat e Tiranës, për të futur atje një frymë të re. Arsyeja e humbjes në Tiranë të zgjedhjeve bashkiake të vitit 2007 qëndron edhe te nënvleftësimi i gjatë që kishin ndjerë demokratët individualisht nga drejtuesit e degës. Unë kam një përvojë shumëvjeçare si deputet në kryeqytet. Dua të them se kam një përvojë të gjatë, ku kam mësuar t'i respektoj edhe zgjedhësit që nuk kanë votuar për mua. Kjo përvojë nuk është e njëjtë me ndërtimin e përbashkët të punës politike, që do të më duhet të bëj, me demokratët që do të votojnë kundër kandidaturës time. Pra, unë jam i vendosur të sjell në degën e Tiranës respektin e vërtetë për zërat ndryshe brenda partisë, gjë që mungon deri tani. Demokratët e Tiranës duhet t'i drejtojë një demokrat. Këto aspekte, që përbëjnë sfidat e mia si politikan, do të përbëjnë kontributin tim për PD-në e Tiranës. Besoj fort se do të jem i dobishëm për PD-në e Tiranës. Sa për llogaritë e humbjes, di të them me siguri vetëm se unë nuk jam nga ata, që u përshtatet proverbi se "për inat të vjehrrës, shkoj e fle me mullixhiun". Unë do të vazhdoj të jem anëtar i PD-së. Nëse sot do të vijonit të ishit Ministër i Jashtëm në kabinetin Berisha, a do ta kishit këtë projekt për PD-në e Tiranës, pasi logjikshëm mund të mendosh se kjo iniciative e juaja vjen për të fituar një ekuilibër ndoshta të humbur në jetën politike të PD-së? Ju siguroj se edhe po të isha ende ministër, do të isha kandidat për drejtimin e PD-së së Tiranës. Ky për mua është një projekt politik, që ka filluar të piqet ngadalë në kokën time qysh në vitin 2000, kur kandidova për Bashkinë e Tiranës. Lufta kundër korrupsionit Më vjen keq që zotimi për tolerancën zero ndaj korrupsionit mbeti më fort në letër. Rrjedhimisht, në zgjedhjet e ardhshme nuk mund të dalim me të njëjtin ekip qeverisës, përndryshe do ta kemi të vështirë t'u premtojmë shqiptarëve përsëri qeverisjen me duar të pastra. Për fushatën brenda PD-së Së pari, fushata filloi me shumë vonesë. U njoftua fillimisht nga udhëheqja e partisë se do të niste qysh vitin e kaluar. U bë madje zhurmë në media, por në parti nuk lëvizi asgjë. U njoftua përsëri këtë pranverë dhe përsëri nuk u bë asgjë. Për së treti u njoftua në fillim të shtatorit. E treta doli si e vërteta. Gjithë kjo zvarrisje krejt e papërligjur la me të drejtë te demokratët shijen e një nënvleftësimi për strukturat, që do të thotë nënvleftësim për rolin e secilit nga militantët e partisë. Demokratët nuk ndjehen mirë kur trajtohen si figurantë. Lista e të zgjedhurve Kjo periudhë debati duhet të jetë shosha për t'i fshirë nga lista e të zgjedhurve të PD-së të gjitha ato figura që e kanë prishur imazhin e kësaj partie, e kanë ndotur atë me korrupsion apo e kanë kompromentuar me paaftësi drejtuese. Në takimet e shumta që unë kam përditë me demokratët që nuk morën poste pas fitores së 3 korrikut, vërej se ata e ndjejnë të nevojshme ta zhvillojnë këtë debat dhe janë fare të qartë për mënyrën si duhet zhvilluar ai. Kthjelltësia e tyre është shenjë e pjekurisë së lartë të PD-së. Fushata në PD Në 18 vjet jetë, partia jonë nuk ka zhvilluar kurrë një fushatë më pak të organizuar e më pak transparente. Për të mbështetur shqetësimin tim e që nuk është vetëm shqetësimi im, por i një mase të gjerë demokratësh, rreth organizimit të përciptë dhe jo transparent të fushatës, po ju sjell edhe një fakt: ne, demokratët e Tiranës, nuk dimë ende se sa do të jetë numri i delegatëve që do të zgjedhin kryetarin e degës sonë, ndërkohe që ka qënë e detyrueshme sipas udhëzimit që Kryesia e Partisë, në bazë të formulës së shpallur, të bënte shpërndarjen e delegatëve, në secilën nëndegë qysh para fillimit të zgjedhjeve nëpër seksione Parimi "një anëtar një votë" Votimi "një anëtar-një votë" deri në nivelin e kryetarit të degës do të ishte një eksperiencë e parë shumë e dobishme për të kaluar në zgjedhjet e ardhshme te votimi sipas të njëjtit parim edhe për vetë kryetarin e partisë. Ne sot jemi e vetmja parti e qendrës së djathtë europiane, që nuk i zgjedh drejtuesit e vet qendrorë me votat e të gjithë anëtarëve, çka tregon se demokracia në partinë tonë është ende shumë larg standardit që zotëron në familjen politike europiane, ku ne bëjmë pjesë. Qëndrimi për KOP-in .Zemërimi im me KOP-in tonë buron pikërisht nga që shumica e tyre nuk na dolën mendje të lira. Ata dëshmuan se ishin bashkangjitur në trupën tonë politike vetëm për të marrë pushet dhe për të bërë ndonjë lek. Për pranimet e reja E qortueshme në këtë rast është vetëm pse pranimet e reja po bëhen kryesisht me urdhër nga lart dhe të lidhura me fushatën e zgjedhjeve në parti. Shoh mjaft punonjës të administratës, të cilët postet e këndshme e shpesh fitimprurëse i kanë marrë me akraballëqe dhe tani paraqiten nëpër nëndegë për t'u pajisur me dokumentin e anëtarit të PD-së. Për ministrin Ky soj ministri i përket racës së atyre zotërinjve dhe zonjave, të cilëve në 1996 u ra bingo, e panë veten aty ku as në ëndërr s'e kishin parë, në parlament e në qeveri dhe një vit më vonë, kur PD humbi pushtetin, hodhën mbi të e mbi kryetarin e saj gjithë baltën e botës, a thua se kjo parti u kishte bërë padrejtësinë më të madhe të jetës. Një partie të përgjegjshme i takon të ketë kujtesë të fortë, për të nxjerrë mësime nga gabimet e veta. Shpesh shoh humbje të kujtesës politike te udhëheqja jonë sot dhe shqetësohem. Për programin si kandidat për kryetar Në programin tim synoj që strukturat e degës, seksionet dhe grupseksionet, ta zhvillojnë një debat të tillë në vazhdimësi. Demokratët do ta kishin më të lehtë të bënin fushatë me programin e ri të partisë vitin e ardhshëm, në qoftë se gjatë këtyre katër vjetëve nëpër seksione do të ishin zhvilluar debate të hapura rreth pronës, rreth legalizimeve, rreth ligjit për dosjet dhe lustracionin, rreth taksës së sheshtë e plot tema të tjera madhore, që nxjerrin në dritë identitetin e PD-së si parti e qendrës së djathtë. Duke patur të qartë se çfarë na dallon neve nga socialistët, çdo demokrat do të ndjehej më i sigurtë për t'i kërkuar votën fqinjit apo kushëririt në emër të PD-së. Për të rinjtë Këta djem dhe vajza të mrekullueshme do të trokasin në derën e PD-së jo si tifozë të Berishës, të Topit apo të Jozefinës, por si aktivistë politikë, që kërkojnë të gjejnë te kjo parti mishërimin e kulturës së tyre të re politike. Po nuk e gjetën këtë kulturë, shkojnë diku tjetër. Dhe konkurenca e hapur, e ndershme, është në themel të kulturës moderne politike. Unë jam i bindur se edhe thjesht me kandidimin tim, i kam bërë një shërbim të vyer Partisë Demokratike Për bërrylat në PD E kam shprehur publikisht bindjen time dhe po e shpreh prapë se për kryetarin Berisha nuk ka rëndësi cili nga kandidatët zgjidhet. Do të ishte një gabim me pasoja për autoritetin e tij, por edhe për kompaktësinë e anëtarësisë demokrate të Tiranës, në qoftë se ai i largohet këtij parimi. Disa njerëz, pak me budallëk e pak me shejtanllëk, po përpiqen të sajojnë një rivalitet midis meje dhe Berishës. Këta njerëz shpresojnë të më shmangin mua nga fusha e luftës politike duke përdorur Berishën. Unë kam besim se Berisha nuk do të bjerë në këtë kurth intrigantësh mediokër. Dega e PD-së, Tiranë Unë jam i vendosur të sjell në degën e Tiranës respektin e vërtetë për zërat ndryshe brenda partisë, gjë që mungon deri tani. Demokratët e Tiranës duhet t'i drejtojë një demokrat. Këto aspekte, që përbëjnë sfidat e mia si politikan, do të përbëjnë kontributin tim për PD-në e Tiranës. Besoj fort se do të jem i dobishëm për PD-në e Tiranës. Fushata Përmes një debati të hapur e të pa manipuluar sigurisht që të zgjedhurit në strukturat lokale të partisë jo vetëm në Tiranë, por në gjithë Shqipërinë, do të jenë demokratët me kontributet më të mëdha e me aftësitë më të spikatura politike dhe organizative për t'i shërbyer fitores së mandatit të dytë. Sepse është e nevojshme për Shqipërinë që PD të marrë edhe një mandat të dytë, për të mbyllur disa nga reformat thelbësore për Shqipërinë, që ajo ka ndërmarrë tashmë në qeverisjen e parë Në rast humbje Demokratët e Tiranës duhet t'i drejtojë një demokrat. Këto aspekte, që përbëjnë sfidat e mia si politikan, do të përbëjnë kontributin tim për PD-në e Tiranës. Besoj fort se do të jem i dobishëm për PD-në e Tiranës. Sa për llogaritë e humbjes, di të them me siguri vetëm se unë nuk jam nga ata, që u përshtatet proverbi se "për inat të vjehrrës, shkoj e fle me mullixhiun". Unë do të vazhdoj të jem anëtar i PD-së. shek "nje anetar nje vote" eshte e domosdoshme per PD dhe Berisha duhet te qartesoje pse nuk e ben. Po une ka nja 10 vjet qe pyes: Sa anetare ka PD? Asnje nuk e di. Ky eshte nje deshtim absolut organizativ e kush e ka pergjegjesine ta mbaje. Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 1-2-2009 nė 10:40 Zgjedhjet ne PD Me organizimin e ri PD do te kete 36 kryetare degesh, sa rrethe ka Shqypnia. Le te shkruajme ata qe jane zgjedhur deri tani: Korce Gjergji Papa E ka kush jeteshkrimin? Profesori i Universitetit “Fan Noli”, z. Gjergji Papa, është kryetari i ri i demokratëve të Korçës. Demokratët korçarë i besuan atij drejtimin e degës për një mandat 4-vjeçarë. Z. Papa fitoi dje përballë kandidatit tjetër, Andrea Mano, me rezultatin e votimit 312, kundrejt 151 pikëve që mori Mano i ardhur nga PDR-ja pas shkrirjes me PD-në. Profesori i “Fan Nolit” konfirmoi dje mbështetjen e gjerë politike në qytetin e Korçës, por edhe më gjerë. Ai ka qenë kandidat për kryetar të Bashkisë së Korçës dhe një prej intelektualëve pranë PD-së që në vitet ‘90. Papa mbart një aktivitet të tij intelektual, shoqëror dhe politik në Korçë, duke gëzuar një reputacion të gjerë në qytetin e serenatave, por edhe në rangjet më të larta intelektuale dhe akademike. Demokratët e rrethit të Korçës zhvilluan dje Kuvendin e 9-të për të analizuar punën e degës së PD-së në këtë rreth gjatë tre viteve të fundit, si dhe për të votuar strukturat e reja drejtuese të kësaj dege. Punimet e kësaj konference, me pjesëmarrjen e 482 delegatëve të dalë nga seksionet e fshatit dhe të qytetit, simpatizantëve dhe mbështetësve të PD-së standard Në Kuvendin e 9-të të degës së PD Korçë, 482 delegatë nga seksionet e fshatit dhe të qytetit Bode: Qeverisja e PD solli ndryshimin e madh Demokratët e rrethit të Korçës zhvilluan dje, Kuvendin e 9-të ku analizuan punën e degës së PD-së në këtë rreth gjatë tre viteve të fundit, ndërkohë që votuan edhe strukturat e reja drejtuese të kësaj dege. Punimet e këtij kuvendi, me pjesëmarrjen e 482 delegatëve të dalë nga seksionet e fshatit dhe të qytetit, simpatizantëve dhe mbështetësve të PD-së, u përshëndetën nga i deleguari i PDSH-së, Sekretari i Përgjithshëm, Ridvan Bode, i cili vlerësoi demokratët korçarë për angazhimin dhe kontributin e dhënë në përhapjen e ideve dhe programit qeverisës të PD-së. "Punimet e këtij Kuvendi zhvillohen pas diskutimeve, debateve dhe anëtarësimeve që kanë kryer seksionet dhe grupseksionet prej mëse 3 muajsh", tha zoti Bode, duke theksuar se ky proces u dominua nga përgjegjësia e çdo anëtari të PD-së ndaj angazhimit dhe suksesit të programit qeverisës. "Ky proces, si proces reflektimi, sigurisht ka evidentuar të gjitha rezultatet, sukseset e arritura nga dega e PD-së në Korëçë e nga PD në tërësi, nga qeveria e saj, por është karakterizuar dhe nga një përgjegjshmëri më e lartë për të korrigjuar, për të përshpejtuar elementë shumë të rëndësishëm të programit tonë politik, për të rregulluar aspekte të funksionimit tonë të përditshëm", tha zoti Bode. Ai vuri në dukje se, "ky proces u pri nga ideja e ripërtëritjes së PD-së dhe kjo nuk ka të bëjë thjesht me ripërtëritjen moshore, me tërheqjen e një numri më të madh të rinjsh si anëtarë të PD-së, por edhe me hapjen, zgjerimin e partisë ndaj grupeve shoqërore dhe grupeve të interesave që gjejnë tek PD idealet dhe shpresat e tyre". Zoti Bode shtoi se, "hapja dhe zgjerimi i PD-së ndaj universiteteve, intelektualëve e të rinjve, përbën një potencial shtesë në sfidat që kemi përpara". Thelbësor në këtë proces, vijoi ai, nuk janë emrat, por është vetë procesi gjithëpërfshirës e mobilizues për të gjithë anëtarët e PD-së. Duke u ndalur në faktin se, PD në zgjedhjet lokale ka humbur Bashkinë e Korçës, zoti Bode kërkoi analizë e reflektim për dështimet pjesore, jo përmes debatesh boshe e akuza të pa vlera, por përmes motivimit e inkurajimit të individëve më të përkushtuar, kandidatëve për kryetar dhe kryesisë së re, që mund t'i japin një impuls të ri dhe ritëm më të madh punës së PD-së dhe betejës së saj politike në rrethin e Korçës. Në këtë Kuvend, zoti Bode tërhoqi vëmendjen se, "të zgjedhurit dhe të emëruarit që përfaqësojnë PD-në, anëtarësinë e saj, nuk kanë ushtruar sa duhet përgjegjësitë që vijnë prej mandatit politik dhe nuk kanë reflektuar sa duhet ndaj vërejtjeve, sugjerimeve dhe propozimeve të bëra nga anëtarësia". Ai kërkoi nga stafi i ri, që do të zgjidhet prej votimeve të Kuvendit të 9-të të degës së PD në Korçë, që të ndalet në analiza më të detajuara, për të parë rezultatet e çdo njësie, komune apo bashkie dhe për të kërkuar përmirësimin e shpejtë të gjendjes. Z. Bode u ndal dhe në arritjet e qeverisjes demokratike, duke nënvizuar se, "qeverisja e PD-së dhe aleatëve të saj të djathtë mundësoi ndryshimin e dukshëm të Shqipërisë". Ai përmendi arritjet e proceseve integruese, anëtarësimin e Shqipërisë në NATO, i cili tre vjet më parë ishte i ndaluar për shkaqet e qeverisjes dhe nivelit të lartë të korrupsionit të saj. "Ne sot jemi një vend kandidat dhe me shpejtësi po shkojmë për t'u përfshirë në proceset integruese të BE-së, procese këto që avancojnë çdo ditë e me lajme pozitive na inkurajojnë për të progresuar më shpejt në reforma dhe përafrimin e funksionimit të institucioneve tona me ato perëndimore", shtoi ai. Ndarja e shtetit nga krimi, dominimi i bandave të lidhura me pushtetin, u veçuan nga zoti Bode si faktorë, që i dhanë kredibilitet qeverisjes së PD-së për të vazhduar integrimin në strukturat euro-atlantike. "Qeveria jonë dëshmoi vullnet për të dominuar edhe mbi një të keqe të madhe, që kishte pushtuar institucionet e shtetit në qeverisjen e mëparshme, siç është ai i korrupsionit", solli në vëmendje z. Bode, duke shprehur kënaqësinë se në tërësi qeverisja e PD-së është ballafaquar me opinionin publik me një stad të nivelit të lartë e ndjenjë qytetare të madhe. G.Ashimi/ATSH Dega e PD Korçë, 1500 anëtarësime të reja në dy vjet Kryetari i degës së Partisë Demokratike për rrethin e Korçës, Agron Hazisllari, në raportin që mbajti dje në Kuvendin e 9-të të kësaj dege u shpreh se, "dega e Partisë Demokratike vjen me një sërë arritjesh, dhe ka se çfarë t'i thotë mijëra anëtarëve, simpatizantëve të saj dhe elektoratit. Kjo edhe për faktin se gjatë këtij mandati, Partia Demokratike dega Korçë u rrit jo vetëm në zgjerimin e rradhëve të anëtarëve dhe simpatizantëve të saj, por u pasurua edhe me një përvojë të madhe në organizimin e vet, drejtimin e strukturave të saj drejt fitores së përbashkët. Duke u ndalur në risitë e procesit zgjedhor ai nënvizoi se, "një nga aspektet thelbësore të reformës së brendshme në degën e Partisë Demokratike në Korçë është vendosja e ekuilibrave të domosdoshëm midis brezave të militantëve, në mënyrë që krejt anëtarësia të kompaktësohet dhe të mbrohet identiteti i partisë". Hazisllari dha si bilanc të punës së mirë të degës së PD në Korçë organizimin në 19 grup seksione dhe 167 seksione me një numur të përgjithshëm anëtarësh prej 5300 vetë. Ai theksoi se, gjatë këtij mandati janë pranuar mbi 1500 anëtarë të rinj, një pjesë e të cilëve femra. "Përpjekjet për rritjen e anëtarësisë nuk duhen reshtur asnjëherë, dhe në mënyrë të veçantë vëmendja të përqendrohet në elementin cilësor, sidomos të synohet anëtarësimi i intelektualëve specialistë të fushave të ndryshme", tha Hazisllari. Ai kërkoi nga Kuvendi i 9-të i degës së PD në Korçë që "zgjedhjet e reja të zgjojnë anëtarësinë demokrate, ta motivojnë atë si pjesë të politikëbërjes të Partisë Demokratike për të fituar një mandat të ri qeverisës". Me ardhjen në pushtet të PD-së, u krijuan shanset për realizimin e programit elektoral dhe premtimeve të dhëna, duke u proceduar së pari, me fuqizimin dhe administrimin politik të pushtetit në të gjitha nivelet, duke respektuar kuadrin ligjor në fuqi dhe, duke realizuar në vijimësi reforma madhore. G.ASHIMI Gjergji Papa u zgjodh kryetar i Degës së PD Korçë Dega e PD në Korçë, arriti të implementojë drejtimin në institucionet dhe ndërrmarjet e niveleve të saj, dhe drejtuesit tanë treguan se janë të aftë të qeverisin më mirë nga paraardhësit, duke rritur shërbimet, nivelin e tyre, realizimin e treguesve ekonomikë, duke rritur dukshëm të ardhurat dhe, duke dëshmuar një menaxhim të mirë të qeverisjes sonë. Pas analizës, Kuvendi i 9-të i Degës së PD Korçë, zhvilloi procesin e votimit për forumet drejtuese të degës, kryetarin dhe kryesinë e re të saj. Gjergji Papa dhe Andrea Mano, ishin dy kandidaturat në garë për kreun e PD-së së Korçës. Në përfundim të procesit të votimit të delegatëve rezultoi fitues zoti Gjergji Papa. Zgjedhjet në degën e Partisë Demokratike Korçë, si në të gjithë vendin zhvillohen në një moment politik shumë të rëndësishëm që lidhet me zgjedhjet e afërta parlamantare. rd Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 1-2-2009 nė 10:46 Z. Noka konfirmon zgjedhjen e kryetarit të PD-së së Kuçovës, z. Fadil Mara, të Përmetit, z. Arian Kacaj, të Shijakut ,z. Dardan Domi, të Devollit, Gëzim Dunkolli, dhe zgjedhjen më të fundit, atë të kreut të PD-së së Kolonjës, Viktor Duro. standard Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 8-2-2009 nė 11:43 Me kuvendin e 9-të të degës së Pogradecit përfundon procesi zgjedhor në strukturat e PD të Qarkut Korçë Bode: Në 2008, Shqipëria me rritjen më të madhe ekonomike Zgjedhjet e strukturave të reja drejtuese në Partinë Demokratike, për Qarkun e Korçës përfundojnë me sukses. Pas kuvendeve të degëve të PD të rretheve Devoll, Kolonjë e Korçë, dje u zhvillua edhe Kuvendi i demokratëve të Pogradecit. 