Kuvend-eDSH
Aktiv pėr herė tė fundit: Aktiv pėr herė tė fundit : Kurrė
Nuk keni hyrė [Hyrje - Regjistrohu]


Version i printueshėm | Dėrgo pėr njė shok
Nėnshkruaj | Shtoni tek preferencat
<<  1    2    3    4    5  >>
Autori: Subjekti: Mjerimi i te djathteve
Anton Ashta

Postuar mė 3-12-2002 nė 10:07 Edit Post Reply With Quote
Balli Kombëtar debat para Këshillit Kombëtar
TIRANË – Nuk ka konflikte dhe nuk ka klane në Partinë Balli Kombëtar, ky është thelbi i deklaratave të dy “kundërshtarëve” në këtë parti, kryetarit Shpëtim Rroqi dhe ish-sekretarit të përgjithshëm Uran Metko. Ata sqaruan dje për “Shekullin” se pas zhvillimit të Kongresit të dhjetë të kësaj partie do të mbahet mbledhja e Këshillit Kombëtar, i cili do të zgjedhës strukturat drejtuesve të kësaj partie. Por mbledhja e kësaj strukture vendimmarrëse ka dështuar dy herë. “Këshilli Kombëtar do t’i zgjedhë shumë shpejt strukturat e veta, brenda javës do të bëhet mbledhja e kësaj strukture”,- deklaroi dje Rroqi. Sipas tij, kjo çështje nuk përbën problem të madh dhe nuk ka shkaktuar asnjë lloj konflikti mes anëtarëve dhe drejtuesve të kësaj partie. “Gjithsesi Partia e Ballit Kombëtar ka jetuar dhe do të mbijetojë”,- u shpreh kreu i ballistëve. Përsa i përket pretendimeve se ai e ka fituar në mënyrë të padrejtë postin e kryetarit në kongresin e Ballit Kombëtar, Rroqi sqaron se “përderisa kandidatët që ishin për këtë post erdhën dhe më shtrënguan dorën, të tjerët duhet të heshtin”. Nga ana tjetër Metko vë në dukje se burimi i mosmarrëveshjeve tek PBK-ja është mosrespektimi i rregullave nga ana e Rroqit dhe e kryetarit të Këshillit Kombëtar. “Nga dy të mandatuarit, Rroqi dhe kryetari i Këshillit Kombëtar është zvarritur mbledhja e kësaj strukture, e cila do të zgjedhë strukturat e tjera drejtuese të partisë tonë”,-u shpreh dje Metko. Ai vë në dukje se pavarësisht nga “individë” të veçantë të kësaj partie, kryesia e BK-së do të japë një zgjidhje të pranueshme të këtij problemi. “Si ish-sekretar i përgjithshëm i PBK-së u bëj thirrje personave me mandat që të mos ta zvarrisin më mbledhjen e Këshillit Kombëtar”,- tha dje anëtari i kryesisë së ballistëve. Metko është i vetmi kandidat që do të konkurrojë përsëri për postin e sekretarit të përgjithshëm.
G.B

shek





Por sot, Shqypni, pa m´thuej si je?

View User's Profile E-Mail User View All Posts By User U2U Member
Tali

Postuar mė 4-12-2002 nė 06:04 Edit Post Reply With Quote
Materialistët gjithmonë do jenë mollë sherri në çdo parti politike shqiptare.

E djathta nuk guxon të bie në këtë "jetë idilike" sepse edhe mbi t'a do të thehen kariket.

Një gjë më habit,edhe pse në këtë faqe jam relativisht anëtar i ri,e ajo është se nacionalistët shqiptar më duket se vetëm kërkojnë fajtorë tjetër kund dhe rinë në karike e shkruajnë!!Sikur nuk kanë tjetër punë për të humbur kohën!!Të gjithë (kam përshtypejn) janë bërë "shërbime sekrete" në veti!

Materiali është shumë i rëndësishëm por ama të harxhohet në vlera dhe në shërbim kombëtar të mirëfillt,e jo interesat personale para se gjithash!!

Një mik i imi ka të drejtë kurr thotë:Në mesin e shqiptarëve mungon kritika e mirëfillt intelektuele.

Ju përshëndes





Duaje Shqipërinë ashtu siç më do nënën!(Nëna ime)

View User's Profile Visit User's Homepage View All Posts By User U2U Member
AGRON RUMI

Postuar mė 30-1-2003 nė 02:35 Edit Post Reply With Quote
Ka kaluar me se 9-te muaj nga Kongresi i fundit i <ballisteve> te Berishes,dhe asgje konkrete per strukturat drejtuese te partise.Sic shihet akoma doktori i PD-se,nuk ka gjetur ilacin per bashibozuket e Rroqit.
View User's Profile E-Mail User View All Posts By User U2U Member
Anton Ashta

Postuar mė 31-1-2003 nė 08:37 Edit Post Reply With Quote
Kollçaku: Votën pro e sqaron Spahia

TIRANE-Deputeti legalist Bahri Kollçaku, menjëherë pas votimit në seancën parlamentare për mbylljen e Duty Free Shopeve sqaroi se vota e tij pro mbylljes ishte vendim i grupit parlamentar të Partisë Lëvizja e Legalitetit. I pyetur pas seancës parlamentare, Kollçaku nuk dha më shumë hollësi, por tha se sqarime të mëtejshme do të japë kryetari i partisë sot në një konferencë shtypi. Ndërkohë burime të afërta me deputetët legalistë, thonë se para fillimit të seancës së votimit, kryetari i PLL-së Spahia, ka patur një takim me kryetarin e grupit parlamentar të PS-së Gramoz Ruçi, i cili në emër të PS-së i ka premtuar status për familjen mbretërore në shkëmbim të votës “pro” mbylljes së Duty Freeve. “Paraprakisht nuk mund të flas unë, do të flasë kryetari i partisë”, -u shpreh Kollçaku. I pyetur nëse vota pro mbylljes së dyqaneve Duty
Free, që do të thotë se legalistët dolën kundër vullnetit të koalicionit opozitar “Bashkimi për Fitore”,
Kollçaku tha se nuk bëhet fjalë për dalje nga koalicioni opozitar. “Jo, mos t’iu shkojë në mend dalja nga koalicioni”, -u shpreh ai, duke përsëritur se nuk mund të flasë në emër të grupit parlamentar.


Paloka: Legalistët, ndihmuan qeverinë

TIRANE- Legalistët dhanë kontribut në mosgoditjen e qeverisë. Kështu e ka argumentuar dje deputeti i PD-së Edi Paloka, votën pro të legalistëve. PD-ja kishte deklaruar se nuk do ta përkrahte shumicën qeverisëse në këtë votim për mbylljen e dyqaneve doganore në Parlament, megjithëse kjo ishte edhe një nga kushtet e vëna nga Fondi Monetar Ndërkombëtar për qeverinë shqiptare. Por vetëm deputetët legalistë shpërfillën vendimin e partisë më të madhe të koalicionit ku bëjnë pjesë, duke iu bashkuar socialistëve. Paloka tha se nuk i takonte atij të thoshte nëse duhet që ndaj legalistëve të merren masa ndëshkuese. “Ne kemi forume dhe forumet që kanë vendosur edhe për koalicionin dhe për çështje të tjera madhore mund ta thonë fjalën e tyre”, -u shpreh Paloka pas seancës parlamentare. Sipas tij, me votimin e djeshëm nuk do të thotë se diskutohej rënia e qeverisë, por tha ai mosvotimi pro mbylljes do të ishte një goditje shumë e rëndë për të. “Nuk është çështja do të binte apo jo qeveria. Sigurisht që kjo do të ishte një goditje e rëndë për qeverinë dhe një ndihmesë për të mos e marrë këtë goditje dhanë legalistët”, -deklaroi Paloka.
D.T


Ruçi: PD votoi për destabilizimin e vendit
TIRANE- Vota “pro” mbylljes së dyqaneve doganore ishte votë për Shqipërinë, është shprehur dje, pas seancës parlamentare kryetari i grupit parlamentar socialist Gramoz Ruçi. “Unë do të falenderoja këdo deputet të Parlamentit shqiptar, i cili votën e tij nuk e shpërdoron, votën e tij e përdor në dobi të Shqipërisë dhe të shqiptarëve”, -tha Ruçi, i pyetur nga gazetarët. Sipas tij, “ata që votuan kundër votuan kundër marëveshjes me Fondin Monetar Ndërkombëtar, votuan për destabilitetin, votuan për të mos u ardhur shqiptarëve dhe Shqipërisë 30 milionë dollarë”. Ai nuk e quan surprizë votën e deputetëve legalistë, sepse sipas tij ajo nuk ishte votë për socialistët, por ishte votë për vendin, për zhvillimin e mirëqenien, votë për stabilitetin. Vetëm në seancën e djeshme socialistët dhe qeveria të cilën e drejton kryeministri Nano arritën të përmbushin një nga kushtet që Fondi Monetar Ndërkombëtar i kishte vënë asaj, në mënyrë që Shqipërisë t’i mund t’i jepej ndihma prej 30 milionë dollarësh. Mosmbyllja e dyqaneve doganore ishte edhe shkaku që FMN-ja shtyu nënshkrimin e marrëveshjes me Shqipërinë para pak ditësh, prandaj edhe kushti numër një që duhet të plotësonte qeveria shqiptare ishte rivotimi i projektligjit për Duty Free Shopet. Ndërkohë opozita ka kërkuar mbylljen e magazinave doganore, sepse sipas drejtuesve të saj ato janë një burim kontrabande dhe korrupsioni.
D.T

Zogaj: Duty Free-të pesë muaj që s’funksionojnë
TIRANE- Deputeti aleancist Preç Zogaj deklaroi dje për “Shekullin” se seanca e djeshme ku u votua për mbylljen e dyqaneve doganore të quajtura Duty Free Shope “ishte e mbuluar me një iluzion të tmerrshëm dhe të padenjë për një Parlament sikur Duty Free Shopet janë shkaku i parë dhe i fundit i krizës së marrëdhënieve midis FMN-së dhe qeverisë shqiptare”. “Ne vumë re se Duty Free Shopet po përdoren si një “kazus beli” për të lënë në hije shkaqet e tjera madhore të kësaj krize. Unë vetë dhe grupi kemi votuar në favor të heqjes së dy herë radhazi përpara se të merrnim një letër nga përfaqësuesi i FMN-së për ato argumente të njohura botërisht, sepse qeveria nuk i administron dhe ato janë bërë vatra korrupsioni”, -sqaroi Zogaj. Socialistët, tha Zogaj, nuk i morën parasysh amendamentet e opozitës për magazinat doganore dhe kishte një lloj nxitimi. “Jesmenizmi është po aq i dëmshëm sa edhe izolacionizmi. Menduam që t’i trajtonim problemet me gjithë gjerësinë e mundshme, por duke u kufizuar te Duty Free Shopet, që nuk funksionojnë që prej 5 muajsh. Prandaj si të thuash, maxhoranca theu një derë të hapur në kuptimin e figurshëm dhe i la gjërat aty ku janë”, -tha Zogaj. Sipas tij, “kontrabanda ka qenë më e madhe kur nuk funksiononin Duty Free -të, se sa në kohën kur funksionin. Lepuri fle tjetërkund dhe unë mendoj se deputetët e një kuvendi sovran duhet të dinë të vënë gishtin mbi plagë dhe jo të motivohen nga kërkesa të njëanshme”.
D.T





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 31-1-2003 nė 17:33 Edit Post Reply With Quote
Duty Free, aventura 90 minutëshe në Kuvend


--------------------------------------------------------------------------------

al.kre

TIRANE

Deputetët e PD-së shqyen sytë duke parë të habitur deputetin republikan, Maksim Begeja, kur ky votoi kundër tyre dje. I gjithë plani u hodh në erë për opozitën sepse nga radhët e tyre ikën plot 5 vota në drejtim të socialistëve. Aventura e djeshme në Kuvend zgjati 90 minuta dhe ishte një shfaqje ku tregohej se si mund të merreshin votat edhe nga kampi kundërshtar.

Votimi për mbylljen e dyqaneve pa taksa nisi me një njoftim të Servet Pëllumbit se të gjithë do të votonin me elektronikë. Numrat nisën të lëvizin dhe u ndalën kur Pëllumbi tha se 84 deputetë donin të mbylleshin këto dyqane. Socialistët treguan një organizim tipik për historinë e gjatë të partisë së tyre.

Protesta
I pari që ngriti zërin ishte Spartak Ngjela, i cili në çdo moment provokohej nga deputeti Erion Braçe i cili i thërriste "te sheshi, te sheshi". "Doni të na e hidhni, ministrat kanë votuar dy herë', thoshte Edi Paloka i cili përplasi mirkofonin mbi tavolinë sepse Pëllumbi nuk po e dëgjonte. Shaban Memia u shkëput nga salla dhe vrapoi drejt podiumit për të folur, zëri ju pre në mes sepse mikrofoni ju mbyll. Deputetët e opozitës tregonin me gisht nga Kastriot Islami dhe Valentina Leskaj, duke thënë se dy ministrat votuan dy herë edhe me elektronikë edhe me karton. Islami, Leskaj dhe Agron Duka nuk lëvizën nga vendet e tyre, dy të parët se nuk gjetën vend dhe i treti sepse dje ishte me paterica dhe s'lëviste dot. Rrëmuja mbërtheu sallën deri sa Gramoz Ruçi kërkoi që votimi të bëhej duke i pyetur deputetët një nga një. Të djathtët ranë në qetësi dhe shikonin me habi në drejtim të socialistëve.

Votimi
Pëllumbi i pyeste një nga një deputetët. Shumica përgjigjeshin po, ndërsa deputetët e PD-së abstenonin, çdo gjë po ecte normalisht, kur, në një moment, Pal Dajçi i'u kthye me britma atyre që kishte pas tij sepse dëgjoi një deputet të djathtë që tha "PO". Ky ishte Maksim Begeja drejt të cilit dje u drejtuan fyerje deri sa e detyruan atë të ikte nga salla në fund, por u duartrokit nga deputetët e PS-së. Shumë shpejt edhe Nikollë Lesi tha "PO" dhe përgjigjja e tij shkaktoi reagime, por askush nuk guxoi të sillej si në rastin e Begesë. Grupi parlamentar i PD-së u shpërqëndrua tërësisht, mbase edhe nga mungesa e Berishës, i cili ndodhej në Tiranë, por jo në Kuvend. Nga hyrja e pasme e sallës erdhën dy depuetët e Legalitetit, Kollçaku dhe Fejzollari, të cilët i pa nënkryetarja e Kuvendit Makbule Çeço. Ajo i kujtoi Servet Pëllumbit që të përsëriste emrat e tyre dhe në këtë moment salla shpërtheu. Njëri pas tjetrit deputetët e Legalitetit votuan pro kërkesës së qeverisë dhe kundër qëndrimit të opozitës. Asgjë s'mund të dëgjohej në atë moment sepse ndaj tyre u drejtuan shumë deputetë të opozitës, të cilët flisnin duke tundur duart me nervozizëm.

Gëzimi i Nanos
Pëllumbi e rilexoi listën dhe përsëriti se ishin 86 vota pro mbylljes së dyqaneve pa taksa. Akuzat filluan të lëshoheshin nga të gjitha anët, por më shumë në drejtim të ministrave që ishin përballë. Nano ishte mbështetur në karrigen e tij, buzëqeshte duke u përtypur dhe iu drejtua direkt deputetëve të opozitës që kishte përballë duke iu thënë "jua futa". Ai qëllonte me pëllëmbën e dorës së djathtë dorën e majtë të mbledhur grusht duke iu drejtuar direkt Ngjelës. Më pas u bë më serioz, ndërsa dy deputetët e PAD-së, Preç Zogaj dhe Arben Imami u çuan në këmbë duke kërkuar fjalën. Nano me ton kërcënues i tha Imamit "ta rregulloj unë ty". Diskutimi i neneve të ligjit vazhdoi i zhurm-shëm dhe në fund u votua sërish. Kësaj radhe ishte larguar një deputet i PS-së, por edhe republikani Begeja, por nga radhët e opozitës iku edhe një votë tjetër. Kryetari i Partisë Lëvizja për Legalitetin votoi pro ligjit dhe më pas e argumentoi këtë si një shenjë hakmarrjeje ndaj fyerjeve që iu bënë deputetëve të partisë së tij.


BATUTAT E VOTIMIT TE DJESHEM

- Batutat e seancës së djeshme nisën me kryeministrin Nano, i cili, duke lëvizur nga vendi i zakonshëm iu drejtua deputetëve të PD-së me shprehjet "sot do t'ju mund"
- Ndërsa kryetari i seancës, Pëllumbi tha se kishin votuar 84 deputetë, Nano iu drejtua deputetit Ngjela duke i bërë një shenjë me duar (duke i rënë disa herë dorës së majtë të mbledhur grusht me pëllëmbën e dorës së djathtë) dhe duke thënë "ta futa".
- Deputeti Ngjela iu drejtua Pëllumbit duke thënë se dy ministra kishin votuar dy herë. Toneve të larta të protesës së tij iu përgjigj deputeti i PS-së, Erion Braçe me thirrjet "te sheshi, te sheshi".
- Pas protestave të deputetit Imami për të marrë fjalën dhe akuzave që ai lëshoi për qeverinë, kryeministri Nano ju drejtua Imamit duke ju shmangur mikrofonave dhe duke i thënë vetëm "ta rregulloj unë ty".
- Deputetët Pal Dajçi, Edi Paloka, Shaban Memia dhe ndonjë tjetër nisën të akuzonin dhe ti flisnin me tone të ashpra deputetit të PR-së, Maks Begeja që votoi pro mbylljes së Duty Free Shop.
- Ridvan Bode duke shpjeguar votën e tij kundër tha se "mazhoranca zotëron magazinat doganore dhe me ato para u blenë edhe disa deputetë të opozitës.
- Ruçi iu drejtua deputetëve të opozitës me fjalët "Ju sot turpëruat liderin tuaj Berisha i cili në takimin me përfaqësuesin e FMN-së premtoi se do të votohej pro mbylljes së Duty Free Shop.
- Bode: Ju luani me çmimet e referencës, një ditë kur në doganë kalon një tregtar i thjeshtë aplikoni çmime të larta dhe të nesërmen kur në doganë mbërrin një i besuar i juaji rriten çmimet e referencës. Brenda të njëjtës ditë në Kakavijë referenca për kafenë ishte 0.7 cent, ndërsa në Durrës 2.5 dollarë. Në maganiza thuhet se ka hekur dhe shiten elektroshtëpiake, thuhet se ka banane dhe shiten pajisje elektrike. Mbi tre të katërtat e naftës që thuhet se është tranzit shitet këtu.

gsh





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 31-1-2003 nė 17:35 Edit Post Reply With Quote
Begeja shpjegon votën

TIRANE - "Votova për mbylljen e duty-free-shopet sepse evazioni fiskal, kontrabanda dhe shumë vrima të zeza po zhvillohen në ekonominë e vendit. Vrima të zeza janë edhe duty-free-shopet. Nëse gjatë ditës ato janë të mbuluar me mallra importi të pa zhdoganuara, si pije, cigare, në mëngjes këto mallra shiten në treg të pa zhdoganuara. Ky evazion fiskal krijohet në këto dyqane nëpërmjet strukturave të veçanta qeveritare dhe personave të lidhura me to. Kërkesa e FMN-së për të çelur kredinë disa milionëshe u shty pikërisht për mosmbylljen e këtyre dyqaneve. Vota ime s`ka si të kondicionojë marrëdhëniet midis partive opzitare".


Legalistët, të gjithë pro

"Votova pro, sepse ne kishim rënë dakord unanimisht si grup parlamentar për t`i bërë ballë korrupsionit në duty-free-shop. Mendoj se është një fakt që këto dyqane janë kthyer në gangrenë të korrupsionit. S`ëshë normale që të ekzistojnë dyqane të tilla. Brenda grupimit të koalicionit Bashkimi për Fitore ka një mentalitet të secilës parti. Jo në të gjitha rastet jemi dakord me partitë e koalicionit Bashkimi për Fitore. Jo gjithmonë kemi qenë në unison me to". Kështu u prononcua legalisti Bahri Kollçaku, pas votimit të djeshëm të projekligjit për mbylljen e duty-free-shopeve. Gjatë seancës së djeshme parlamentare merrnin pjesë edhe 15 ministra, së bashku me kryeministrin Fatos Nano, të cilët votuan pro këtij projektligji. Deputetët e opozitës hodhën kritika në drejtim në dy legalistëve, që sollën kalimin e projektligjit. ..





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 31-1-2003 nė 17:35 Edit Post Reply With Quote
Legalisti Fejzollari: Përse votova pro


--------------------------------------------------------------------------------

"Unë vij nga një shtet perëndimor. Unë jam pro Amerikës", deklaroi deputeti i Partisë së Lëvizjes së Legalitetit, Ethem Fejzollari. Deputeti legalist ishte një ndër dy deputetët, i cili mundi që mazhoranca politike në Kuvend të fitojë 86 vota për të kaluar projektligjin e mbylljes së duty-free-shopeve. Pasi ky projektligj kalonte me mbi tre të pestat e deputetëve prezentë në sallë, 84. Kështu, Fejzollari bëri që partitë e aleancës për shtet të miratojnë ligjin për mbylljen e dyqaneve pa taksë doganore.





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 3-2-2003 nė 09:16 Edit Post Reply With Quote
SPAHIA: "BESNIK MUSTAFAJ, KELYSH I RAMIZ ALISE"

Kryetari i PLL-se, Eqerem Spahia reagon pas akuzes se deputetit te PD-se per rekrutim nga socialistet

Z. Spahia, deputeti i PD-se, Besnik Mustafaj ju ka akuzuar ne nje interviste ne "KJ" se jeni rekrutuar nga socialisti Gramoz Ruci per te votuar ne Kuvend pro mbylljes se dyqaneve Duty Free. Si do ta vleresonit kete qendrim?

Une ne natyren time nuk e kam zakon te merrem me zagaret qe lehin rrugeve apo ndersehen nga dikush. Por meqenese po me pyetni dhe kemi te bejme me nje diplomat si Besnik Mustafaj, po pergjigjem: Une kur e kam marre vendimin per te hyre ne politike e kam pyetur veten mire dhe me ka rezultuar se kam te drejten e plote morale per t'u marre me aktivitet politik, madje edhe per t'u kacafytur me ujqit e politikes aktuale shqiptare. Une perfaqesoj dhe drejtoj Partine Levizja e Legalitetit, partine me te paster dhe me me vlera ne Shqiperi. Mua nuk me ka emeruar Ramiz Alia ne krye te PLL-se, por me kane zgjedhur me vote te lire dhe demokratike ndermjet kandidaturave alternative. PLL-ja dhe drejtuesit e saj jane jashte skemave te Katovices. Nese do te kishte ndonje kritike nga legalistet ndaj grupit parlamentar te PLL-se do ta mireprisja, por kur na sulmon shoku Besnik Mustafaj pse deputetet e PLL-se votuan pro mbylljes se dyqaneve pa taksa, shpejt e shpejt, pergjigja ime permblidhet ne tre pika kryesore:

E para, kam menduar se shoku Besnik eshte nje diplomat me vizion dhe ne koherence te plote me rekomandimet e SHBA-se, FMN-se dhe organizmave nderkombetare, per luften kunder kontrabandes dhe korrupsionit ne Shqiperi. E ku me shume se ne keto dyqane zhvillohej kontrabande dhe korrupsion shoku Besnik?

Shoku Besnik mund te jete i lidhur drejtperserdrejti me keto dyqane dhe me mbylljen e tyre sigurisht qe do t'i jene prekur interesat e veta.

E treta, populli shqiptar me emrin demokraci edhe pas 12 vjetesh, po vuan si mos me keq se kelyshet e Ramiz Alise si Besnik Mustafaj, u shnderruan nga komuniste ne demokrate me urdher dhe porosi te Alise. Vune masken e te djathtit per te mashtruar shqiptaret dhe nderkomebtaret. Por, humbjet e njepasnjeshme ne zgjedhjet elektorale pas vitit '92 dhe sidomos abstenimi 62% ne zonen elektorale nr. 52 ne Elbasan eshte apel: shoku Besnik, hiq masken e te djathtit tashme te cjerrur dhe dil me fytyren tende prej komunisti, se ke qene dhe vazhdon te mbetesh besnik i marksizem-leninizmit te institutit te Nexhmije Hoxhes.

Cilat jane arsyet e verteta qe ju votuan kunder qendrimit zyrtar te shumices se opozites dhe pro mbylljes se dyqaneve pa taksa ne pikat kufitare?

Partia Levizja e Legalitetit ka dhene nje kontribut te jashtezakonshem per demokracine dhe per rrjedhoje edhe per PD-ne sepse ish-presidenti i fundit komunist, Ramiz Alia nuk lejonte te krijohej PBK-ja dhe PLL-ja. Prandaj, PLL-ja ka votuar ne zgjedhjet e para te 31 marsit 1991, 22 marsit 1992, dhe zgjedhjet e korrikut '92 per pushtetin lokal. PLL-ja eshte gjkendu ne krah te PD-se ne vitet me te veshtira sic ishte viti '97 dhe ka dhene nje kontribut te cmuar fillimisht ne koalicionin Bashkimi per Demokraci pastaj ne Bashkimin per Fitore. Gjithmone ka votuar per interesat e PD-se qe sigurisht disa kane qene ne interes te gjithe opozites. PLL-ja eshte nje parti idealiste, asnjehere nuk ka pare interesat e individit apo partise, por gjithmone ne interes te demokracise dhe vendit ne teresi. Eshte i habitshem reagimi i PD-se dhe organeve te medias qe kontrollohen prej saj i cili eshte i turpshem, sepse deputetet e PLL-se pane ne nje rast te vetem interesat e veta partiake. Me kete dua te them qe eshte hera e pare qe PLL-ja ka pare interesin e saj, interesat legaliste dhe mbreterore, dhe PD-ja duhet te na inkurajonte qe ne te pakten nje here pame interesin tone, por jo te reagonte ne menyre te turpshme. Dhe shtrohet pyetja pse reaguanm: sepse ne kerkuam mbylljen e dyqaneve pa taksa ne kalimet kufitare, qe edhe PD-ja eshte per mbylljen e tyre, si nje burim i paster kontrabande dhe korrupsioni, si nje kerkese e nderkombetareve, e SHBA-ve dhe FMN-se. Ketu shtrohet pyetja qe PD-ja ishte deklaruar zyrtarisht pro mbylljes se ketyre duqanevem duke shtuar amendamentet per mbylljen e magazinave doganore, gje per te cilen jemi dakort edhe ne. Dhe pse e dramatizojne nje gje te tille, ku nuk ishte ndonje ligj per ndonje votim politik, pasi ai ligj kishte kaluar dy here dhe nuk ishte miratuar dhe po te mos votohej ne date 30 janar, ai do te vazhdonte te shtrohej per votim derisa te miratohej. Une nuk e kuptoj reagimin e shokut Besnik, kur thote mos shihni interesat tuaja partiake, por t'i shkojme pas avazit PD-se me te drejte dhe pa te drejte. Ai duhet ta marre vesh mire se koalicionet ngrihen mbi bazen e interesave partiake dhe respektimit te tyre, por kjo derisa te jete e mundur. Por ne i deklarojme shokut Besnik, qe PLL-ja do te shohe gjithmone interesin e saj dhe do te jete konseguente e zbatimit te programit te saj. Koalicionet nuk jane ceshtje lemoshash, por interesash. Pikat qe na bashkojne me partite e tjera te koalicionit, jane shume me te medha se pikat qe na ndajne. Persa i perket intervistes ne fjale, ceshtja e dyqaneve eshte pike bashkuese e te gjitha partive te koalicionit sepse te gjithe jemi shprehur pro mbylljes se tyre si burim i evazionit fiskal, kontrabandes dhe korrupsionit.