357 delegatët e këtij kuvendi i përshëndeti Sekretari i Përgjithshëm i PDSH, Ridvan Bode, njëherësh ministër i Financave, ndërkohë që në këtë kuvend merrnin pjesë gjithashtu deputetët Edmond Spaho, (kryetar i Komisionit parlamentar të Ekonomisë) dhe Eris Hoxha, shefi i administratës në selinë e PDSH Florian Xhuti dhe përfaqësues të tjerë në rang qendror e lokal. Niko Dudo rizgjidhet kryetar i degës së PD Pogradec Pas afro 3 muaj procesi zgjedhor në seksione dhe grup seksionet e PD-së, 357 delegatët e Kuvendit të 9-të të Degës së PD-së Pogradec zgjodhën dje forumet e reja drejtuese të kësaj dege. Raportin e veprimtarisë së degës së Partisë Demokratike për rrethin e Pogradecit e mbajti në këtë Kuvend kryetari i saj, Niko Dudo, i cili vlerësoi se, demokratët e rrethit të Pogradecit vijnë në këtë Kuvend me rezultate të mira nga mandati i tyre 4-vjeçar. "Gjatë këtij mandati, dega e Partisë Demokratike në Pogradec u zgjerua jo vetëm me anëtarë të rinj e simpatizantë të saj, por u pasurua me një përvojë të madhe në drejtimin organizativ, me qëllim fitimin e pushtetit dhe vazhdimin e reformave integruese", u shpreh kreu i demokratëve të këtij rrethi. Niko Dudo, vuri në dukje se "Partia Demokratike edhe në rrethin e Pogradecit ka punuar për ruajtjen e vlerave të lirisë, të barazisë e drejtësisë në garën politike". Ai përmendi si arritjet e qeverisjes demokratike në këto 3 vjet e gjysëm integrimin e Shqipërisë në NATO, përafrimin me Bashkimin Europian, kryerjen e reformave të gjithanshme, si dhe investimet në arsim, shëndetësi, infrastrukturën rrugore e luftën pa kompromis ndaj korupsionit. "Këto janë bilance me gjurmë të thella në historinë e shqiptarëve, pasi realizuan ëndrrën e tyre për integrim", u shpreh kryetari i degës së PD në Pogradec. Në garën për kreun e degës së PD Pogradec morën pjesë ish-kryetari Niko Dudo, Robert Gusho dhe Elvira Qeraxhi, nga të cilët fitoi z.oti Niko Dudo. Po dje, u zgjodh edhe kryesia e re e degës së PD Pogradec. Procesi i votimit për këto forume që u krye në përputhje të plotë me statutin e PDSH u ndoq nga z.Florian Xhuti, shef i administratës në selinë e kësaj partie. rd Kush eshte Niko Dudo? Sa doli votimi? Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 10-2-2009 nė 10:05 Mallakastër, Agron Kapllanaj zgjidhet kryetar i degës së PD Mesditën e së dielës, dega e PD të rrethit të Mallakastrës, organizoi kuvendin e saj të radhës, ku analizoi veprimtarinë katërvjeçare dhe zgjodhi forumet e reja drejtuese, kryetarin dhe kryesinë e re. Dega e PD Mallakastrës është krijuar në 8 Mars të vitit 1991, si domosdoshmëri për zhdukjen e sistemit të vjetër dhe nevojës për ndryshim. Në krijimin e vet, PD në këtë rreth numëronte 29 anëtarë, ndërkohë që në rrugën e saj të gjatë, kjo forcë është zgjeruar dhe fuqizuar, duke arritur që aktualisht të ketë 913 anëtarë. Ky qe vërtetë një bilanc inkurajues, me të cilët demokratët e Mallakastrës erdhën në kuvendin e radhës të degës së tyre. Pas hapjes së konferencës nga Sekretarja e degës, Shpresa Bashaj, raportit të kryetarit të degës, përshëndetjes të të deleguarit të kryesisë së PDSH, ministrit të PPTT, Sokol Olldashi dhe diskutimeve, përshëndetën kandidatët për kreun e ri të kësaj dege, të cilët shpalosën dhe platformën e tyre për drejtimin e strukturave të PD. Ndër disa kandidaturat e propozuara nga mbledhjet e seksioneve dhe grup seksioneve, për kreun e degës në këtë kuvend, konkuruan ish-kryetari, Agron Hasanbelliu dhe Kryetari i Komunës Qëndër, Agron Kapllanaj. Pyetjet dhe diskutimet e shumta treguan pjekurinë e demokratëve mallakastriotë. Ato reflektonin shqetësimin dhe preokupimin e përgjithshëm, për një drejtim më të mirë në funksion të interesave të komunitetit, pasi PD në këtë rreth është mazhorancë qeverisëse. Gara ishte një model, pasi ishte reflektim i frymës së demokracisë dhe aktit të qytetarisë. Në fund të votimit ku morën pesë 100% e delegatëve (159) kryetar i degës së PD-së Mallakastër u zgjodh zoti Agron Kapllanaj, aktualisht kryetar i Komunës Qëndër. rd Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 16-2-2009 nė 10:06 Naim Gazidede, kreu i ri i PD-së së Dibrës VALENTINA MADANI Naim Gazidede është kryetari i ri i PD-së së Dibrës. Kuvendi i 9-të i demokratëve të Dibrës zgjodhi në krye të degës së PD-së pikërisht kryetarin e Këshillit të Qarkut, z. Gazidede. Në zgjedhjet e djeshme merrnin pjesë të deleguarit e qendrës, anëtari i Kryesisë së PD-së, Ilir Bano, këshilltari i Kryeministrit Berisha për Arsimin dhe Shkencën, Myqerem Tafaj, anëtari i Këshillit Kombëtar, Njazi Kosovrasti, deputetët Rrahim Kaleci e Albert Farruku dhe shefi i departamentit të Organizimit në selinë e PDSH-së, Albert Avduli. Deputeti i zonës, Rrahim Kaleci, ish-kryetar i PD-së, dega Dibër, evidentoi arritjet e strukturave të partisë në zgjedhjet e kaluara të pushtetit vendor si dhe përpjekjet e pareshtura të qeverisë “Berisha” për krijimin e klimës së përshtatshëm për rritjen e investimeve në Dibrën e harruar nga ish-qeverisja socialiste. Duke përshëndetur në emër të Kryesisë së PDSH-së, z. Ilir Bano tha: “Standardet tona maten me premtimet e mbajtura dhe ne jemi këtu për të deklaruar se dimë të mbajmë premtimet, se dimë të qeverisim, se dimë dhe të realizojmë objektivat, ato objektiva që më shumë se kurrë na afrojnë me ëndrrën tonë të përbashkët, NATO-n dhe Evropën”. standard Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 16-2-2009 nė 10:23 Kryebashkiaku i Klosit, Bedri Hoxha u zgjodh kryetar i degës së PD, Mat Dega e Partisë Demokratike e rrethit të Matit përfundoi procesin zgjedhor në të gjitha strukturat, proces ky që u finalizua dje me kuvendin e radhës, ku u analizua veprimtaria katërvjeçare dhe u zgjodhën kryetari dhe kryesia e degës. 256 delegatët e këtij kuvendi i përshëndeti në emër të kryesisë së PDSH dhe të kryeministrit Berisha, nënkryetari i Grupit parlamentar demokrat Ilir Bano. Duke shprehur kënaqësinë që ndodhej mes demokratëve matjanë, Bano shprehu bindjen se dega e PD e rrethit të Matit, me konfigurimet e strukturave të saj do të sjellë frymën e re në bazë, frymën e besimit në komunitet dhe sigurisë së fitores së PD në gjithë Shqipërinë. "Qenia ime këtu është një luks, pasi jam mes miqsh dhe sot më shumë se kurrë po më forcohet bindja se dega e PD Mat, e forcuar dhe konsoliduar tashmë do të jetë lajmëtare e fitores së thellë të Partisë Demokratike në zgjedhjet parlamentare të 28 qershorit", tha ndër të tjera numri dy i parlamentarëve demokratë. Bano e cilësoi "një ngjarje të rëndësishme të jetës politike në rrethin e Matit", procesin zgjedhor të kësaj partie. Kjo për faktin se, tashmë Partia Demokratike është bërë parti e të gjithë individëve që aspirojnë për një Shqipëri ndryshe, për një Shqipëri europiane, për një Shqipëri me më shumë mirëqenie dhe zhvillim ekonomik", u shpreh i deleguari i kryesisë së PD në Kuvendin e demokratëve të Matit. Bano vijoi më tej se, "Standardet tona maten me premtimet e mbajtura dhe ne jemi këtu për të deklaruar se dimë të mbajmë premtimet, se dimë të qeverisim, se dimë dhe të realizojmë objektivat, ato objektiva që më shumë se kurrë na afrojnë me ëndrrën tonë të përbashkët, Naton dhe Evropën". Pasi foli për arritjet madhore të qeverisë Berisha, të cilat janë të prekshme edhe në rrethin e Matit, Bano tha se, "Shqipëria po ndryshon" nuk është sllogan, por një realitet tashmë. "Ne sollëm frymën e qeverisjes, frymën e mosparcelizimit të Shqipërisë, atë frymë që qeveritë socialiste e mbollën kudo", tha i deleguari i