A jane cenuar marredheniet mes partise suaj dhe PD-se nga ky rast, dhe si e shihni te ardhmen e ketyre marrdhenieve?

PLL-ja ka vendin e saj ne koalicionin Bashkimi per Fitore dhe me kete kuptojme vlerat dhe kotributet e saj. Persa kohe interesat e subjekteve te koalicionit do te perputhen, eshte normale qe ky koalicion do te funksionoje ne menyre eficente. Por kjo nuk do te thote se partite nuk duhet te kene interesat e tyre brenda koalicionit, qe jane konverguese per te gjithe. Pra per pikat e perbashketa do te kemi qendrim te njejte, per pikat ndarese secila parti do te kete qendrimet e saj. Eshte e pakuptueshme te thuhet koalicion nese te gjithe partite do te mendojne dhe veprojne njesoj. Ne e kemi pranuar njeri-tjetrin me ato pika programore qe ka secila parti. Une dua te shtoj se ketu nuk eshte qendrimi i PD-se apo i z. Berisha, por eshte nje ze i nje komunisti, i nje kelyshi te Ramiz Alise sic eshte Besnik Mustafaj, i cili nuk perfaqeson PD-ne, por vijen marksiste leniniste dhe fatkeqesisht eshte ne Partine Demokratike. Por, shoku Besnik nuk mjafton te veje emrin demokrat ai me kujton nje njeri qe ka emrin "Bukurosh" dhe realisht mund te jete i shemtuar. Pra marredheniet mes PD-se dhe PLL-se jane normale sepse nuk ka devijacione politike, por thjesht per nje ligj te vetem qe kishte te bente me kontrabanden dhe korrupsionin.

Cfare deklaroi Mustafaj

Sekretari per marredheniet me jashte ne PD, Besnik Mustafaj deklaroi dy dite me pare ne nje interviste ne "KJ", se kryetari i grupit parlamentar socialist, Gramoz Ruci ka bindur tre deputete legaliste, mes tyre edhe kryetarin Spahia, qe te votojne kunder qendrimit te PD-se per Duty Free Shop-et. "Per mua futja ne kete lloj negociimi e ish-shefit te sigurimit dhe pse zgjodhi pikerisht keta dy legaliste qe kane prishur vendimin e opozites dhe te tretin Eqeremin, eshte nje gje e shemtuar edhe per ata qe e perdorin ish-shefin e sigurimit per keto lloj negociimesh politike pa transparence edhe per ata qe pranojne te negociojne me nje ish-shef sigurimi, qe ka qene persekutor i tyre". Keshtu u shpreh Mustafaj nje dite pasi PLL-ja mbeshteti Partine Socialiste ne miratimin e mbylljes se dyqaneve pa taksa ne pikat kufitare.

kj





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 4-2-2003 nė 15:37 Edit Post Reply With Quote
Spahia: U bashkuam me PS për t’i dhënë
Lekës status të veçantë

TIRANË – Kryetari i PLL, Eqerem Spahia, e quajti vendimin e marrë
nga qeveria si një hap përpara të qeverisë shqiptare drejt miratimit
të një statusi për familjen mbretërore. Ai e shpjegoi përsëri votën e
legalistëve dhënë pro mbylljes së dyqaneve në pikat e kalimit
kufitar, votë që ndihmoi socialistët dhe bëri që opozita të humbiste.
“E kemi kushtëzuar votën tonë për disa interesa mbretërore, kemi
hartuar një projektligj për statusin e familjes mbretërore”,- tha ai
dje. Spahia theksoi se për të miratuar këtë projektligj, të cilin e ka
firmosur edhe kryetari i PD-së Berisha, nuk mjaftojnë votat e
opozitës prandaj legalistëve u duhej që të linin hapësirën e duhur
që edhe socialistët të mund ta votonin këtë projektligj. Kështu që
ata gjetën rastin e miratimit të ligjit për mbylljen e dyqaneve në
pikat e kalimit kufitar dhe bashkuan votat e tyre me socialistët në
mënyrë që t’i shkëmbenin më vonë. “Nuk kishim se ku gjenim rast
më të mirë, në votimet e para në votuam kundër, ndërsa në votimin
e fundit, ata na dhanë siguri se do ta jepnin votat për miratimin e
statusit të familjes mbretërore”,- theksoi më tej Spahia. Sipas tij,
pas këtij vendimi në favor të familjes të Leka Zogut, pritet të merren
edhe vendime të tjera po të kësaj natyre.
G.B
shek





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 5-2-2003 nė 08:20 Edit Post Reply With Quote
10 MINUTAT PER PO-NE E SPAHISE

Projektligji per statusin e familjes mbreterore eshte firmosur nga te gjithe deputetet e opozites, perfshire kryetarin e PD-se, Berisha. Nese ky projekt do te kthehet ne ligj, atehere Leka Zogu dhe familja e tij do te kene shume lehtesira: do te mbajne koleksionin e armeve trofe te sekuestruara pak kohe me pare nga forcat e rendit, do te mundesojne kthimin e eshtrave te Ahmet Zogut ne Shqiperi, do te marrin nje pjese te mire te pronave te familjes Zogolli etj

Erl Murati

Kishte mbetur vetem nje ore qe nga momenti kur do te shtrohej per votim, ligji i cili vendoste perfundimisht mbylljen e dyqaneve pa taksa ne pikat doganore dhe kryeministri Nano ishte i shqetesuar. Mungesa e Ilir Metes dhe Ermelinda Meksit ne seancen plenare, plus rreziku qe ndonje deputet socialist do te votonte kunder, mund te benin te deshtonte miratimi i ligjit, nje kerkese e vazhdueshme e Fondit Monetar Nderkombetar. Pak i merzitur, Nano psheretiu lehtas dhe thirri prane tij sekretarin e pergjithshem, Gramoz Ruci. Dic i peshperiti ne vesh, dhe Ruci doli jashte salles se Kuvendit. 60 minuta me vone, shefi i qeverise sfidonte me shikime dhe buzeqeshjen e tij, deputetet e opozites. 86 parlamentare kishin votuar pro mbylljes se Duty Free Shop-eve, nje numer i mjaftueshem per t'i rikthyer Nanos qetesine, dhe Berishes, inatin.

Te pakten 84 deputete duhet te votonin pro, ne menyre qe dyqanet pa taksa ne pikat doganore, te mbylleshin perfundimisht. Duke pasur friken e nje deshtimi, kryeministri Nano i kerkoi sekretarit Ruci qe te negocionte me deputetet e Partise Levizja e Legalitetit per te marre mbeshtetjen e tyre. Vetem 10 minuta para votimit, Ruci i propozoi kryetarit te PLL-se, Eqerem Spahiu se mazhoranca do te miratonte ne parlament statusin special te familjes mbreterore, nese legalistet do te voonin mbylljen e Free Shop-eve.

Projektligji per statusin e familjes mbreterore eshte firmosur nga te gjithe deputetet e opozites, perfshire kryetarin e PD-se, Berisha. Nese ky projekt do te kthehet ne ligj, atehere Leka Zogu dhe familja e tij do te kene shume lehtesira: do te mbajne koleksionin e armeve trofe te sekuestruara pak kohe me pare nga forcat e rendit, do te mundesojne kthimin e eshtrave te Ahmet Zogut ne Shqiperi, do te marrin nje pjese te mire te pronave te familjes Zogolli etj.

Eqerem Spahiu i kishte dhene fjalen demokratit Bamir Topi se nuk do t'i bashkonte votat e tij me mazhorancen, por do te votonte kunder mbylljes se dyqaneve pa taksa. Mjaftoi numri "dy" i socialisteve per t'i ndryshuar mendjen. Ruci i premtoi Spahiut miratimin e statusit te familjes mbreterore, dhe Spahiu i premtoi Rucit se PLL-ja do te votonte pro mbylljes se Free Shop-eve. Ketu "pazari" u mbyll. Si per te treguar se eshte nje njeri i fjales, kryeministri Nano urdheroi dy nete me pare qeverine e tij te miratoje dhenien e pasaportave diplomatike, familjes mbreterore te Leka Zogut. "Vendimi per paisjen me pasaporta diplomatike, shpresojme qe te jete fillimi i plotesimit te te drejtave, familjes mbreterore, per ate qe ajo meriton plotesisht", tha dje per "KJ", kryetari i PLL-se Eqerem Spahia.

kj

Une mendoj se per te djathten ka rendesi shume te madhe te familja e Zogut te marre sa me shpejt pronat e saja.





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 6-2-2003 nė 16:47 Edit Post Reply With Quote
KRYESIA E PDR: POLLO, JE HAJDUT!

Nevila Perndoj / Anetaret e kryesise se PDr akuzojne njeri- tjetrin per rryshfete dhe shperdorim te fondit te parave nga buxheti i shtetit. Keshilli Kombetar i reformatoreve degjeneroi dje ne akuza te ashpra ndaj dy anetareve te kryesise drejtuese, Genc Pollo dhe Kreshnik Collaku. Anetari i Keshillit Kombetar, Marash Vata akuzoi dje bordin drejtues te PDr per vjedhje te fondeve qe jane akorduar nga buxheti i shtetit. "Jane vjedhur 180 milion leke te vjetra nga buxheti i shtetit. Nuk jane dhene ende rrogat kryetareve te degeve ne rrethe. Ketu jane bere shperblime me financat. Konkretisht Kreshnik Collaku ka marre 3 milion leke te vjetra ndersa Gramoz Mecani 5 milion. Kjo parti eshte 0 me parate", tha dje Vata. Nen cilesine e anetarit te kryesise se PDr, Vata shtoi se, eshte shkelur statuti i PDr. "Kjo parti po shkon majtas ndaj dhe une do te drejtoj se shpejti nje grup fraksionist brenda kesaj partie per te ndjekur nje politike te djathte", tha Vata. Ka reaguar menjehere Sekretari i Pergjithshem i PDr Kreshnik Collaku. "Une nuk e mbaj persiper kete akuze dhe po ju them para gjithe anetareve te Keshillit Kombetar se do t'ju denoncoj ne organin e akuzes per kete shpifje", iu drejtua Collaku, anetarit te kryesise Marash Vata. I nxhehur dje nga ajo cka shprehu Vata ka qene edhe kryetari i reformatoreve, Genc Pollo. "Problemi qe keni ngritur ju, z.Vata nuk mund te kthehet ne nje mbledhje me shpifje, fyerje dhe shenja rrugacerie. Ajo c'ka ju deklaruat do t'i nenshtrohet Kontrollit Mbikqyres per te vertetuar akuzen ndersa lidhur me krijimin e fraksionit ju jeni i hapur qe ta drejtoni perderisa kjo eshte e parashikuar edhe ne statut", tha Pollo. Pas ketyre replikave, anetari i Kryesise Marash Vata eshte larguar nga salla bashke me dy anetare te tjere te Keshillit Kombetar.

Reformatoret kunder bashkimit te opozites

Keshilli Kombetar i PDr i ka thene "jo" dje bashkimit te partive ne nje koalicion te vetem. Ne deklaraten perfundimtare te Keshillit Kombetar PDr vlereson bashkepunimin me forcat e tjera politike, por jo domosdoshmerine e bashkimit te tyre ne nje koalicion te vetem.