kryesisë së PDSH në Kuvendin e degës së PD Mat. Një raport më të detajuar për punën e bërë, arritjet dhe detyrat për të ardhmen mbajti në këtë kuvend ish-kreu i kësaj dege Nezir Rizvani. Në këtë linjë vazhduan edhe diskutimet e delegatëve, të cilët vleresuan veçanërisht investimet madhore që janë kryer këto vitet e fundit në të gjitha njësitë vendore të rrethit të Matit. Më pas, në përputhje të plotë me Statutin e PDSH u krye procesi për zgjedhjen e kryetarit dhe kryesisë së re të degës. Mes dy kandidatëve që garuan për kreun e degës së PD Mat, ish-kryetarit Nezir Rizvani dhe kryetarit të Bashkisë Klos, Bedri Hoxha, fitoi ky i fundit me 164 vota. Ky votbesim i gjerë në Kuvendin e degës së PD Mat për zotin Bedri Hoxha është parasëgjithash vlerësim për përkushtimin mkskimal që ai ka dëshmuar në dy mandate si kryetar i Bashkisë së Klosit, duke e bërë atë një njësi vendore model në gjithë Qarkun e Dibrës. Në Kuvendin e degës së PD Mat, ishin gjithashtu të pranishëm deputetët Idriz Xhomara e Sali Shehu, zoti Njazi Kosovrasti si nënkryetar i Grupit të punës të ngritur nga kryesia e PDSH për Qarkun e Dibrës, shefi i Departamentit të Organizimit në selinë qendrore të PD, Albert Avduli, dhe shefi i administratës, Florian Xhuti, të cilët administruan me mjaft korrektesë procesin zgjedhor të forumeve të larta drejtuese të kësaj dege. Halil RAMA rd Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 16-4-2009 nė 09:26 Luçiano Boçi, kreu i ri i PD-së Elbasan B.Nergjoni | 16/04/2009 ELBASAN - Luçiano Boçi do të jetë kreu i ri i degës së Partisë Demokratike në Elbasan. Ai u zgjodh pas një votimi nga 522 delegatë nga i gjithë rrethi, duke marrë 257 vota nga 505 që u shpallën të vlefshme. Kandidaturat për kreun e kësaj partie ishin Ali Turhani, Luçiano Boçi, Shefqet Deliallisi dhe Ilirjana Herri, e tërhequr më pas nga gara. Në platformën që shtroi para zgjedhjeve zv.rektori i Universitetit të Elbasanit, Luçiano Boçi, ka pasur edhe kritika të ashpra për drejtimin e mëparshëm të degës së PD-së Elbasan. "Disa të vërteta të thëna brenda familjes, realisht nuk bëjnë keq. Dega e PD-së në Elbasan nuk ka qenë brilante për të mos thënë që ka qenë shumë poshtë nivelit të dëshiruar. Evidentohet një hendek shumë i madh midis sukseseve të qeverisjes qendrore dhe asaj lokale të menaxhuar keq në degë", tha Boçi para delegatëve. Ai vijoi se mungesa e analizave serioze për humbjet e vitit 2005-2007 ka sjellë pasojat negative dhe se partia kishte shkuar drejt personalizimit, dhe jo vendimeve kolegjiale. Kjo, sipas tij, kishte penguar dhe bërjen e një reforme të thellë dhe të drejtë. "Është e patolerueshme që militantë, të persekutuar dhe njerëz me kontribute maksimale nuk janë sistemuar ende, dhe sot gjenden në kërkim të një pune. Ne jemi mbledhur këtu për ta ndryshuar këtë sistuatë dhe çdo militant të ketë vendin e vet brenda PD-së, çdo anëtar të ketë nderin e vet në familjen e madhe demokrate", përfundoi Luçiano Boçi. Të deleguar në këtë aktivitet zgjedhjesh ishin dy ministrat Lulzim Basha e Ardjan Turku, kreu i Kabinetit Arben Imami, Halit Shamata e Fahri Balliu. shek Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 15-5-2009 nė 07:36 http://www.pd.al/ Me ne fund! Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 15-5-2009 nė 10:24 Kryetari i Partisë Demokratike për degën e Tiranës do të zgjidhet përpara zgjedhjeve të 28 qershorit. Kryeministri Berisha ka përcaktuar më në fund datën se kur do të zgjidhet pasardhësi i Sokol Olldashit në degën më të madhe të kësaj force politike. Burime nga PD-ja bënë të ditur për gazetën se zgjedhjet për këtë degë do të zhvillohen pikërisht të hënën e ardhshme, në 18 maj, ditën në të cilën skadon afati për dorëzimin e listave të kandidatëve për deputetë për zgjedhjet e përgjithshme. Ndërkohë në një nga ditët e ardhshme pritet që të mblidhet edhe kryesia e Partisë Demokratike, e cila do të përcaktojë kandidaturat që do të garojnë në kuvendin e degës. Në nenin 27 të statutit të forcës më të madhe politike në vend, në kapitullin “Kryetari” thuhet se, është pikërisht kryesia qendrore ajo që formulon përfundimisht propozimet për kandidaturat. Më konkretisht sipas këtij neni, “Kryetari i degës zgjidhet nga mbledhja e përbashkët e kryesive të nëndegëve mes kandidaturave të propozuara nga kryesia e PDSH. Kandidaturat e dala për kryetar të degës i nënshtrohen një diskutimi dhe vlerësimi nga kryesia qendrore e partisë, e cila formulon përfundimisht propozimet për kandidaturat”. Favoriti kryesor për garën e Tiranës është zëdhënësi i grupit parlamentar të PD-së, Aldo Bumçi, i cili ka marrë edhe mbështetjen publike të Kryeministrit Berisha. Gjithashtu në garë është ish- ministri i Jashtëm, Besnik Mustafaj, i njohur për kritikat e tij të fundit ndaj lidershipit demokrat si dhe Edi Paloka, Lajla Përnaska dhe Gjergj Bojaxhi. panorama Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 31-10-2009 nė 11:41 Sinqerisht kush eshte ai idiot qe merret me faqen e PD?! Si nuk i vjen turp, sikur ne PD te kete vetem fshatare injorante!? Pse ore idiot akoma ne fushate jemi?! Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 3-11-2009 nė 10:57 INTERVISTE Z. Biberaj, një javë më parë u mblodh Kryesia e Partisë Demokratike, që vendosi për thirrjen e Kuvendit Kombëtar më 12 dhjetor. Çfarë pritet nga ky kongres? Jemi në fillimin e fushatës për organizimin e Kongresit të Partisë Demokratike, që do të mbahet më 12 dhjetor. Mendoj që Kuvendi merr një rëndësi të veçantë, pasi Partia Demokratike është në fillim të mandatit të dytë, kështu që çështja e parë dhe më e rëndësishme, është bërja e analizave sesi ka funksionuar Partia Demokratike gjatë këtyre katër viteve, që nga Kuvendi i fundit kombëtar, analiza e zgjedhjeve të vitit 2007 dhe e zgjedhjeve të vitit 2009 dhe natyrisht hartimi i një statuti të ri sipas standardeve të Partive Popullore Evropiane. Do të dëshiroja që analizat të jenë të vërteta, të jenë realiste, në mënyrë që të merret vesh se çfarë ka ndodhur në Partinë Demokratike, që nga viti 2005. Të analizohen edhe rezultatet e dobëta të zgjedhjeve, si të vitit 2007 ashtu edhe ato të vitit 2009 dhe natyrisht besoj se këto rezultate do të kenë edhe personat përgjegjës, në mënyrë që ne të jemi të përgatitur për të fituar zgjedhjet lokale dhe zgjedhjet e përgjithshme kurdo që të jenë ato. Një element i rëndësishëm është edhe ristrukturimi i lidershipit të Partisë Demokratike. Duke pasur parasysh edhe funksionimin katër vjeçar, unë mendoj se ka vend për ristrukturimin e liderishipit të Partisë Demokratike. Pra, ideja është që të kemi një rotacion elitash në Partinë Demokratike në mënyrë që të mos kemi liderë që rrinë me dekada në drejtim të sektorëve të ndryshëm të Partisë Demokratike, por të kemi një rotacion normal elitash të bazuara në vlera, të bazuara në kontribute politike, bazuar edhe në performancën qeverisëse në qoftë se këta persona kanë qenë qeveritarë, dhe e gjitha kjo e bazuar në votën e lirë, të ndershme dhe transparente, që do të realizohet gjatë kësaj kohe. Përveç ristrukturimit të lidershipit të Partisë Demokratike, çfarë duhet të bëjë tjetër Partia Demokratike, për të rritur demokracinë e brendshme të saj? Unë mendoj që në Partinë Demokratike, në radhë të parë, duhet të ketë një funksionim të strukturave, pra që nga seksioni, grupseksioni, nëndega, dega, Këshilli Kombëtar dhe Kryesia duhet të funksionojnë normalisht dhe jo siç ka ndodhur gjatë këtyre katër viteve që forumet e partisë nuk kanë funksionuar. Kemi pasur një përqendrim të pushtetit në duart e kryesisë së vogël, kryesi e cila nuk njihet nga statuti. Pra, kemi pasur një përqendrim të pushtetit në mënyrë informale në shumë pak duar dhe normalisht në qoftë se janë të njëjta duar si në parti, si në Parlament, si në qeverisje, kuptohet që nuk ka kush të korrigjojë gabimet e qeverisjes. Dihet që në çdo vend demokratik, problemi është qeverisja dhe normalisht ka një opozitë që bën opozitën e qeverisjes, por është mirë që edhe brenda forcës politike të ketë një oponencë të brendshme, në mënyrë që gabimet të mos thellohen. Por, kjo oponencë e brendshme kërkon një ambient politik, brenda partisë, kërkon ekzistencën e një mentaliteti dhe psikologjie demokratike. Kështu që, unë kam qenë gjithmonë kundër përqendrimit të pushtetit në shumë pak duar. Jam më shumë për një frymë decentralizimi dhe bashkëpunimi në grup. Ju kërkoni shmangien e frymës klienteliste në politikën shqiptare, a ekziston kjo frymë në Partinë Demokratike? Po patjetër që