"PDr e shikon si nje proces normal politik mbajtjen hapur te dialogut dhe bashkepunimit me te gjitha forcat politike opozitare. PDr thekson ne kete rast se paresore ne kete bashkepunim do te jete ruajtja e identitetit te partise sone si nje force alternative me perkrahje ne vend dhe me njohje nderkombetare", thuhet ne deklaraten perfundimtare. Te njejtin qendrim mbajti dje edhe kryetari i reformatoreve Genc Pollo. Ai shtoi se, nuk jane pjekur ende kushtet per t'u bashkuar per shkak se brenda rradheve te PD nuk ka ende demokraci. "PD nuk duhet te marre nisma per t'u bashkuar pasi pothuajse te gjitha partite kane dale nga kjo e fundit", tha Pollo duke shtuar se do te pranohet bashkepunimi per ceshtjen e pronave, te perndjekurit politik dhe reformen zgjedhore. Ceshtjet ne fjale jane prekur edhe ne deklaraten perfundimtare te Keshillit Kombetar. "PDr shikon me shqetesim bllokimin e reformes zgjedhore permes bllokimit te punes nga komisioni dypalesh i ngritur per kete qellim. PDr mendon se interesat e dy partive qe kane te drejten e vetos, kryesisht te mazhorances, jane shkaku kryesor per kete bllokim, duke dhene shenja se ato nuk jane te interesuara per te mbrojtur voten e lire dhe te ndershme", thuhet ne vendimin perfundimtar.

kj





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 6-2-2003 nė 19:40 Edit Post Reply With Quote
Leter e një monarkisti drejtuar Ekerem Spahisë me shokë

Më mirë djepja bosh, se sa shejtani brenda

Kur dëgjuam rezultatin e votimit dhe pamë Halla Bulen që kërcente përpjete në presidium, sa që nuk po përqafonte Pëllumbin idhtarin e Marksit na cimboi në zemër, jo se "fituan" apo ligjëruan hajdutllëkun ata që janë mësuar të vjedhin e të blejnë si mallra por dhe vota dhe deputetë, por sepse fituan me votat tuaja. Ju duhet të jeni kundërshtarët më të fortë të këtij regjimi antimonarkist dhe antidemokratik. Nëse do të kishte qenë i ndershëm Fatosi, aq sapo kishte dalë nga burgu, ku hyri sipas tre gjykatave të tre shkallëve, për vjedhje të kishte pranuar rezultatin e referendumit, e të mos bënte atë gjygjin farsë kundër mbretit, sot do të ishim një shtet demokratik me mbretëri. Tërë ata që keni folur deri më sot paskan qenë pesë me hiç. Mësoje pra ti dhe të tutë. Unë jam demokrat por dua monarkinë. Deri më dje kam votuar për PLL(paskam bërë gabim të madh që të kam dhënë cdo herë nga 5 vota vetëm vatra ime), ndërsa tani shko puthu në daç me Milon në daç me Bulen e në daç me Fatosin, kështu si unë dhe dhjetra monarkiste të tjerë nuk do t'ju votojnë më. E di ti shoku Ekerem kryetar (aksidentalisht) i PLL, se nga fisi im janë 10 të dënuar nga mësuesit e Fatosit e të Servetit, nga të cilët 6 me pushkatim dhe katër me burgime të gjata. A e di ti se familjeve tona nuk u zinin këmbët dhe sa nguleshin në një qytet, vinte urdhëri për të shkuar diku gjetkë. A e di ti se nga familjet tona nuk ka shkuar kush në univeristet me bursë si ke shkuar ti por e kanë "vjedhur" shkollën me korrespondencë. Më mirë shoku Spahia që e treguat vehten tani para zgjedhjeve, gjithkush të marrë aq sa i takon dhe atë që i takon. Ju me mbretin ju lidhka vetëm një gjë, interesi për të znë një vend në politikë dhe asgjë tjetër. Ju dhe shokët e tu i jeni shumë borxhli BF dhe sidomos PD pa to do të ishit anonimat në politikë. Ju në fakt nuk bëni asgjë për të bindur elektoratin për alternativën monarkike. Ju, partia më e vjetër që jeni nuk keni një gazetë për të qenë. Atë që nxirrni një herë në javë nuk mund ta quash gazetë, tërë faqen e parë ajo e ka me fotografitë e mbretit ( me këtë ti do ti tregosh mbretit se po bën cmos për të). Po brenda cka ajo gazetë? Më të shumtat e rasteve ka fjalimet tuaja e të Kollcakut që i mbani në kuvend, disa janë kujtime nga familja mbretërore, kusuri është njoftime nga politika e jashtme dhe ... me rrove të rrova brisku është i berberit. Me një parti kaq të vjetër me një parti të ngritur dhe në diasporë, si nuk arrite deri më sot të kesh një gazetë të përditshme dhe dinjitoze. Nuk ka asnjë justifikim. Faji është tëndi me shokë. Ju më shumë mendoni për vehten tuaj se sa për mbretërinë. Më vjen keq por kam frikë se mos keni mësuar dhe ju zanatin e Gurit që bëri rrush e kumbulla goxha fonde. Ne mendojmë se ka ardhur koha që në krye të kësaj partie të jenë ata që kanë derdhur gjak për monarkinë. Veriu i Shqipërisë ka plot, por dhe Shqipërisë së mesme e asaj të jugut nuk i mungojnë besnikët e vërtetë të mbretërisë e të mbretit. Me veprimin që bëtë ja ulët kokën mbretit por në radhë të parë turpëruat vehten se e treguat se sa ju vlen lëkura. Sidomos ato"arratisje" para kamerave dhe ato përgjigje mjerane ju nxorrën cipllak para ( jo vetëm të legalistëve) por të mbarë popullit shqiptar. Më mirë shpejt se sa më vonë në afrimin e zgjedhjeve. Ju keni harruar se sa borxhli i jeni opozitës së vërtetë e sidomos PD. Pa të ju do të ishin anonimatë e nuk do të merrnit nga një milion e gjysëm në muaj, sic duket ju vetëm për këtë rrogë e keni dashur dhe e doni PLL dhe aleancën me PD. Disa herë ju keni hedhur vickla dhe kjo vickël që hodhe tani e ka një qëllim. Ju kujtoni se si PLL si opozita do të shkrihen. Me atë që bëtë e treguat se i bëtë nder që opozita dhe PD të gjejnë shokë të vërtetë në luftën politike e jo nga ata që e shesin vehten me pak se sa e shiti Juda Krishtin? PLL ka nevojë për ata që kanë derdhur gjak për të, e jo për karieristë e të pa besë. Gjyshi im ish major i mbretit thoshte:"Kur të del fëmija i keq është më mirë ta kesh djepen bosh, se sa shejtanin brenda. Ndërsa ime gjyshe thoshte: Po qe se pula që ha dhe rri në qymezin tënd po vezën e bën në furrik të botës, më mirë o shite, o falja një tjetri po nuk deshe që ta therësh. Ju e zgjodhët vetë furrikun. Tani e keni kot, sepse e dinë tërë shqiptarët sidomos legalistët që ju kakarisni djathtas, por vezën e bëni në furrikun e majtë. Vetë e zgjodhët. Ta gëzoni. Por dhe ne do bëjmë zgjedhjen tonë dhe do ta gëzojmë

Bujar Orizaj.

55





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 8-2-2003 nė 10:01 Edit Post Reply With Quote
Socialistët duan Lekun dhe jo Lekën?!

Vetem dhjete minuta para nje votimi te Parlamentit per mbylljen e dyqaneve pa taksa ne doganat, gjendet formula per rehabilitimin e Leka Zogut, trashëgimtarit te ish -mbretit shqiptar. Jepet garanti, per pajisjen e familjes mbreterore me pasaporte te sherbimit diplomatik. Rrofte mbreteria (lexo qeveria Nano)-thirren legalistet the turr e vrap per te votuar sa me pare. Ligji u kalua, socialistet e hodhen lumin, ndonese nuk ishte ndonje ligj me tipare politike, mos kalimi i tij do te thoshte diçka më se serioze per nje qeveri te shumices qe nuk ben dot shumicen ne Parlament. Kush ndjek pak ngjarjet politike ne Shqiperi, pikerisht me kete pazar u be krejt e qarte qe qeverisja nuk siguron shumicen parlamentare. Jane legalistet qe opinionit te gjere ia dhane kete fakt te gjalle. Por fjalen e kemi gjetke, jo tek ky ligj, as tek numerimi i votave per te dhe as tek rendesia e tij. Me ben pershtypje se sa e lexueshme eshte tallja e qeverise dhe e Parlamentit per ish -institucionin e mbreterise shqiptare dhe te trashëgimtareve te saj. Thuhet hapur garanti, njelloj sikur te thuhet hapur per nje tender, a pazar fasulesh. Jepen pasaporta diplomatike, pse pak te tilla ka shperndare Paskal Milo per hyzmeqaret e vet nga Dibra deri ne Himare, apo sa e sa shofere e biznesmene i kane ato ne duar te dhuruara nga Arta Dade. Barazohet Leka Zogu me shoferet e ambasadave dhe legalistet e tundin kete dhurate si nje fitore parlamentare. Kjo eshte nje hiç, dhe keshtu siç eshte dhene me garant per tre vota eshte nje turp dhe nje budallallek i madh i Leka Zogut qe ta pranoje dhe nese seriozisht e pranon kete lloj ryshfeti politik, atehere duhet dyshuar dhe deshire-ardhja e tij ne vendlindje. Pa e paragjykuar aspak, por duket se jane ne nje linje, pozite heshtja e tij e gjate per gjykimin e gjendjes politike ne Shqiperi e te qeverisjes socialiste dhe mosberja aspak kersheri per te shtuar dashamiresit e mbreterise apo per te prodhuar sado pak brume politik per llogari te saj. E vetmja levizje e tij ne se quhet keshtu mbetet vetem kerkesa per rikthimin e pronave te ish -mbretit Zog. Pse a vetem pronat e bejne mbreterine shqiptare, pse a keshtu do t'ju lëpihet qeverive mbreteria shqiptare dhe legalistet keshtu do te puthen me qeveritaret, per t'ju falur nga nje tender politik. Leshimet kane nisur qe me organizimin e pritjes se familjes mbreterore kur ne krahun e mbretereshes u gjend Monika (Meta) Kryemadhi, deputetja socialiste dhe e shoqja e ish -kryeministrit socialist shqiptar. Vijuan me rreshtimin e dy deputeteve legaliste se bashku me socialistet, duke ju kthyer krahun deputeteve te opozites ne çeljen e punimeve te Parlamentit te dale nga zgjedhjet e 2001, te kontestuara rende si nga opozita dhe organizmat e huaj vezhguese. Ky duhet lexuar si nje autogol ne porten pa portier te mbreterise dhe te Partise se Legalitetit. Me joshjet qe qeveria “Nano” po iu ben legalisteve nuk shihet ndonje kthese ne rivleresimin e familjes mbreterore dhe as ndonje dashuri e socialisteve per Leken. Legalistet gabojne perseri. Keshtu ata do te joshen jo vetem per pronat e mbretit, por dhe per armet e mbretit porse aspak socialistet nuk do te leshojne pe per mbreterine e Lekes, sepse ata e njohin me mire mbreterine e Lekut. qeveritaret dhe parlamentaret socialiste e duan lekun dhe jo Lekën.

Sami Mulaj,
New Jersey-USA
MulajSami@aol.com

shek





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 11-2-2003 nė 11:10 Edit Post Reply With Quote
"BERISHA TE RRIJE ME KOMUNISTET"

Ali Kazazi, nje nder funksionaret e larte te PD, e ka braktisur kete parti. Per ta bere publik nje gje te tille, Ali Kazazi ka dale dje ne Shkoder ne nje konference per shtyp. "Jam shkeputur krejtesisht nga oborri i kuq i Sali Berishes", u shpreh Ali Kazazi duke etiketuar ne kete menyre eliten e zgjedhur te Berishes. Ai e ka quajtur te papranueshem qendrimin aktual politik te liderit te PD, Berisha. Megjithese nuk eshte prononcuar shprehimisht Kazazi duket se nuk ka qene dakort me levizjet e fundit te liderit blu ne kuadrin e marreveshjeve politike me poziten. "Qendrimi i tij nuk eshte ne perputhje me te djathten. Eshte opozite e nje frikacaku qe mendon vetem per oborrin e tij, qe nuk shpreh asgje per njerezit dhe qe nuk ben asgje per te ndryshuar gjndjen e Shqiperise" ka thene Ali Kazazi duke ju referuar kreut te PD, Berishes. Nderkohe qe ai nuk ka lene pa bere edhe disa akuza te tjera ndaj politikes berishiane. "Une nuk mund te bashkepunoj me njerez te SHIK-ut, le ta beje kete Berisha. Nuk mund te bashkepunoj me bijte e sekretareve komuniste. Le ta beje Berisha nje gje te tille", tha Kazazi. Me pas duke ju referuar levizjes te tij ne politike Kazazi eshte shprehur se ka mundur te gjeje veten ne kete krahte se djathtes. "Jam pozicionuar ne kete pike pas perpjekjeve 12 vjecare per politike te djathte. Kam bere nje zgjedhje te natyrshme dhe qe eshte ne natyren e asaj pune qe une kam bere qe prej 12 vitesh", tha Kazazi. Ali Kazazi, nje nga kreret kryesore te PD, deputet i PD, Kryetar i Keshillit te Rrethit deri edhe Minister i Brendshem, perfaqesues i PD ne Qeverine e Pajtimit vetem pak para zgjedhjeve lokale Kazazi ka kaluar ne nje parti tjeter.

R.Llazari

kj


Nuk di cfare te them.

Kam shume simpati dhe respekt per Ali Kazazin!





Por sot, Shqypni, pa m´thuej si je?