ekziston. Ekziston fatkeqësisht në të gjitha partitë politike shqiptare. Ekziston edhe në Partinë Demokratike. Kjo frymë ekziston sepse nuk ka demokraci të brendshme, nuk ka transparencë në vendimmarrje. Pra, në qoftë se vendimmarrja përqendrohet në lidershipin e çdo partie, absolutisht mund të ketë klientelizëm, mund të ketë frymë klani dhe nepotizëm, sepse në qoftë se vendimmarrja përqendrohet në 3 -4 vetë, secili prej tyre do të mbështesë klanin e vet ose grupin e vet, gjë që nuk ka asgjë të përbashkët me demokracinë. Kjo është një sëmundje e politikës shqiptare, mesa duket është sëmundje e trashëguar. Por unë mendoj se në një kohë, kur ka kaluar 20 vjet nga rrëzimi i Murit të Berlinit, është koha për të rrëzuar disa mentalitete dhe psikologji të cilave realisht u ka ikur koha. Si mund të zgjidhet kjo situatë? Çelësi është gjithmonë demokratizimi i brendshëm. Pra, në demokracinë e brendshme të kemi elementë funksionalë, të kemi një debat konstruktiv, të kemi analiza të hapura, dhe duke pasur parasysh që në parti që kemi edhe flukse të ndryshme, është mirë që këto flukse të bashkëpunojnë me njëra- tjetrën, dhe jo këto flukse të shndërrohen në klane dhe pastaj të luftojnë në mënyrë të paprinciptë dhe në mënyrë të pamoralshme njëri- tjetrin. Pra, implementimi i frymës së klanit, ose siç e kam quajtur i sektit gjithmonë krijon probleme në funksionimin e çdo force politike. Sa ka mundësi PD-ja, të dalë nga kjo gjendje? Mundësi ka, varet vullneti i lidershipit. Nëse ka vullnet, dilet nga kjo gjendje. Por, unë mendoj që Partia Demokratike ndodhet vërtet në një moment kritik, në një pikë kritike dhe duhet të bëjë një reformim të thellë, një demokratizim të thellë të saj. A duhet të ndahen postet partiake nga ato ministrore? Kam qenë gjithmonë dhe jam kundër përqendrimit të pushtetit në shumë pak duar. Për hir të së vërtetës përqendrimi i pushtetit në shumë pak duar është një metodë e vjetër e regjimeve të vjetra. Po të kujtojmë edhe historinë e ish-vendeve komuniste, kur drejtuesit e kryesorë të partisë ishin drejtues edhe në ekzekutiv, drejtonin të gjithë jetën politike, ekonomike e shoqërore të vendit duke pasur një numër të pafund funksionesh. Unë mendoj që demokracia është një sistem, që secili duhet të zërë vendin e vet, por bazuar në konkurrencë. Lidhur me ndarjen e mandateve, unë e kam ngritur si problem, që në mbledhjen e parë të grupit parlamentar, në shtator të vitit 2005, dhe kam menduar që ndarja e mandateve do t'i shërbejë përmirësimit të punës dhe natyrisht motivimit të personaliteteve që Partia Demokratike i ka në radhët e saj. Pra, nëse kemi një person i cili është në qeverisje, ai duhet t'i përkushtohet qeverisjes dhe vendin e tij, që ka në parti t'ia lërë dikujt tjetër në mënyrë që personi tjetër t'i përkushtohet jetës në parti. Sot jemi pas katër vitesh dhe shohim që partia nuk ka funksionuar dhe një ndër shkaqet e mosfunksionimit të partisë është sepse kemi pasur këtë përqendrim të mandateve. Kjo gjë ka ndodhur jo vetëm në nivel qendror, por ka ndodhur edhe në nivel lokal dhe, dyert e Partisë Demokratike gjatë katër viteve si në nivel qendror ashtu edhe në atë lokal në një farë mënyre kanë qenë të mbyllura. Jo vetëm për këtë shkak por edhe për shkaqe të tjera Partia Demokratike nuk pati rezultat shumë të mirë në zgjedhjet e vitit 2007, kur unë kam kërkuar në atë kohë analiza të cilat nuk u bënë asnjëherë sepse ne humbën qytetet kryesore. Nuk u analizua 2007-ta dhe erdhëm në vitin 2009. U premtua për një rezultat më të mirë sesa e 22 marsit të vitit 1992. Realisht patëm një rezultat, që nuk arritëm që të krijojmë qeverinë. Pra, e gjithë e djathta fitoi 70 mandate baras me të gjithë të majtën, që fitoi 70 mandate. Pra, ne nuk ishim në gjendje që ne të krijonim një qeveri vetëm me aleatët tonë tradicionalë ose natyralë. Kështu që u detyruam të bënim një koalicion, jo të natyrshëm me LSI-në, e cila është një forcë e majtë politike dhe, po vihet re që pushteti gradualisht po kalon nga e djathta tek e majta sepse LSI-ja ka marrë më shumë pushtet sesa ka vota në nivel republike dhe sesa ka mandate deputetësh. Kështu që janë një sërë shkaqesh që kanë sjellë në këto rezultate dhe unë mendoj që është momenti për të analizuar të gjitha këto shkaqe, në mënyrë që të bëjmë përmirësimet e mundshme në rifreskimin e lidershipit të Partisë Demokratike sepse kemi anëtarë të kryesisë së vogël të cilët kanë humbur në qarqet e tyre ose në atë pjesë ku kanë zhvilluar fushatë, kanë bërë premtime të tjera, kanë pasur rezultate më të dobëta, kanë krijuar probleme edhe me zgjedhjet. Kështu që, unë mendoj së një pjesë të përgjegjësisë e ka kryesia e vogël e cila nuk ka arritur të ketë rezultate, të cilat vetë i kanë paraqitur. Çfarë problemesh ka pasur në Partinë Demokratike gjatë fushatës elektorale, që nuk arriti të krijojë e vetme qeverinë, por u detyrua të bëjë koalicion me LSI-në? Natyrisht do të ketë kohë për të analizuar situatën deri në Kongres. Po mendoj se ka pjesë të qeverisjes që nuk kanë funksionuar gjatë këtyre katër viteve. Kemi pasur edhe një politikë përjashtimesh brenda Partisë Demokratike, sot fatkeqësisht në grupin parlamentar, nuk janë personalitete të kësaj partie, themelues të Partisë Demokratike me kontribute 20 vjeçare që janë përjashtuar për arsye të një vendimmarrjeje klienteliste, klanore dhe bazuar në një mentalitet të vjetër të përjashtimit të atyre që mendojnë ndryshe. Edhe fushata mendoj nuk është zhvilluar në nivelin që duhet. Unë mund të kujtoj që në Tiranë, Partia Demokratike pothuajse nuk ka zhvilluar fushatë fare, flas për strukturat lokale. Në Tiranë nuk kemi pasur rezultatin që kemi pritur, po ashtu edhe në qarqe të tjera. Gjithësesi unë mendoj që do të jetë koha për të analizuar rast pas rasti, në mënyrë që ne të shkojmë në Kongres me një analizë reale. Unë jam ithtar i bërjes publike të problemeve për të bërë korrigjime dhe jo i mbylljes së problemeve sepse në qoftë se problemi mbyllet gjërat nuk shkojnë në drejtimin e duhur. Si duhet bërë ndarja e posteve ministrore nga ato partiake, a nevojitet një lloj balancimi apo ndarja duhet të bëhet në mënyrë kategorike? Unë jam për ndarjen kategorike të posteve, normalisht me përjashtim të kryetarit të partisë i cili mund të jetë edhe Kryeministër. Askush tjetër nuk mund të ketë dy poste ose dy mandate dhe kjo vlen si në nivel qendror ashtu edhe në nivel lokal. Sepse nëse kemi të njëjtët persona si në grupin parlamentar, si në qeverisje, ashtu edhe në parti, kush do të bëjë oponencën brenda partisë dhe pushteti përqendrohet në 3- 4 duar dhe ne e pamë rezultatet e këtij përqendrimi gjatë katër viteve, që sapo kanë kaluar. Pra, unë jam për një ndarje kategorike me përjashtim të kryetarit të partisë i cili është edhe Kryeministër. Kështu e kanë edhe Partitë Popullore Evropiane, që kryetari i partisë kur fiton bëhet Kryeministër ose President, varet nga sistemi politik. Asnjë post tjetër nuk mund të jetë i dubluar. Unë jam për funksionimin e partisë, për funksionimin e qeverisë dhe të grupit parlamentar. Janë tre institucione, që kanë lidhje shumë të ngushtë me njëra- tjetrën, por unë do të dëshiroja që të mos ishin e njëjta gjë. Një element i rëndësishëm i kontrollit të qeverisjes është grupi parlamentar. Por në qoftë se janë të njëjtët persona si në parti, në qeveri dhe në grupin parlamentar atëherë kush do ta kontrollojë qeverisjen. Unë mendoj që është momenti për të reflektuar. Kemi kërkuar konkurrencë brenda partisë. Sot nuk ekziston konkurrenca brenda partisë. Dihet sesi zhvillohet konkurrenca, më shumë ka emërime sesa zgjedhje. Unë jam për konkurrencë brenda partisë që kandidatët që dëshirojnë për poste të ndryshme të kenë platformat e tyre, të kenë mundësinë për të bërë fushatë elektorale dhe në fund të fitojë kandidati më i mirë. Unë mendoj se nuk ka gjë më të rëndësishme për anëtarët e Partisë Demokratike sesa të votojnë për lidershipin dhe në këtë 19 vjetor të themelimit të PD-së dhe në 20 vjetorin e rënies së Murit të Berlinit të është momenti më i mirë që ne të reflektojmë dhe t'u rikthejmë anëtarëve të Partisë Demokratike atë që ua kemi mohuar gjatë këtyre viteve. Pra, anëtarët e Partisë Demokratike të kenë të drejtën në zgjedhjen e lidershipit të tyre. Ju jeni për zgjedhjen e lidershipit nëpërmjet formulës "një anëtar një votë". Pse mendoni se duhet zbatuar kjo formulë? Mendoj se është formula më demokratike, demokratizon parti, nxit konkurrencën e lirë dhe transparente brenda partisë, motivon anëtarësinë e partisë