View User's Profile E-Mail User View All Posts By User U2U Member
AGRON RUMI

Postuar mė 12-2-2003 nė 03:16 Edit Post Reply With Quote
Ali Kazazi nje nga individet qe perfaqson te djathten reale shqiptare,eshte pozicionuar pas deklarates pro Partise BALLI KOMBETAR DEMOKRAT.Shume shpejt,te njejten gje do te bejne dhe individe te tjere,te cilet nuk mund te pranojne djathtizmin e ish komunisteve te PP-se.Ka ardhur koha qe e djathta reale te rishfaqet e paster,larg skemave Ramiziane.
View User's Profile E-Mail User View All Posts By User U2U Member
Anton Ashta

Postuar mė 8-1-2004 nė 15:22 Edit Post Reply With Quote
Për kë po punon opozita?

Aleksandër Meksi

Çdo herë që fillon një vit i ri, njerëzit përgjithësisht bëjnë bilance, por për më tepër ne shqiptarët mendojmë se çdo të ndodhë në të ardhmen. Në të dy këto aspekte mua më duket se është një situatë e njëjtë, bilanci është se asgjë nuk ka ndodhur realisht dhe asgjë nuk do të ndodhë realisht. Pra do të jemi atje ku ishim, në një shtet që nuk dëshiron të jetë shtet, në një jetë politike që është tejskajshmërisht e personalizuar dhe pronë në kuptimin figurativ e dy-tre vetave, pasi të tjerët janë figurantë, megjithëse dalin bashkë me ta në tribuna dhe shtrëngojnë duart. Por mbi të gjitha shqiptarët nuk kanë asnjë shpresë për përmirësimin e jetesës së tyre. Flitet për gjëra të përgjithshme të tipit integrim, flitet për gjëra të përgjithshme për dhjetëfishim të kësaj apo asaj, çudirat që do të ndodhin deri në 2015-ën, por asnjëherë nuk flitet me shifra konkrete, sa është kjo gjë vitin e kaluar, si është ecuria e këtyre 10-15 viteve për këto dukuri, si të themi për rritjen e çmimeve, rritjen e pagës reale, në rritjen e inflacionit, në rritjen e investimeve etj. Pra mungon një analizë reale dhe kur nuk ka një analizë të tillë për dukuritë e mësipërme, të mirëqenies të zhvillimit të ekonomisë, nuk mund të ketë edhe plane konkrete se çfarë do të bëhet. Tema kryesore, të cilës i kushtoi edhe emrin qeverisjes numër X të Fatos Nanos, ishte qeveria “Aleanca për Integrim”. Termi është pa kuptim, pasi është i përgjithshëm që mund ta përdorin të gjitha llojet e qeverive të cilësdo bojë të jenë, të cilitdo kahje dhe me çfarëdolloj formacioni që të kenë. Pra, nuk cilëson asgjë, aq më tepër që integrimi i Shqipërisë në Evropë në ato forma që politika mundohet të gënjejë shqiptarët, pra hyrja në Bashkimin Evropian, e cila nuk duket aq e afërt, për shumë e shumë arsye, ndër të tjera edhe për faj të qeveritarëve. Nga ana tjetër, përfshirja për shqiptarin do të thotë që ne të fillojmë shkallë-shkallë të ndjejmë përfitimet e saj...

Deri tani e vetmja gjë konkrete për të cilën është folur si ndryshimet në doganat, të cilat janë edhe të domosdoshme dhe të detyrueshme për t’u bërë, pasi janë vetë marrëveshjet, të cilat janë firmosur me mburrje, është se shqiptarët që ndodhen jashtë tani do të kthehen në Shqipëri. Flitet për lëvizjen e lirë, por kjo është vetëm në një drejtim, shqiptari që kapet atje sillet në Shqipëri, për ne që jemi këtu ka vetëm radha të gjata, rrugë të shtrembta për të gjetur mundësinë e vajtjes jashtë shtetit, kufizim që nuk ju bë të tjerëve.

Ne flasim për demokraci, për gjithëpërfshirje dhe integrim në Europë, por politikanët e dy partive më të mëdha harrojnë të kenë parasysh një qytetërim perëndimor, për të cilin rrahin gjoksin. Nuk është vetëm që të kesh vetura, kompjutera, apo celular, kravata dhe jakë të bardhë, kur del në tribuna. Perëndimor është organizimi demokratik i jetës shoqërore, i jetës familjare dhe asaj të bashkësisë sociale,shteti i së drejtës dhe ekonomia e lirë. Pra është toleranca, prania e mendimit ndryshe dhe barazia në të drejta. Por po të shikojmë, pikërisht këto janë çështjet për të cilat nuk flitet, që janë karakteristika të qytetërimit perëndimor. Mirëqenia perëndimore dhe përparimi i perëndimit janë rezultat pikërisht i kësaj mendësi dhe këtij organizimi demokratik. Konkluzioni është që, përderisa ne nuk dëshirojmë t’i bëjmë këto gjëra, do të thotë që nuk bëhet ky zhvillim. Madje, takimi i fundit i kongresmenëve dhe i KPD-arëve tregoi sheshit se në Shqipëri sot flitet dhe luftohet për demokraci bolshevike. Po qe se duhet të bëjmë këtë demokraci bolshevike, që është një turp për këtë shekull, them se këtë më mirë e bën Shoku Fatos, i cili ka punuar aty ku farkëtohej mendimi bolshevik, në institutin e marksizëm-leninizmit dhe ka parë jo vetëm historinë siç mburret, por edhe 50 mijë militantë ish-komunistë zemërkuq. Pra të mos mendojmë se mund të bëhet me mentalitet të tillë e njerëz të tillë qytetërimi perëndimor. Është vërtetë për të ardhur keq për këtë realitet, njerëz që i thonë vetes kongresmenë, njerëz që sharje në parlament, konferenca, KPD e kudo me të gjithë fjalorin. Pra kuptohet që nuk jemi në rregull kur përfolja merret si argument, ndërkohë që në çdo vend të botës për këtë dënohesh, ndërkohë që mendohet se akuza janë ato që shkruajnë me akte dhe dhe dokumenta gazetarët nëpër gazeta, kur akuza janë ato që dokumentohen dhe çohen në organin e akuzës, që është Prokuroria, e cila më pas gjykon nëse janë të vërteta dhe bën një hetim. Sot po flitet për shumë gjëra dhe, meqenëse i thotë Kryeministri, deputetët apo kryetarët e partive të opozitës, prokurori duhet të hapte hetime. Pra, ai nuk ka bërë detyrën, apo më saktë e ka shpërdoruar atë, e cila është e penalizueshme me ligjet në Shqipëri.

Në të gjitha vendet e botës që kërkojnë demokraci ekziston sistemi pozitë-opozitë, si kushti themeltar i saj. Pas 50 vjet komunizëm, në dhjetor të ’90-ës, u hapën rrugët e bipolarizimit pozitë-opozitë, ku lejohet të mendosh e të flasësh ndryshe dhe kjo është e institucionalizuar nëpërmjet partive. Por kjo duhet të jetë e institucionalizuar edhe brenda vetë partive. Cila është gjendja e opozitës sot? Ajo që mund të themi me siguri është se pas një varg dështimesh në disa zgjedhje, gjendja e opozitës është katastrofike sa që lind natyrshëm një pyetje në gojën e të gjithë demokratëve anti-komunistë, për kë po punoni ju shokë kryetarë dhe drejtues të partive të opozitës dhe, në radhë të parë, unë këtë pyetje ia bëj Partisë Demokratike që të tregojë për kë punon. Kjo vlen jo vetëm për Sali Berishën, por edhe për ata që i venë pas, që përsërisin fjalimet dhe gjestet e tij dhe që janë gati të linçojnë këdo që ka vërejtje siç po bëjnë në mënyrë sistematike gjatë këtyre shtatë viteve që janë dhe vite turpi për opozitën. Unë po e bëj këtë pyetje sot, të tjerë kanë kohë që ma bëjnë dhe unë çdo herë i jam shmangur, duke u përgjigjur se nuk di se çfarë të them. Por unë jam i bindur, ata nuk punojnë për demokracinë, nuk punojnë për Partinë Demokratike, nuk punojnë për shqiptarët dhe nuk punojnë për Shqipërinë. Po ashtu, askush nuk mund të më bindë se ata dëshirojnë të kthehen në rrugën e idealeve të dhjetorit. Sido që të jetë opozita duhet të japë shpjegime pas dështimit të radhës të këtyre shtatë viteve, që të mos mbajë mbi vete damkën e tradhtarëve dhe armiqve të demokracisë. Nëse nuk janë të tillë, por janë të pazotë për të mundur partinë neokomuniste të kongresmenëve e KPD-arëve, apo siç thotë Dritëro Agolli të shkërdhatokratëve, le të shohin punët e tyre e të largohen sa nuk është vonë, sepse duhet pranuar që është vonë. Këtu po flitet për devijacione të qeverisjes dhe këto nuk është se i thonë opozitarët apo populli i thjeshtë për shkak të varfërisë. Këto po i shohim në çdo relacion, në çdo fjalim, në çdo telegram të të huajve, ku kërkohet lufta ndaj korrupsionit, se duhet vendosur rendi, se duhen luftuar trafiqet, kontrabanda dhe se duhet demokratizuar jeta e vendit dhe përmirësuar shkalla e respektimit të të drejtave të njeriut. Ka ardhur koha që ata, të cilët u ngritën në dhjetor dhe që janë për reformimin real të shoqërisë shqiptare për një shtet real dhe jo të disave, (ata që imiton Llakaj zakonisht për Vit të Ri), nuk duhet të jenë të qetë e të mos identifikojnë jetën politike me karriget e ministrive. Po shohim se hyjnë në qeveri të djathtë, të majtë apo e kundërta, pra nuk po merret vesh se çfarë ka në Shqipëri. Po krijohet ideja se po kthehemi në pseudopluralizmin e gjysmës së dytë të vitit ’90, atë të shoqatave dhe pseudo partive.

Çfarë duhet bërë? Opozita në radhë të parë duhet të vendosë të kthehet në një opozitë demokratike, që do të thotë se duhet të jetë e hapur e të garantojë pjesëmarrjen e të gjithë atyre që nuk janë me qeverinë, që janë të pakënaqur nga qeverisja e sotme. Sigurisht, opozita ofron zgjidhje, ajo nuk thotë thjesht se unë e shaj qeverinë dhe jam opozitë. Opozita ofron zgjidhje për të gjitha problemet më jetësore të vendit, të themi për çmimin e telefonisë, duke dhënë shpjegime sikurse për çmimin e energjisë, për projektet e ndryshme për privatizimet etj. Por këto bëhen në rrugë institucionale, pra t’i shpallësh në programe, t’i shpallësh në artikuj të ndryshëm dhe në parlament në formë amendamentesh për ligjin që paraqet qeveria. Por këtë ne nuk e kemi parë pothuaj asnjëherë gjatë këtyre viteve, një veprim të tillë nga opozita. Pra këtu ndodh çudia që hartohet një buxhet dhe nuk ka një amendament përveçse diskutimeve, ndërkohë që në të gjithë botën bëhen amendamente dhe paraqitet një buxhet alternativ, i cili garanton ritme mbase edhe më të larta të zhvillimit se sa ajo që thotë qeveria, por shfrytëzon më mirë mundësitë e reformës ekonomike në stadin aktual të vendit. Këtë gjë opozita nuk e bëri. Vetëm asi të jetë demokratizuar vetë opozita, ajo do jetë në gjendje të shtrojë çështje të tilla, siç janë zgjedhjet e parakohshme. Të kërkosh këto zgjedhje, ndërkohë që abstenimi është maksimal, do të thotë që është një kërkesë fare e kotë dhe ne këtë sapo e pamë. Zgjedhjet e parakohshme me këtë ligj elektoral, që u garanton atyre që janë në pushtet të cilësdo rrymë vjedhjen sheshit të votës, nuk sjellin ndryshime, sepse çështja e votës duhet kuptuar se është vendimtare në ndërtimin e një shteti. Vota të jep mundësinë të gjykosh në periudha të caktuara, katërvjeçare në rastin tonë, që të pëlqen apo nuk të pëlqen kjo qeveri dhe voton kundër saj, apo të pëlqen apo nuk të pëlqen kjo opozitë dhe voton për të. Në rastin kur nuk na pëlqen asnjë palë kuptohet se ka abstenim dhe kjo ka ndodhur në Shqipëri përherë e më tepër nga një vit në tjetrin, sikurse ndodhi edhe në zgjedhjet e fundit. Por tani ndodhën edhe shakara të këtij lloji; në mëngjes Sali Berisha vete voton dhe në darkë thotë se abstenimi ishte votë kundër manipulimit të zgjdhjeve. Në qoftë se e quante manipulim, ai së pari duhet t’u kishte siguruar mosmanipulimin njerëzve dhe, e dyta, të mos kishte votuar edhe ai vetë, sikurse bënë shumë nga ne të tjerët. Të flitet për ligjin elektoral do të thotë që duhen rregulluar listat, pra kërkon një kohë, duhet rishkruar ligji, duke garantuar në thelb jo vetëm prezencën e personit si individ, por edhe garancinë për votën e tij, pra kontrollin e votës.

Kjo në të gjitha vendet demokratike realizohet nëpërmjet numërimit në publik të votave dhe rinumërimit të kutive kur ka kontestime, gjë që të dy partitë e mëdha me dëshirë të plotë dhe vetëdije e kanë refuzuar, ndërsa rinumërimi bëhet po të jetë më pak se 150 vota diferencë partia e parë me të dytën. Rasti i Himarës tregoi sheshit se kur do të vjedhësh bëj 151 vota në procesverbalin falso dhe nuk të hapet kutia. Dhe kur në kundërshtim me ligjin u hap për t’u bërë qejfin të huajve, sepse vetëm nga ata trembemi, për shqiptarët nuk duam t’ia dimë, doli që ishte krejt e kundërta, jo 150 apo 200 vota, por nuk kishte kutia gjith e gjithë as 70 vota. Pra është e domosdoshme të zgjidhet kjo çështje, por mbi të gjitha duhet të sigurohet hapja e kutisë në një pikë të caktuar për të gjitha zonat elektorale. Pra të themi në Tiranë, mund të bëhej në Pallatin e Sportit, ku çdo zonë elektorale hap kutitë dhe pastaj i rinumëron vetëm pasi ka kontrolluar procesverbalin e numrit të fletëve të votimit, jo përmbajtjes së saj. Dhe, kjo është tërësisht e mundshme për t’u realizuar nëpërmjet kutive të pahapshme, të cilat thyhen për t’u hapur, por nuk mund të bësh falsifikime. Por mesa di unë, kreu i opozitës e ka refuzuar këtë rekomandim të të gjithë neve, por që e kanë të gjitha vendet demokratike. Pra nuk ka të drejtë të ankohet. Por kur flasim për votën e lirë, kur flasim për rezultatin e votimit të ndershëm, ku çdo njeri ka një votë, nuk ka pse të mos themi që e njëjta gjë vlen edhe për partitë. Por unë them me plot gojën që në asnjë parti shqiptare nuk ka demokraci dhe për sa kohë që partitë do të jenë pa përjashtim parti bolshevike, parti ku vota vidhet, ku nuk votohet si në të gjithë botën, një anëtar një votë, nuk do të ketë jo më parti të demokratizuar, por as një Shqipëri demokratike. Unë jam i bindur që do të vijë një ditë që shqiptarët të kuptojnë se çfarë fytyrash i kanë dhunuar gjatë kësaj kohe. Sepse historia vjen prapa. Historia të vjen prapa edhe para ’90-ës edhe gjatë ’90-ës edhe pas ’90-ës, apo deri në vitet e sotme. Asnjë, duke mos më përjashtuar edhe mua, të mos e gënjejë mendja se historia nuk vjen prapa, ajo shkruhet, por jo nga ata që e bëjnë. Askush nuk mund ta deformojë atë që shgkruhet mbi fakte edokumente. Historia e 50 viteve të kaluara, rishkrimi i saj, zbardhja e saj tregon se nuk varet nga qeveritarët të shkruajturit e historisë. Pra hapi i parë që duhet të bëjnë partitë është të luftojnë për zgjedhje të reja, për rregullimin e ligjit elektoral e të listave, por nga ana tjetër të luftojnë për hapjen e partive, në mënyrë që të ketë një pjesëmarrje, në mënyrë që pjesa më e vetëdijshme që refuzon mungesën e demokracisë të rikthehet në parti. Vetëm kur të arrihet dhe respektohet parimi që një anëtar të ketë një votë, atëherë do të ketë demokraci reale dhe parti të forta. Por unë shpreh keqardhje që kam shtatë vite që i them këto gjëra. Por, ndërsa për të majtën doli Meidani, Rama, Meta që kërkuan thonë të njëjtat gjëra, pra institucionalizimin e mendimit ndryshe, të cilat u duartrokitën e debatuan nga kongresmenët, apo më mirë të themi u tallën me to, askush në Partinë Demokratike nuk foli, pasi kjo është tabu për ta. Kjo do të thotë që edhe ata janë të tipit kongresmenë. Pra në qoftë se nuk do të ndërmerret një hap i tillë, atëherë nuk do të bëhet i mundur rikthimi në Shqipëri në rrugën e demokracisë dhe hyrja në Evropë. Vetëm në rast se na fusin ata vetë, duke na marrë prej zverku dhe për këtë unë dhe gjithë shqiptarët do të themi faleminderit që na shpëtuat nga “liderët dhe kongresmenët”, por nuk besoj se do t’ia arrijmë kësaj dite. Në të kundërt pa dyshim që do të jetë një gjë shumë e mirë. Por që të ndodhë kjo duhet që Shqipëria të ketë ritme më të mëdha të demokratizimit të jetës së saj dhe ritme më të mëdha të zhvillimit të ekonomisë. Me 4, 5 apo 6 për qind në vit, ne duam një shekull të arrijmë Evropën. Por, ndërsa shqiptari e ka për natyrë të kërkojë sa evropiani, kur pagat i ka sa ato të Abisinisë, kuptohet që do ta ndjejmë edhe më shumë këtë diferencë të kërkesës me realitetin. Pra unë ripyes edhe një herë se çfarë duhet bërë? Për mendimin tim, Partia Demokratike, pasi nuk dua të flas për partitë e tjera të opozitës, pasi ata i dinë vetë punët e tyre, duhet të krijojë një bashkim me të gjitha forcat e djathta demokratike rreth një programi bazë. Por unë jam i bindur se duhet në radhë të demokratizohet vetë PD-ja dhe ky riorganizim nuk mund të bëhet nga ata që e kanë ndaluar. Vetëm duke u organizuar nga baza deri sipër, Partia Demokratike duke lejuar dhe dëgjuar mendimin ndryshe do të mund të shtojë radhët e saj dhe të luajë rolin real për të ndikuar në jetën e vendit. Pra vetëm atëherë mund të kërkojë me forcë zgjedhje të reja e të kundërshtojë shtrenjtimin e jetesës, korrupsionin, trafiqet, nepotizmin, monopolet e qeveritarëve etj. Por fatkeqësisht drejtuesit e PD-së, këto rregulla, këtë riorganizim e mohojnë, madje bërtasin se ne jemi partia më demokratike në botë. Por unë po u them se kjo është demokratike po aq sa është edhe partia bolshevike e kongresmenëve të Fatosit.

Çfarë duhet bërë në planin e organizmit të shtetit? Sigurisht Partia Demokratike dhe opozita në përgjithësi duhet t’i paraqesë në formën e programit dhe jo fjalimeve se, si mund të zgjidhen problemet që shqetësojnë vendin, si riorganizimi i sistemit të taksave, riorganizimit të doganës, tagrave doganore, të mënyrës së vjeljes së taksave, të sistemit të rrogave që është katastrofik me diferenca shumë më të mëdha se sa duhet të jenë. Pra, në Shqipëri, duhet të ofrohen alternativa, sikurse duhet të korrigjohen edhe ato çfarë bëhen. Pra, në qoftë se flasim për shpenzime duhet të flasim me shifra. Pra të ketë në gazetat e sotme një artikull pse nuk po riparohet në kohë Kryeministria, ndërkohë që vetë artikulli nuk thotë asnjë fjalë, që me këto para që mendohet të bëhet riparimi, mund të ishte ndërtuar dy herë e gjithë Kryeministria. Nuk po thuhet asnjë fjalë sa u shit Banka Kombëtare Tregtare,(çka implikon edhe opozitën) nuk thuhet asnjë fjalë se sa harxhon për telefona e vetura administrata shtetërore, ndërkohë që jashtë vetura përdoret vetëm brenda orarit zyrtar, për punë të zyrës, dhe vetëm mbase ministrat mund të venë me veturën e shtetit në shtëpi, pasi ka edhe vende që kjo nuk ndodh. Nga ana tjetër, këto shpenzime le të konfrontohen në kohë nga viti 1992 deri në 2003 dhe sa janë parashikuar për këtë vit. Atëherë opozita do t’i ofronte pakënaqësisë popullore, kundërshtarëve të qeverisë së sotme një alternativë të besueshme, ku artikulohen këto dy aspekte, analizë të realitetit dhe korrigjim të këtij realiteti.

Opozita duhet të ketë një rol aktiv në parlament. Nuk jepen shfaqje me të shara. Vetë fakti që kryetari i Kuvendit dhe pozita i duron, tregon se ata janë të bindur që vetë opozita me këtë sjellje luan një rol negativ për elektoratin shqiptar. Pra opozita në parlament paraqet projektligje, amendamente për ligjet e qeverisë, të cilat i tregojnë nga njëra anë publikut se si do t’i bënim ne këto gjëra dhe nga ana tjetër shërbejnë për të kritikuar qeverinë, dhe eventualisht edhe për t’u përmirësuar ligjet, nëse ekziston një vullnet i mirë nga ana e qeverisë. Opozita bën interpelanca, bën pyetje, sigurisht duke qenë e përgatitur përballë ministrave, ngre komisione hetimore, por jo për larje hesapesh me persona, por për fenomene. Por, fatkeqësisht, në Shqipëri, qeveria nuk dëshiron që ato çfarë përmenda më lart të jenë reale në jetën politike, sikurse edhe opozita tregohet e mefshtë dhe pa program. Brenda një dite pas paradës që bënë të gjithë deputetët fjalimmbajtës në Kuvend për Buxhetin, u votua dhe u miratua për pesë minuta ky buxhet. Ana tjetër e problemit është që a duam vetë ne shqiptarët që Shqipëria të demokratizohet e përparojë, a jemi të bindur se përparon e pademokratizuar. Kjo është pjesa që na takon ne qytetarëve të thjeshtë. Por ne po tregohemi edhe më indiferentë se në kohën e diktaturës komuniste. Në atë kohë kur shprehje një mendim ndryshe të fusnin në burg, ndaj ishe i detyruar të heshtje. Ndërsa tani vihet re një heshtje, ndonëse është e drejta e mendimit ndryshe. Kjo ndodh në dy raste, kur punët shkojnë mirë dhe ka bollëk, pra qytetarët ia lënë qeverisë dhe vetëm njëherë në katër vjet i thonë; takohemi në votime e ta tregojmë qejfin, nëse nuk na pëlqen dhe rasti i dytë kur jeta nuk është demokratike dhe njerëzit nuk marrin pjesë në të, sepse është fiktive. Nuk kam pse të votoj kur ti ma numëron votën si të dëshirosh vetë, sipas parullës bolshevike të Stalinit. Populli të votojë, ne të numërojmë. Pra indiferentizmi që u shpreh në abstenimet që nga rasti i Elbasanit apo tani për zgjedhjet lokale më të fundit, tregoi sheshit se cili është mendimi i shumicës së shqiptarëve. Por jo vetëm i shumicës. Në ripërsëritjen e zgjedhjeve në Tiranë, Nano u detyrua të dilte të thëriste militantët që të votonin, pasi kishte rrezik të mos dilnin për të votuar edhe vetë socialistët, të cilët ishin të entuziasmuar nga Kongresi, pasi për ta mendonte partia dhe shoku Fatos. Ka ardhur koha që shqiptarët t’i venë gishtin kokës e të mendojnë se çfarë duhet bërë. Në radhë të parë këtë detyrë sot e ka opozita, e cila duhet të lëvizë nëse dëshiron të demokratizohet, nëse jo i takon atyre që mendojnë ndryshe, partive e individëve që të riorganizohen e të krijojnë një Pakt Qytetar për Demokraci, ku secila parti të riorganizohet mbi rregullat demokratike, një anëtar një votë. Vetëm atëherë edhe elektorati do të afrohej dhe bashkarisht të gjithë të kenë një program minimal të zhvillimit ekonomik e shoqëror të vendit. Jam i sigurt se një gjë e tillë do të gjallërojë jetën politike dhe opozita do të lëvizte e kuptonte se nuk e ka me tapi vendin në parlament, qoftë edhe në opozitë. Po shohim se janë shumë të kënaqur që janë në këtë post, pra të përhershëm në parlament, të përhershëm në krye të opozitës, të përhershëm në televizion. Unë do të isha i gatshëm të jepja kontributin tim në krijimin e një pakti të tillë edhe pse e shoh me skepticizëm gatishmërinë e atyre që bëjnë pjesë në koalicione, që nuk janë koalicione për të vënë në lëvizje shoqërinë shqiptare, por më tepër për të dalë bashkarisht si kryetarë partish në tribuna. Nëse partitë politike nuk pranojnë të ndryshojnë, atëherë do të jemi këtu ku jemi dhe nuk do të na mbetet gjë tjetër veçse t’i lutemi Zotit të na fusë me zor në Evropë, megjithëse veprimet tona tregojnë se na pëlqen koha e komunizmit, ashtu si mjaft prej nesh do të shkojnë vetë në Europë për t’jua lënë Shqipërinë kryetarëve të selive dhe kongresmenëve. Dhe së fundi, për shumë shqiptarë (numri vjen gjithnjë në rritje), duke parë çfarë thuhet për qeverisjen socialiste dhe faktin që ajo tolerohet, është krijuar bindja se kjo opozitë apo pjesë të saj nuk pranohen nga të huajt. Krerët e opozitës të mos bëjnë si struci, sikur nuk e shohin këtë gjë. Njerëzit nuk ja u falin që nuk ndryshoni e nuk hapeni, nuk dilni nga ngujimi në selitë e juaja, nuk u hapni rugë të tjerëve, më të rinj e pa mëkate dhe që nuk e ndjejnë veten rehat në opozitë si ju.

panorama





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 9-1-2004 nė 10:29 Edit Post Reply With Quote
Meksi ka te drejte per shume gjera.