dhe është formulë që përdoret në SHBA dhe në Partitë Popullore Evropiane. Ne realisht e kemi pasur të implementuar në statut, por nuk është zbatuar. Pa analizuar se çfarë ka ndodhur gjatë këtyre katër viteve, mendoj se është momenti që ne ta implementojmë në statut dhe të fillojmë direkt zbatimin që më 12 dhjetor. Cila ka qenë arsyeja që nuk është aplikuar kjo formulë deri më tani ? Natyrisht, në qoftë së shmang rregullat e demokracisë, shmangen parimet e demokracisë, krijohen kushte për të mbështetur klane për një frymë klienteliste, për një frymë nepotike, që ka ekzistuar vazhdimisht në politikën shqiptare. A mendoni se kjo formulë do të sjellë mosrikonfirmimin të lidershipit aktual në krye të PD-së? Unë jam që ne të vendosim rregullat e lojës. T'i vendosim parimet dhe pastaj të futen në garë, kush mendon se e meriton. Mendoj se statuti nuk bëhet për persona dhe nuk duhet bërë për persona, sikurse një ligj që nuk bëhet për persona dhe nuk duhet bërë për persona, sepse kam parë që gjatë këtyre 10 viteve shpeshherë statuti por edhe ligji bëhen për persona të caktuar. Nuk jam për këtë ide. Ligji është tjetër gjë. Statuti është tjetër gjë, personat janë tjetër gjë. Analiza Do të dëshiroja që analizat të jenë të vërteta, të jenë realiste, në mënyrë të merret vesh se çfarë ka ndodhur në Partinë Demokratike që nga viti 2005. Të analizohen edhe rezultatet e dobëta të zgjedhjeve, si të vitit 2007 ashtu edhe ato të vitit 2009 dhe natyrisht besoj se këto rezultate do të kenë edhe personat përgjegjës, në mënyrë që ne të jemi të përgatitur për të fituar zgjedhjet e lokale dhe zgjedhjet e përgjithshme kurdo që të jenë ato. Funksionimi i partisë Kemi pasur një përqendrim të pushtetit në duart e kryesisë së vogël, kryesi e cila nuk njihet nga statuti. Pra, kemi pasur një përqendrim të pushtetit në mënyrë informale në shumë pak duar dhe normalisht në qoftë se janë të njëjta duar si në parti, si në Parlament, si në qeverisje, kuptohet që nuk ka kush të korrigjojë gabimet e qeverisjes. Dihet që në çdo vend demokratik, problemi është qeverisja dhe normalisht ka një opozitë që bën opozitën e qeverisjes, por është mirë që edhe brenda forcës politike të ketë një oponencë të brendshme Gabimet në PD Sot jemi pas katër vitesh dhe shohim që partia nuk ka funksionuar dhe një ndër shkaqet e mosfunksionimit të partisë është sepse kemi pasur këtë përqendrim të mandateve. Kjo gjë ka ndodhur jo vetëm në nivel qendror, por ka ndodhur edhe në nivel lokal dhe, dyert e Partisë Demokratike gjatë katër viteve si në nivel qendror ashtu edhe në atë lokal në një farë mënyre kanë qenë të mbyllura Kryesia e vogël Kemi anëtarë të kryesisë së vogël të cilët kanë humbur në qarqet e tyre ose në atë pjesë ku kanë zhvilluar fushatë, kanë bërë premtime të tjera, kanë pasur rezultate më të dobëta, kanë krijuar probleme edhe me zgjedhjet. Kështu që, unë mendoj së një pjesë të përgjegjësisë e ka kryesia e vogël e cila nuk ka arritur të ketë rezultate, të cilat vetë i kanë paraqitur. Konkurrenca në PD Kemi kërkuar konkurrencë brenda partisë. Sot nuk ekziston konkurrenca brenda partisë. Dihet sesi zhvillohet konkurrenca, më shumë ka emërime sesa zgjedhje. Unë jam për konkurrencë brenda partisë që kandidatët që dëshirojnë për poste të ndryshme të kenë platformat e tyre, të kenë mundësinë për të bërë fushatë elektorale dhe në fund të fitojë kandidati më i mirë. Unë mendoj se nuk ka gjë më të rëndësishme për anëtarët e Partisë Demokratike sesa të votojnë për lidershipin dhe në këtë 19 vjetor të themelimit të PD-së Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 28-12-2009 nė 10:11 Z. Stringa si ish-anëtar i Këshillit Kombëtar dhe kryesisë së Partisë Demokratike, si e gjykoni Kuvendin e IX të Partisë Demokratike, ku nuk u zhvillua asnjë analizë për zgjedhjet, mungoi debati për funksionimin e partisë dhe ku kryetari i saj u rikonfirmua me 99.9% të votave? Kongresi i IX i Partisë Demokratike ka qenë një Kongres vetëm formal. Në gjykimin tim, Kongresi duhet të kishte tre ose katër drejtime kryesore. E para, duhej të ishte debati i madh për qeverisjen 2005 -2009 të drejtuar nga Partia Demokratike. Debati i dytë i madh në Kongres duhej të ishte për procesin zgjedhor. Debati i tretë i madh duhej të ishte për qeverisjen e ardhshme të Partisë Demokratike, detyrat dhe funskionet e saj. Debati i katërt duhej të ishte për aleancat dhe mënyrat e organizimit të tyre dhe debati i pestë duhej të ishte se çfarë duhet bërë për mirëfunksionimin e Partisë Demokratike. Fatkeqësisht, të gjitha këto që përmenda nuk u bënë. Unë mund të them që Kongresi qe diçka formale dhe në gjykimin tim Kongresi bëri vetëm diçka, formalizoi një Këshill Kombëtar të ri. Kryetari i PD-së ishte i formalizuar sepse nuk kishte konkurrent tjetër de fakto dhe de jure, ndërsa formalizoi edhe Këshillin nga i cili do të dalin edhe organet e tjera drejtuese të Partisë Demokratike. Si mendoni, cila ka qenë arsyeja që parimi "një anëtar një votë" u hoq nga statuti? Do të ishte mirë të ishte dhe ky, por nëse nuk zbatohet çfarë do të ndodhte? Sado që ta përmirësosh ligjin, nëse nuk ndryshon konceptin e zbatimit, nuk bën asgjë. Do të futej "një anëtar një votë" po e njëjta gjë do të ndodhte. Edhe nëse votohet me "një anëtar një votë", vetë mënyra e funksionimit të Partisë Demokratike do të kishte po të njëjtin rezultat siç u dha në Kongres. Themelore është që partia duhet të ngrejë institucione që përkrahin vlerat, duhet të ngrejë institucione që përkrahin karrierën. Këto janë çështje që ndodhin kur vetë lidershipi ka dëshirë ta demokratizojë partinë. Nëse lidershipi nuk ka dëshirë të ndryshojë asnjëherë, nuk ndryshon partia. Lidershipi është ai që i jep shpirtin e ndryshimit, që jep shpirtin e vlerave. Nëse lidershipi ka dëshirë të jetë gjithë jetën lidership, partia automatikisht fillon e ndrydhet. Partia është një zyrë e madhe ku janë aksionet e të gjithëve, nëse ikën Berisha dhe vjen një tjetër, rezultatet do të jenë po të njëjta me ndryshime fare të vogla. Në Partinë Demokratike, mund të merresh pa asnjë meritë dhe bëhesh i treti ose i dyti dhe mund të ikësh nga i dyti e del fare jashtë partisë. Kjo tregon që nuk ka vlera dhe nuk funksionon institucioni. Nëse do të funksiononte statuti unë të garantoj që do të forcohej edhe lidershipi, do të forcohej edhe ata që kanë dëshirë për karrierë dhe konkurrenca në këtë rast do të ishte evidente. Por, nëse lidershipi nuk ka dëshirë kjo nuk ndodh asnjëherë. Ju nuk jeni rizgjedhur në Këshillin e ri Kombëtar, si i e vlerësoni procesin zgjedhor për zgjedhjen e 100 anëtarëve të këtij Këshilli? Unë kam një parim që me gjykimin tim mund të kuptoj shumë gjëra, por nëse nuk kam fakte unë nuk flas. Unë gjykoj që votimi u bë normal, meqë unë nuk kam fakte, për të thënë të kundërtën, pavarësisht nga çfarë mund të nuhas. Unë nuk mora votat për të qenë anëtar i Këshillit Kombëtar dhe nuk më mbetet gjë tjetër vetëm të uroj anëtarët e Këshillit Kombëtar, të cilët shpresoj dhe uroj që ta bëjnë punën më mirë se unë në të gjitha drejtimet që ka Partia Demokratike. Pjesa më e madhe e kritikëve brenda Partisë Demokratike janë lënë jashtë Këshillit Kombëtar, përfshirë edhe juve, si mendoni pse ka ndodhur kjo? Kur më është krijuar mundësia për të folur në institucionet e partisë, unë nuk jam shprehur në media. Unë zakonisht jam shprehur në media kur kam parë që janë probleme të rëndësishme. Mundësia për t'u shprehur në institucionet e partisë nuk më është krijuar. Nëse i gjithë debati, që unë kam krijuar ka qenë në raport me elementët e rëndësishëm që kanë të bëjnë me Partinë Demokratike. Nëse kemi bërë një debat të madh më 2007, ka qenë debati kemi fituar apo kemi humbur në zgjedhjet e 2007. Unë pa u nisur nga ndonjë qëllim, kam kuptuar diçka të rrezikshme në Partinë Demokratike, e cila vazhdon edhe në zgjedhjet e 2009-ës. Partia Demokratike kishte filluar të humbte qytetarinë, kishte filluar të humbte qytetet e mëdha dhe i gjithë debati ka qenë në këtë drejtim. I njëjti fenomen ka ndodhur edhe në vitin 2009. Partia Demokratike po humbet qytetarinë. Ky është një problem jo i madh, por është një problem shumë i madh për një parti, e cila ka krijuar pluralizmin në Shqipëri. Është padyshim që duhet të merret në konsideratë. Shpresoj që këta që vijnë ta kenë në konsideratë, se përndryshe Partia Demokratike ka për të humbur gjithçka. Cilat janë arsyet që po ndodh ky fenomen? Problemi qëndron tek vetë mënyra e sjelljes së partisë, mungesa e demokracisë, mungesa e institucioneve. Në