Jepni mendime





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 10-1-2004 nė 10:00 Edit Post Reply With Quote
LIHEM JASHTE POLITIKES SE THEM TE VERTETAT E PERENDIMIT

Interviste e ish kryeministrit Aleksander Meksi

Zoti Meksi, si e shpjegoni absurdin qe ndodh ne politiken shqiptare, ku ndersa pyet c'behet me qeverine, njeheresh duhet te pyesesh c'behet me opoziten?

Kjo ndodh per shkakun se nje sistem demokratik nuk perbehet vetem nga qeveria sic e paraqesin ne boten shqiptare televizioni publik i Qeverise, televizionet e pavarura te majta, gazetat e pavarura te majta, nga qeveria dhe nga opozita. Ky binom dialektik realizon perparimin e vendit. Alternimi ndodh atehere kur elektorati ne rastin kur votohet me vote te lire dhe te ndershme, refuzon te mbeshtesi qeverine dhe ia jep voten opozites. Kur "sovrani" eshte i kenaqur vazhdon te mbeshtese qeverine. Dhe kjo zakonisht ne vendet demokratike shkon 2 e shumta 3, mbase 3 jo te plota, seanca zgjedhjesh.

Pyetja e njejte per te dy palet lidhet me krizen qe perjetojne ato. A mendoni se kemi te bejme me nje krize qe i adresohet pozites dhe opozites?

Kriza eshte rezultati i rrenjeve te tyre te njejta ideologjike, mentalitetit te tyre, i prejardhjes se tyre. Pra kane nje mentalitet komunist, patriarkalo-mesjetar, dhe kur i shkojne punet keq njeres dhe asgje nuk ndryshon, do te thote qe eshte keq dhe pala tjeter. Ketu nuk ofrohet asgje e mire dhe ky eshte rezultati i krizes se pergjithshme.

Me kete do te thoni qe filozofia e se keqes eshte injektuar nga njera tek tjetra?

Une do te thoja qe te dy palet kane programe primitive ne "kompjuterat" e tyre te vjeteruara, menyra veprimi te vjeteruara, menyre organizimi te vjeteruar qe nuk vlejne ne kushtet e shtetit ligjor dhe ekonomise se tregut. Pra, ky eshte rezultati i pergjithshem. Me menyra te vjeteruara kerkojne te zgjidhin probleme ne nje strukture te re.

Mos doni te thoni se eshte arsye kriza per demokraci te brendshme ne palet politike?

Ka mungese totale te demokracise se brendshme ne te gjitha partite e Shqiperise, parti te medha me "lidera" dhe parti te vogla, qe quhen particka ne gjuhen e politikes shqiptare. Sepse te qenit te tyre jo demokratike pamundeson idete reale permiresuese te cilat do ta shpinin perpara partine ne pozita te shendosha. Njeriu ne nje moment te caktuar mnd te marre vendime ne menyren me demokratike, te cilat nuk bien rezultat pozitiv. Te qenet demokrat do te thote qe ose refuzon keto vendime ose refuzon mbeshtetjen e njerezve te cilet kembengulen ne vendime te tilla jodemokratike. Kurse kur mungon demokracia e brendshme edhe nje marrezie, apo edhe nje teze apo teorie te gabuar i thurr hymne. Pastaj Agron Llakaj dhe "Fiks Fare" te bejne kenge dhe parodi. Kjo eshte gjithe tragjedia shqiptare. Se te riperserisesh teorine e bashkimit dhe te rifillimit nderkohe qe rifillim eshte nje fjale e gabuar dhe fillim i ri eshte fjale e gabuar se cdo fillim eshte i ri, nuk ka fillim te vjeter. Ky mentalitet, kjo mungese demokracie te humb mundesine per te bere verejte dhe per te pare realitetin. Dhe pastaj degjojme te tera llojet dhe thuhet: Kush e ka fajin, sic eshte shkruar keto dite, kush e ka fajin qe keto propozime te Berishes per bashkim opozite nuk po degjohen, nuk po japin rezultat. Opozita nuk bashkohet, se paku ne Shqiperi ku mezi behen dy veta bashke. Te mos kujtojme ketu Fishten. Ne Shqiperi mund te flitet per koalicion partish te djathta, per koalicion partish te majta. Nuk mund te kete parti te majta ne nje qeveri te djathte dhe nuk mund te kete parti te djathta ne nje qeveri te majte. Ashtu sic nuk mund te kete majtiste te thekur ne partite e djathta dhe djathtise te thekur, te pakorrigjueshem, ne partite e majta. Pra, nuk mund te kete ne te djathten komuniste dhe ne te majten antikomuniste. Se paku ne fizionomine e sotshme te partive. Ne Shqiperi po ndodh cdo cudi, saqe sot nuk po marrim vesh cfare duhet bere koalicion apo bashkim. Madje ka ndonje parti, e cila ne te njejten kohe qe ben tratativa per te hyre ne qeveri, propozon bashkimin e se djathtes. Une nje gje te tille e kam pare vetem te Zhvejku, ku ne cmendine ishte nje njeri qe pretendonte se ishte ne te njejten kohe ne dy vende. Me duket nje mungese e tejskajshme dhe e dyshimte serioziteti dhe une e kuptoj pse eshte kjo mungese serioziteti, pse eshte kjo hallakatje e opozites. Vjen nga pamundesia, mungesa e deshires se tyre per te pranuar realitetin dhe pergjegjesite e tyre. Atehere krijohen llafe te pergjithshme, terma, parulla, sigla ku ngandonjehere gabimisht bene BF, ku ne Amerike do te thote "Blu Film" ne kuptimin jo te mire, pra nuk po merret vesh se c'thone. Edhe ky debat i tille eshte.

Mos doni te thoni se politikanet tane vuajne mungesen e kultures politike dhe varferine politologjike?

U mungon. U mungon programit te tyre, background-it te tyre kulturalo-njerezor.

Si mund te kapercehet kjo gje, nderkohe qe kemi nje realitet, te pakten gati 14 vjecar te periudhes postkomuniste ku eshte investuar gjithsesi per politiken shqiptare dhe per pamjen e spektrit. Cili eshte opinioni juaj se si mund te dilet nga ky qerthull?

Para disa kohesh pati nje artikull ne nje gazete shqiptare, nga drejtori i Programeve per Demokraci te Institutit Nderkombetar Amerikan, Demokratik Amerikan, Dan Rekatord, i cili shkruante ato gjera qe jane ne themel te demokracise perendimore, te menyres se organizmit te jetes politike perendimore dhe partive politike. Pra, partite duhet te jene te hapura, partite duhet te sigurojne pjesemarrje te njerezve ne to, qe njerezit te vijne ne to, te votojne per to. Dhe kjo realizohet nepermjet zgjedhjes brenda partise me parimin e vetem demokraik, e cilesoj e vetem, meqenese e refuzojne katerciperisht komunistet dhe ish-komunistet shqiptare: "Cdo anetar nje vote, cdo delegat nje vote". Une kam 7 vjet, se paku, qe kur menyrat e vjetra prune ne gabime ne PD, qe kerkoj te kthehemi ne te tilla rregulla, sepse eshte normale qe ne nje moment kur dicka nuk shkon ne rregull te besh nje analize dhe te nxjerresh konkluzionet per te permiresuar gjendjen. Fatkeqesisht, une jam lene jashte jetes politike pikerisht sepse po them sende qe jane te verteta ne perendim. Madje keto nuk degjohen edhe kur i thone perendimoret. Kjo eshte nje keqardhje e madhe se ta lesh nje njeri qe ka kontribuar ne politiken shqiptare jashte politikes, do te thote ta kesh denuar me heqjen e te drejtave politike. Nje shtet ligjor nuk ka rregulla te tilla. Vetem njerez te pakorrigjueshem, agallare te politikes mund ta bejne kete gje dhe turpi eshte akoma me i madh per mbeshtetesit e tyre qe te bejne dredha kur te shohin. Une jam krenar qe perbuzem nga ata.

Dhe sa kohe do te qendroje politikani apo demokrati Meksi jashte selise se PD ku ka qene bashkethemelues i saj?

Nese PD do te demokratizohej, do te hapej, une do te veja perseri atje. Do te kontribuoja si gjithe te tjeret dhe nuk jam nga ata qe mund te kontribuoj pak. Megjithese me kane ardhur ne vesh fjale qe nuk kam qene aspak i afte dhe i kam genjyer gjate kohes qe qeverisja. Megjithate ky eshte opinioni i tyre, eshte me keq akoma per ta, mos shqetesohemi per kete. Problemi eshte qe per sa kohe qe atje luftohet opozitari, per sa kohe qe atje punohet me marreveshje dhe aleanca me komunistet, neokomunistet shqiptare, per sa kohe qe atje nuk ka liri fjale, per sa kohe qe atje nuk behen analiza, per sa kohe qe atje jepen vetem urdhera dhe diktate dhe fyhen ata qe kane mendim ndryshe, per sa kohe qe atje behen mbledhje me mikrofona perpara vetem nje njeriu, pra per sa kohe qe atje nuk do te lejohet mendimi ndryshe, nuk do te institucionalizohet mendimi ndryshe sipas parimit te votes qe thame ne, nuk ka rendesi a krijohen grupime apo jo pastaj, problemi eshte qe vota te jete e lire, une nuk do te shkoj atje dhe jam krenar qe refuzoj te vete ne nje parti qe eshte kthyer ne prone private te nje grupi shume, shume, shume te vogel individesh, qe shperdorojne besimin e elektoratit shqiptar, megjithese ai i ka kthyer krahet dhe kete e tregoi mjaft qarte me abstenimet e fundit.

Pas idese se hedhur se fundi nga nje pjese e emrave te njohur te politikes per bashkim te opozites, a eshte nje drite e hapur jeshile dhe mund te konsiderohet si e tille prej jush?

Bashkimi i opozites per mua eshte krejt i pamundur. Opozita ne kushtet e Shqiperise eshte ne gatim e siper, vazhdojne te gatuhen orientime te ndryshme madje dhe nga duhet kaluar per ne Durres nga Ndroqi apo nga autostrada s'bihet dakord. Nuk mund te kete nje bashkim, por mund te kete nje koalicion dhe kjo eshte mese normale. Une i pata vene nje emer qe ne '97 ky koalicion duhet te quhet Bashkimi i Forcave demokratike. Eshte tjeter gje koalicioni pozitar dhe eshte tjeter gje bashkimi opozitar. Nje koalicion opozitar mund te ekzistoje nese partite qe perbejne koalicionin konsiderohen si perfaqesuese te mendimeve te ndryshme, pra mendimet e ndryshme jane te toleruara dhe institucionalizuara, dhe sipas peshes se tyre ne elektorat, merret ne knsiderate fjala e tyre ne rastin qe bashkeqeverisin ose bashkeveprojne. E para, kjo refuzohet katerciperisht. E dyta, po te degjojme cfare thone kreret, bashkimi eshte tjeter gje per Sali Berishen eshte tjeter gje per Fatmir Mediun, tjeter gje per Tritan Shehun me shoke etj. Pra flasim per bashkim dhe kuptojme tjeter gje. Ne te tilla rrethana e vetmja gje qe nuk prodhohet eshte pikerisht bashkerendimi, ky bashkeveprim i forcave opozitare dhe kundershtare te regjimit te sotshem qe eshte instaluar ne menyre te turpshme ne Shqiperi pas 14 vjetesh renie te komunizmit ne te gjithe Europen.

Jashte cdo diskutimi qe forcimi i opozites behet nen drejtimin e PD-se, vecse ajo sic thame duhet te hapet, te demokratizohet e te riorganizohet qe nga baza. Ne mungese te kesaj, mbase jane mire ne opozite, u takon partive te tjera te gjejne zgjidhje e te bashkerendojne veprimet duke ju kundervene "Marreveshjes".

Zoti Meksi, ju keni folur per nje Pakt Qytetar per Demokracine. C'keni dashur te thoni me kete?

Une kete e kam menduar si nje zgjidhje te perkohshme te bashkimit te veprimeve te partive te tjera te Djathta, si nje strukture transversale te partive e individeve qe pranojne rregulla te njejta demokratike te organizimit te partive dhe nje program minimal te perbashket e plani veprimesh te perbashketa ne Kuvend e jashte tij. Pa keto te dyja kerkesa, do te kemi psudokoalicion me kryetaret per tribuna e Parlament. Renia e votave per kete parti duhet t'i beje te mendohen perpara se te quhen inekzistente ne jeten politike shqiptare. Vecse perpara se te kritikojne liderat e PD-se (pranoj se ata kane pergjegjesi historike per gjendjen e vendit) duhet te organizojne ndryshe partite e tyre, ne te kundert jane te njejte me ta.

Pse nuk marrin formen e aksionit konkret nismat e hedhura here pas here nga politikanet e spektrit te forcave te opozites ne Shqiperi?