Partinë Demokratike nëse do të zbatohej statuti, institucionet do të punonin në mënyrë perfekte. Çështja qëndron se mosfunksionimi i mirë i institucioneve qëndron tek moszbatimi i statutit aktual. Ne mund të bëjmë statutin më të mirë, nëse nuk zbatohet ai, asgjë nuk bën. Statuti që është ligji i partisë nuk zbatohet si duhet zbatuar. Nëse zbatohet, nuk do të thotë që partia do të ishte shumë më demokratike. Problemi i vërtetë i institucioneve në Shqipëri është mozbatimi i ligjit. Një nga eksponentët kritikë të Partisë Demorkatike, Aleksandër Biberaj ka ngritur shqetësimin se procesi i numërimit të votave dhe listat e hartuar për në Këshillin Kombëtar është manipuluar nga lidershipi. A mendoni se është i manipluar ky proces duke qenë se dhe ju mbetët jashtë Këshillit Kombëtar të PD-së? Unë nuk kam dëshirë të luaj rolin e gjykatësit. Çështja është se edhe unë e ndiej, por unë kam një parim që nëse them diçka unë duhet ta vërtetoj. Vërtetimi i kësaj është mjaft i vështirë. Unë nuk mund të vërtetoj nëse votat janë manipluar, megjithëse në mendjen time mund të kem diçka. Çështja është që mbasi e thua, duhet të kesh fuqinë ta vërtetosh. Biberaj ka një të drejtë, që nuk ka pasur transparencë dhe vetë procesi i votimit ka qenë i diskredituar sepse në votim vinin përqark njerëz, të cilëve nuk u lejohej të vinin përqark, të cilët sillnin mesazhe të lidershipit dhe që ishin njëkohësisht konkurrentë vetë. A është normale që emrat me kontribute në Partinë Demokratike janë zëvendësuar me figura krejt të panjohura që nuk njihen për ndonjë kontribut të veçantë? Partia Demokratike nuk ka krijuar institucionin e vlerave. Nëse Partia do të funskiononte sipas statutit, vlerat krijohen vetë. Cilësia e anëtarësisë rritet dhe voton vlerat. Shpeshherë në Partinë Demokratike nuk votohet vlera dhe ky nuk është faji i anëtarësisë, ky është faji i vetë partisë që nuk ka krijuar sistemin e vlerave. Sistemi i vlerave në Partinë Demokratike është ky; nëse e ke mirë me Berishën ke vlera dhe nëse nuk e ke mirë me Berishën nuk ke vlera. Ky sistem është ngritur dhe ky sistem është ai që i bën dëm Partisë Demokratike. A mund të flitet për demokraci të brendshme në PD për mënyrën sesi po operon ajo? Demokracia e brendshme vjen si rezultat i zbatimit të statutit. Kur nuk zbatohet statuti ka probleme të demokracisë. Partia nuk ka krijuar masën e matjes së vlerave. Ky është edhe fakti që sa herë kemi bërë prurje të reja, vetëm një pjesë e vogël e tyre e kanë justifikuar veten si në drejtimin intelektual, si dhe në drejtimin profesional ashtu edhe në drejtimin partiak. Shpresoj që kjo pjesë që ka ardhur tani, të jetë e vërtetë. Por të mos harrojmë që Këshilli i ri Kombëtar i Partisë Demokratike i 2009-ës ngjan me atë të vitit 1996. Unë nuk dua të bëj paragjykime, por gjykoj që janë marrë njerëz të cilët partia po i bën dhe jo ata të bëjnë partinë. Partia Demokratike ka nevojë për njerëz që bëjnë parti dhe jo t'i bëjë partia. Një pjesë e mirë atyre që janë marrë i ka bërë partia, mos them që i ka bërë Berisha. Ky është problemi më madhor që ka partia si strukturë në të cilën të gjithë ne demokratët kemi aksionet tona. A mendoni se mënyra sesi po funksionon Partia Demokratike do të ketë pasoja në zgjedhjet e ardhshme lokale e parlamentare? Çështja është që Partia Demokratike duhet të kalojë me sukses krizën politike që ekziston në Shqipëri. Kur dy veta grinden, të dy janë me faj dhe zakonisht ai që ka pushtetin ka faj më shumë. Kjo është një krizë, e cila me pak mend dhe me pak dëshirë për të dhënë zgjidhje, mund të ishte zgjidhur pa arritur në këtë masë. Por, nuk duhet të harrojmë që kriza politike dalëngadalë trashet dhe kalon në kriza të gjithanshme. Të mos harrojmë që Partia Socialiste përfaqëson 65 deputetë dhe në gjykimin tim, është një gjë që duhet marrë në konsideratë. Qëndrimi me kokëfortësi nuk do t'i sjellë asgjë të mirë as Partisë Demokratike, as shqiptarëve. Çështja është që kush do të lëshojë i pari, PD apo PS. Për mua është e rëndësishme që palët të afrohen dhe të bisedojnë. Por, gjuha që po përdorin të dy palët, tregon që nuk duan të bisedojnë. Kjo gjykoj që nuk i bën mirë Partisë Demokratike, po në rradhë të parë nuk i bën mirë shqiptarëve. Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 28-12-2009 nė 10:18 Omer Stringa ka absolutisht te drejte! Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 20-1-2011 nė 17:26 Rama falsifikoi videon me ndihmën e dy punonjësve të Sigurimit të Shtetit Partia Demokratike dënoi dje aktin e shëmtuar të Kreut të PS, Edi Rama, i cili me anë të montimit të videos së publikuar në emisionin "Fiks Fare", tentoi në mënyrë të turpshme të akuzonte Kryeministrin, duke bërë një vepër të rëndë penale. Përmes një deklarate për shtyp deputetja demokrate Mesila Doda tha se ashtu si babai i tij, Kristaq Rama që firmosi ekzekutimin e poetit Havzi Nela apo kundërshtarëve të tjerë politikë, Edi Rama në bashkëpunim me dy punonjës të vjetër të Sigurimit të Shtetit, montoi e falsifikoi një video për të implikuar në një situatë të rreme Kryeministrin e vendit. "Jam këtu për t'i deklaruar Edvin Kristaq Ramës, bllokmenit-çimkë apo zotit 20% se, manipulimi i videos nga ti, për të akuzuar Kryeministrin e vendit përbën një akt të rëndë kriminal ndaj rendit kushtetues të vendit. Me këtë vepër të rëndë penale, kreu i bllokmenëve të rinj, dëshmon se njëlloj si Kristaq Rama që firmosi ekzekutimin dhe varjen e Havzi Nelës dhe kundërshtarëve të tjerë politikë edhe pas rënies së Murit të Berlinit, Edvini me dy punonjës të vjetër të Sigurimit të Shtetit, monton, falsifikon video për kundërshtarët e tij politikë", u shpreh Doda. Ajo theksoi se Partia Demokratike, u deklaron qytetarëve shqiptarë se, këtë poshtërsi e bën vetëm një njeri, për të cilin vlerat morale dhe dinjiteti njerëzor nuk ekziston. "Këtë akt të shëmtuar Edvin Kristaq Rama apo shoku 20% e realizoi, sepse ai sot është njeriu i vetëm në politikë, në Europë, që ka akuzuar të atin si baba të djalit të tij dhe nuk ka pranuar t'i bëjë analizën për të faktuar akuzën e tij. Një manipulim të tillë e bën vetëm një njeri që nxjerr bashkëshorten dhe veten lakuriq në plazhe publike dhe iu thotë të tjerëve se çfarë iu duhet ju se ç'bëj unë me gruan time, duke shkelur etikën morale më elementare të zyrtarit dhe të njeriut të qytetëruar", u shpreh Doda. Deputetja demokrate theksoi se një akt të tillë të shëmtuar e bën vetëm Edvin Kristaq Rama, i cili sipas akuzës në Gjykatën e Tiranës, të botuar nga vetë miku i tij më i ngushtë, i ka mohuar për dhjetë vjet me radhë djalit të vetëm, si atësinë ashtu edhe kafshatën e gojës. "Mendoni vetë qytetarë se çfarë është i aftë të bëjë ky shok për fëmijët tuaj! Një akt të tillë të ulët e bën vetëm Edvin Kristaq Rama që ka persekutuar, rrahur dhe mbyllur në spital psikiatrik nënën e djalit të tij, ka zhveshur lakuriq në plazh gruan që mori, pas saj ka rrahur në publik gruan e tretë, ka degdisur të katërtën pa nam dhe nishan. Njeriu që ka nxjerrë të ëmën në mes të natës të rrahur nga shtëpia", u shpreh ndër të tjera deputetja e PD. Gjithashtu ajo vuri në dukje se për kreun e PS në dosjet e hetuesisë shqiptare dhe vendeve përreth kanë të faktuara se me Aldo Baren ndan tenderat dhe drogën. "Manipulimin e videos, për të akuzuar Kryeministrin, këtë vepër të rëndë kriminale mund ta bëjë vetëm një bastard i Bllokut si Edvini, që në dosjet e hetuesisë shqiptare dhe vendeve përreth ka të faktuar se me Aldo Baren ndan tenderat dhe drogën, se të tjerë të kanë akuzuar për vrasje dhe marrje të sasive të drogës, e se me klanin Gina e klane të tjera ke ndarë krime monstruoze, drogën, pronat, shtretërit, lejet e ndërtimit dhe tenderat", vijoi Doda. Gjithashtu ajo shtoi se një akt të tillë mund ta bëjë vetëm një bllokmen-çimkë si Edvini, që dy vjet rresht punoi për të keqen e qytetarëve shqiptarë, për të bllokuar me bojkote, valle kutish e greva orgjish, vizat dhe lëvizjen e tyre të lirë. "Një akt të tillë të ulët mund ta bëjë vetëm një bllokmen-çimkë si ti, që për çdo leje ndërtimi pret 20% gjoba, e faktuar kjo me kontrata të botuara në të gjitha mediat shqiptare dhe që rendit Bashkinë e Tiranës në 2-3 më të korruptuarat e planetit për lejet e ndërtimit", vijoi deputetja demokrate. rd Kush jane keta spiune te sigurimit? Po nuk dhate emra e fakte kot qe i permendni. Sa spiune te sigurimit ka ne kryesnine e PD? Pse nuk pastron PD-ja veten? Spiunet e sigurimit bejne gallate me ne se ne nuk i pastrojme nga vetja, kaq e thjeshte eshte! Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 21-1-2011 nė 10:01 Publikohet dokumenti, në të cilin Çakuli cilëson hartimin e një gjimnazisti si precedent për rrëzimin e komunizmit Dëshmia në gjykatë e Filip Çakulit që dënoi Fatbardh Kupin në '81 me tetë vite burg për një hartim Përmes një faksimile të publikuar dje në media vërtetohet se gazetari dhe drejtuesi i një emisioni televiziv në vend, Filip Çakuli i dërgonte hetuesisë së regjimit komunist ekspertiza nga të cilat dënoheshin me vite të tëra burgimi njerëz të pafajshëm. Fatbardh Kupi, djali i nacionalistit të luftës së Dytë Botërore Abaz Kupi, është një ndër viktimat e Çakulit, i cili u dënua me 8 vite burg nga hetuesia komuniste e vitit 1981 për një hartim të shkruar në vitin 1965, periudhë kur ai ndiqte gjimnazin. Ekspertizën e këtij hartimi e ka ndjekur Filip Çakuli i cili pas 16 vitesh së krijimit të hartimit akuzonte Fatbardh Kupin si një person të rrezikshëm të shoqërisë, pasi në rreshtat e hartimit të tij letrar konstatohej rrezatim i "shpresës" dhe "besimit" për rrëzimin e komunizmit. Fatbardhi viktima e Filip Çakulit shkruante në hartimin me temë "Gëzuar Vitin e Ri" se, "dimri do të marrë tatëpjetën, me një stuhi të re, se shpirti im që lakmon përpara has pengesa, por gjen më në fund rrugën dhe arrin qëllime të nalta". Kjo u konsiderua nga agjenti i Sigurimit të Shtetit shqiptar, Filip Çakuli si paragrafi i cili do të rrëzonte sistemin komunist. "Megjithëse i pandehuri Fatbardh Kupi i mohon bisedat e ndryshme me karakter armiqësor, që ka bërë me dëshmitarët e lartpëmendur në periudhë e kohë të ndryshme kundër pushtetit tonë popullor për minimin e dobësimin e saj, qëllimi i tij kundërrevolucionar del qartë dhe nga hartimi i tij që ka bërë në vitin 1965 në gjimnaz me temën 'Gëzuar Vitin e Ri'". Megjithëse i pandehuri pretendon se ky është një hartim në përmbajtje politike, eksperti Filip Çakuli gazetar, i cili ka bërë komentin e hartimit të tij, provon se i pandehuri shpreh "besimin" dhe "shpresën" për të ardhmen kur thotë se, "Dimri do të marrë të tatëpjetën në një stuhi të re", "dobia është përpjekje drejt së cilës ecim, shpirti im më lakmon përpara, has në pengesa, bie, por gjen më në fund rrugën dhe arrin qëllime të nalta". Besimi, është kauza për të cilin ai ka shërbyer dhe i ka kushtuar jetën, dimri që do të marrë tatëpjetën me stuhi të re është pushteti popullor, i cili është edhe pengesa për të arritur, që të arrijë qëllime të larta", shkruhet në letrën dërguar hetuesisë së asokohe. Ka mjaftuar opinioni i ekspertit të hetuesisë së viteve 1981 Filip Çakuli që pas 16 vitesh të vihej në pranga Fatbardh Kupi dhe kjo vërtetohet më së miri në dokumentin arkivor të publikuar dje. "Sa më lart provohet me pohimet e pjesshme të të pandehurit, i cili mundohet t'i shpëtojë përgjegjësisë penale në dëshminë e dëshmitarëve të lartpërmendur. Provë shkresore akt ekspertimi letraro-artistik dt. 11.11 1981, si dhe biografia e tij dt.11.08.1981 dhe dëshmia e penalitetit dt.11.11.1981", shprehet hetuesia për djalin e nacionalistit Abaz Kupi. Raportimi i Çakulit: Hartimi synon rrëzimin e komunizmit Megjithëse i pandehuri Fatbardh Kupi i mohon bisedat e ndryshme me karakter armiqësor, që ka bërë me dëshmitarët e lartpërmendur në periudhë e kohë të ndryshme kundër pushtetit tonë popullor për minimin e dobësimin e saj, qëllimi i tij kundërrevolucionar, del qartë dhe nga hartimi i tij që ka bërë në vitin 1965 në gjimnaz me temën "Gëzuar Vitin e Ri". Megjithëse i pandehuri pretendon se ky është një hartim në përmbajtje politike, eksperti Filip Çakuli gazetar, i cili ka bërë komentin e hartimit të tij, provon se i pandehuri shpreh "besimin" dhe "shpresën" për të ardhmen, kur thotë se "Dimri do të marrë tatëpjetën në një stuhi të re", "dobia është përpjekje drejt së cilës ecim, shpirti im më lakmon përpara, has në pengesa, bie, por gjen më në fund rrugën dhe arrin qëllime të nalta". Besimi, është kauzë për të cilin ai ka shërbyer dhe i ka kushtuar jetën, dimri që do të marrë tatëpjetën me stuhi të re është pushteti popullor, i cili është edhe pengesa për të arritur që të arrijë qëllime të larta. Sa më lart provohet me pohimet e pjesshme të të pandehurit, i cili mundohet t'i shpëtojë përgjegjësisë penale në dëshminë e dëshmitarëve të lartpërmendur. Provë shkresore akt ekspertimi letraro-artistik dt. 11.11 1981, si dhe biografia e tij dt.11.08.1981 dhe dëshmia e penalitetit dt.11.11.1981. Rama që po përdor Top Channel si hanxhar krimi, njëlloj si dikur bënte ekspertizën për Sigurimin e Shtetit PD: Spiuni i Sigurimit të Shtetit vijon praktikën kriminale 30 vjeçare Partia Demokratike nëpërmjet deputetit Gerti Bogdani publikoi dje faksimilet ku i akuzuari si autori i implikimit të Kryeministrit Sali Berisha në video-përgjimin Prifti-Meta si pjesë e aferave me konçesionet Filip Çakuli, ka qenë pjesë e kontingjentit të Sigurimit Komunist. Nëpërmjet këtij dokumenti Çakuli citohet nga hetuesia si eksperti i Sigurimit, opinioni i të cilit dënoi me 8 vite burg djalin e nacionalistit Abaz Kupi, Fatbardh Kupin vetëm për një hartim të shkruajtur kur ai ndiqte gjimnazin. Bogdani, ndërsa dënoi këtë akt i cili sipas tij vazhdon të aplikohet edhe sot pas 30 vitesh nga Filip Çakuli u shpreh se, ai që transmetoi videon e montuar kundër Kryeministrit të vendit vazhdon veprimtarinë e tij kriminale 30-vjeçare të agjentit të Sigurimi. "Jam këtu para jush për t'u dëshmuar shqiptarëve faktin se Çakalli i Edi Ramës që transmetoi videon e montuar kundër Kryeministrit të vendit, vazhdon veprimtarinë e tij kriminale 30-vjeçare, të agjentit të Sigurimit të Shtetit shqiptar. Ky Çakall, vite më parë, me akuzën e tij do të bënte që gjimnazisti Fatbardh Kupi të dënohej nga espertiza letrare e Çakallit, me 8 vjet burg për hartimin e tij në gjimnaz, me titull 'Gëzuar Vitin e Ri'. Ky pasardhës i tribunit legjendar Abaz Kupit shpreh besimin se, po citoj, 'dimri do të marrë tatëpjetën, me një stuhi të re, se shpirti im që lakmon përpara has pengesa, por gjen më në fund rrugën dhe arrin qëllime të nalta'. Eksperti i atëhershëm, Çakalli i sotëm i Edvin Ramës, Filip Çakuli, shërben si dëshmitar kryesor për dënimin e Fatbardh Kupit. Në ekspertizën e tij, ky xhelat i të rinjve shqiptarë shkruan se, 'besimi është kauza për të cilën ka shërbyer dhe i ka kushtuar jetën, kurse dimri që do të marrë të tatëpjetën në stuhi të re, është pushteti popullor, i cili është dhe pengesa për të që të arrijë qëllime të larta'", u shpreh Bogdani. Duke iu referuar aktit të trukmit për të ngatërruar Kryeministrin e vendit Berisha në afera korruptive nga Filip Çakuli deputeti demokrat e akuzoi Kryesocialistin Rama që po përdor Top Channel si hanxhar krimi, njëlloj si dikur bënte ekspertizën për Sigurimin e Shtetit. "Sa më lart, shkruan dokumenti i Prokurorit, provohet me pohime të pjesshme të të pandehurit, Fatbardh Kupi, i cili mundohet t'i shpëtojë përgjegjësisë penale, nga dëshmitë e dëshmitarëve të lartpërmendur; provë shkresore është akti i ekspertizës letraro-artistike, i datës 11.11.1918 e Çakallit të Edvin Ramës, si dhe biografia e tij si djali i Abaz Kupit. Ky fakt i radhës dëshmon se kryeçimka në krye të Partisë Socialiste nxjerr nga gjirizet e analeve të Sigurimit të Shtetit, çakej për të krijuar prova të rreme ndaj Kryeministrit të vendit dhe përdor sot Top Channel si hanxhar krimi, njëlloj si dikur bënte ekspertizën për Sigurimin e Shtetit", u shpreh Bogdani. Dokumenti i publikuar nga deputeti demokrat nxjerr në pah se si Filip Çakuli asokohe ekspert dhe gazetar për hetuesinë dënonte me ekspertizën e tij me vite të tëra burgim nisur nga hartime letrare apo vargje të shkruara. Kreshnik MERSINLLARI rd Shume mire qe e nxoren! Pyetja eshte: Kur e ka ditur kete PD? Pse e nxori tani? Po dokumentat e meros e te fariut kur do ti nxjerri PD? Cakullit nuk kane cfare ti bejne tashme se ai eshte privat e nuk ka poste shteterore, ishte dashur qe tia kishin nxjerre perpara shume me perpara. Pse nuk zhdukim ata qe kemi ne poste shteterore. Por sot, Shqypni, pa m´thuej si je? Anton Ashta Mesazhe: 9535 Regjistruar: 21-6-2002 Anėtari ėshtė JoNėlinjė Humori: Postuar mė 21-1-2011 nė 10:07 Prape eshte shume pak: Kush ishte hetuesi? Kush ishte gjykatesi? Cfare bejne ata sot? Por sot, Shqypni, pa m´thuej si je?

<<  14    15    16    17  >>

Kuvend-eDSH » eDjathta Shqiptare » PD

Powered by XMB 1.8 Partagium Beta Build 20110207PM Developed By Aventure Media & The XMB Group © 2002 Procesi i kryer nė 0.7448821 sekonda, 47 pyetje