Vuajme nga ajo qe quhet "virus albanensis". Secili eshte i pari dhe mbi te gjithe, dhe nuk mund te behet i barabarte me te tjeret. Eshte nje fatkeqesi kombetare per ne dhe duhet te fillojme ta themi jo vetem kafeneve, por ta themi dhe ne publik. Eshte vetem vota e lire ajo qe na ben te barabarte. Une kam pranuar te me drejtojne dhe njerez te cilet mund te jene vetem ne profesionin e tyre superior ndaj meje. Une kam konceptuar punen ne grup. Ai qe merr votat, atij i takon te jete ne krye. Por votat duhet te jepen ne nje menyre te tille qe ti as te mos jesh i perjetshem as te mos mund t'i manipulosh ato. Keshte qe problemi eshte si Kongresi i PS si Kuvendi i PD u bene ne te njejten menyre me delegate te perzgjedhur, me votime me lista etj.etj. por jo lista fraksionesh apo lista grupimesh, por lista te nendheshme. Pra duhet te degjohen keto zera, te organizohen keto zera, qe te kete pikerisht kete liri te mendimit brenda PD apo brenda PS per ata qe i permbahen doktrines se majte, e cila ka te drejten e qytetarise ne qyteterimin perendimor, njelloj si e djathta.

A mendoni se eshte dominant ne nje pjese te mire te udheheqesise te opozites, mendimi se gabimet e pozites detyrimisht ofrojne pushtetin per opoziten?

Me ate ligj elektoral qe gatuan dy marreveshistet, garantohet ne pushtet ajo force qe ka pushtetin, kur ta rrezojne ate te tjeret oseduke i vene sterkembesha duke e kapur per zverku atehere mund te kete te ashtuquajtur rrotacion apo alternim qe po rrine e presin ne diell si dhelpra pas dashit, opozitaret shqiptare. Opozita vjen ne pushtet kur te ofroje programe te qarta e konkrete, kur te ofroje demokraci, kur programet te jene reale e te besueshme dhe kur lufton per te terhequr votat e njerezve ne kete menyre. Duke share ata qe s'jane ne nje mendje me ta, duke shpifur, duke perfolur etj.etj. te jemi te sigurte se nuk behet asgje. Jeta shqiptare per fat te keq ka rene ne nivelin me te ulet ekonomik e shpirteror jeta shqiptare eshte ne nivelin me te turpshem te organizimit dhe te berjes se politikes.

Zoti Meksi, a besoni tek efekti i strukturave parapolitike apo me sakte tek organizmat publike sociale per pershpejtimin apo afrimin e ndryshimeve ne skenen politike?

Une nuk jam ithtar i atyre qe mendojne se s'ka nevoje per parti politike. Partite politike jane te pazevendesueshme, te nevojshme dhe te vetmet qe mund te permbysin poziten. Sigurisht qe struktura te tjera qe ju quajtet parapolitike ose shoqerore kontribuojne ne ofrimin e protestes, ne propozimin dhe zgjidhjen e alternativave. Problemi eshte se ato nuk mund te zevendesojne partite politike. Ato vecse mund te ngrihen me dredhi per te shmangur veprimtarine e partive politike kundershtare aq me teper kur qeverisja quhet pushtet si ne kohen e komunizmit. Problemi eshte ne ate qe ne Shqiperi duhet te rregullohen partite, ndersa strukturat e tjera jopolitike, parapolitike, shoqerore duhet te jene sic jane ne te gjithe boten dhe po aq te nevojshme.

Nje pjese e analisteve politike te vendit pse jo dhe politikane, shpresojne se reaksioni social do te favorizoje ardhjen ne pushtet te opozites? Sa e mundshme eshte kjo?

Pozita duhet rrezuar, nuk e rrezojne strukturat jopolitike. Poziten e rrezon vota ose rrebelimi, protesta masive qe te jep goditjet. Kjo gje nuk mund te ndodhe ne Shqiperi nga struktura te tilla parapolitike, dhe sic e kam thene ne nje shkrim, nuk dilet ne proteste per Sali e per Spartak, por dilet per drita, per uje, per telefona etj.etj. Me kete nuk kam verejtje formale per cmimet, se ne ekonomi tregu cmimet jane ato qe bejne te mundshme ofrimin nga shteti, mbijetesen e nje sherbimi publik, por keto cmime duhet te jene te qarta per popullin, te rezultojne nga llogari te qarta e transparente, te propagandohen ne menyre te rregullt dhe mbi te gjitha t'u jepet kompensim si ne gjithe boten. Rritja e cmimeve shoqerohet me mbeshtetje sidomos te shtresave me te varfera, me para per te paguar ndryshimin e cmimit. Pra ka disa crregullime te ketij lloji ne Shqiperi, te cilat bien pakenaqesi sociale dhe strukturat parapolitike po reagojne nderkohe qe duhet te flasi dhe nje parti politike, nje parti politike e demokratizuar dhe e hapur pra qe ka eksperte dhe specialiste rreth saj, qe hartojne programe, dhe qe do t'i tregonte popullit si jane keto cmime jashte shtetit dhe si jane konvertuar me tonen. Sa duhet te jene te barasbalancuara ne kushtet e kostos se ulet te krahut te punes dhe cmimeve te tjera, pastaj sa jane realisht ne Shqiperi dhe si duhet t'i perballoje shteti. U rrit cmimi i korrentit 5 here ne kohen tone dhe ne dhame kompensimin per ate pune. Nuk pati asnje trazire megjithe thirrjet e Zerit te Popullit. U rriten cmimet e bukes 2 here megjithe protestat Zerit te Popullit, nuk ndodhi asgj`. Pra jane partite qe mobilizojne dhe une nuk kam degjuar asnjehere te thone: "Te sheshi, te sheshi" per keto pune, por per te tjera gjera. Kjo eshte dhe fatkeqesia. Pra opozita ka per detyre te ofroje propozime, te evidentoje parregullsite, problemet dhe te propozoje zgjidhje per to. Atehere i vene njerezit prapa. Por te mos ndodhe qe une denoncoj shitjen prej 1 dollari te Bankes Kombetare Tregtare dhe asnje nga opozita nuk flet. Dhe kam te drejte te them qe jane te implikuar njerez te saj.

Kjo eshte nje akuze e drejtperdrejte per seline e Partise Demokratike?

Une them njerez te saj, sepse mund te mos e dinin, por ne momentin kur e thua publikisht duhet ta benin ceshtje. Sic duhet te kishin bere ceshtje perpara levizjes "MJAFT" per telefonat, per dritat. Opozita ruan, mban shenime, ben propozime. Nuk hesht opozita per padrejtesite. Nese veprimet e Qeverise rezulton te jene te gabuara per nje pjese te popullsise, ato mund te jene edhe te paevitueshme, por per nje pjese te popullsise jane te gabuara dhe opozita hesht, do te thote qe opozita nuk eshte ne pozita te rregullta.

Logjika juaj ngrihet ne formen e nje akuze per korruptim brenda strukturave te opozites?

Jo. Korrupsionin e kane vetem ata qe jane ne pushtet. Korrupsioni nuk eshte ne ata qe s'jane ne pushtet.

Bashkepjesmarres ne korrupsion atehere?

Tolerues te korrupsionit. Por qe besoj se dhe ju e keni te qarte qe vetem 1 dollar nuk shitet nje banke qe vetem asetet godinore dhe trojet e saj bejne 20-30 milion dollare.

Si e vleresoni faktin kur pas kongresit te fundit eshte verejtur nje imazh tjeter i demokracise se brendshme te partise kryesore te se majtes shqiptare. Kjo ka ndodhur per shkak te pushtetit apo per shkak te divergjencave te mbartura ne kete periudhe kohore ne kete parti?

Une nuk bej pjese ne ata qe kane thene ndonjehere, qe Partia Socialiste dhe lideret e saj jane demokrate. Si ajo qe "me mire ta kishim ne se e kane ata" etj.etj. Ka qene e qarte per mua ndoshta nga pervoja e jetes sime qe ata jane ata qe kane qene, nuk nderron shpejt njeriu. Nuk dua te them proverben e ujkut me qimen e tij, por e kam fjalen qe ajo parti ishte e strukturuar ne menyre jodemokratike, me njerez shumicen derrmuese te saj qe ishin stazhionuar ne nje parti antidemokratike dhe do te brohorisnin per cdemokratizimin apo bolshevizimin e saj. Kete e pame qarte. Pra pushteti ia kerkoi keto veprime qe ta marrin vesh edhe ata qe flasin, kunder tyre dhe qe tani duan t'i perjashtojne. Keto jane menyra aspak demokratike dhe do te kene reperkursionin per jeten politike shqiptare dhe mireqenien e shqiptareve.

Sa i ngjashem eshte realiteti i tanishem i socialisteve kur diskutojne perjashtime me realitetin e dikurshem te PD ku realisht ndodhen perjashtime?

Ndonje diference te madhe nuk ka. Problemi eshte ne numrin e tyre qe u perjashtuan, qe ishte mjaft e qarte dallimi.

Ndonje diference ne motivin dhe qellimin e tyre?

Motivi eshte qe s'jane dakord me liderin.

( vijon)

Intervistoi A Cipa

kj





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 25-1-2004 nė 16:56 Edit Post Reply With Quote
Berisha: PD do të ketë fytyrë të re
“Jemi të bindur se zgjidhje mbeten zgjedhjet e parakohshme”


Agim Haxhiu

Berisha deklaroi dje se Partia Demokratike do të jetë e hapur për bashkëpunim me të gjithë faktorët politikë, sikurse edhe me ata të shoqërisë shqiptare.

Kryetari i selise blu u shpreh se zgjidhja e vetme përballë situatës aktuale në vend është zhvillimi i zgjedhjeve të parakohshme, për të cilat PD-ja ka një platformë që synon afrimin me të gjithë faktorët politikë apo personalitetet e shoqërisë civile. Po ashtu, kreu demokrat tha se në drejtim të politikës së hapur, do të shërbejë edhe rishqyrtimi i punës së vetë anëtarëve të Kryesisë, duke lënë të hapur mundësinë se brenda gjirit të saj priten ndryshime.

Platforma
“Partia Demokratike është e bindur se zgjidhja e vetme mbetet zhvillimi i zgjedhjeve të reja e të parakohshme. Në këtë drejtim, ne do të kemi një drejtim drejt vlerave dhe faktorëve të shoqërisë shqiptare, për të bërë një partneritet më të madh me faktorët më madhorë të shoqërisë shqiptare”, tha Berisha. Sipas tij, në këtë drejtim, selia blu do të zhvillojë një politikë shumë më të hapur, kryesisht me biznesin shqiptar, intelektualët që i përkasin botës akademike, apo edhe mediave, të cilët përbëjnë një shtyllë kryesore të jetës demokratike në vend. “Ne do të tregojmë se jemi të hapur ndaj çdo mendimi të lirë apo edhe debati konstruktiv, i cili mund të vijë jo vetëm nga partitë politike aleate apo edhe ato të spektrit të djathtë, të cilët nuk përfshihen në koalicionin tonë, por nga kushdo përfaqësues i shoqërisë civile”, tha ai. Ndonëse Berisha shtoi se kjo platformë do t’u paraqitet edhe partive të tjera opozitare, sikurse edhe faktorëve të tjerë të shoqërisë civile, ai ka ndërmarrë dje hapin e parë, duke takuar mjekun e mirënjohur Mentor Petrela. “Takimi me të ishte në radhë të parë takim mes miqsh. Por pa dyshim bisedime edhe çështje të ndryshme, përfshirë edhe temat që unë sapo përmenda, pasi ai mbetet një nga konsulentët e mi”, tha lideri demokrat. Kryetari demokrat shtoi se, kjo pregatitje për hartimin e një platforme të opozitës, për të sjellë në Shqipëri zgjedhje të parakohshme, do të shoqërohen edhe me ndryshime brenda vetë PD-së, të cilat do të jenë madje në vetë strukturat drejtuese të saj.

Ndryshimet
“Partia Demokratike, në përputhje me këtë përgjegjësi, atë të krijimit te qytetarët të një besimi, i cili arrihet vetëm me zhvillimin e zgjedhjeve të reja dhe krijimin e një qeverie mëse të besueshme për ta, do të rishqyrtojë forumet e saj”, u shpreh kreu demokrat Berisha. Ai shtoi se, rishikimi i strukturave të partisë do të ngrihet mbi një bazë, atë të punës së deritanishme. Ndonëse, Berisha nuk ka pranuar të komentojë se kush do të jenë emrat që do të largohen nga Kryesia e PD-së, sipas burimeve të selisë blu, këta emra do të përfshijnë edhe drejtues të lartë të kësaj partie. Ky ndryshim pritet të jetë edhe si rrjedhojë e sulmeve të partive të tjera opozitare apo edhe e personave të njohur si njerëz që kanë dhënë kontribut pranë selisë blu apo gjatë qeverisjes së saj, por që më pas janë tërhequr, pasi, sipas tyre, PD-ja është shndërruar në një parti që nuk dëgjon mendimin e lirë.

Pikat e platformës

Do të kemi një drejtim drejt vlerave dhe faktorëve kryesorë të shoqërisë shqiptare, të cilët duhet të jenë partnerë seriozë
Biznesi dhe interesat e tij të ndershme duhet të kenë një rol të rëndësishëm. Ndonëse ne kemi programin më të mirë, pasi mbështesim zhvillimin e biznesit, duhet të arrijmë një bashkëpunim edhe më të frytshëm
Bota akademike, universitetet, të cilat nga ana jonë shihen si shprehje e mendimit të lirë dhe e vendimit intelektual. Ndonëse ne kemi patur marrëdhënie të shkëlqyera me këtë shtresë, duhet t’i intensifikojmë edhe më tej ato.
Mediat kanë qenë dhe do të mbeten një mbështetës kryesor në drejtim të forcimit të shoqërisë shqiptare dhe politikës në vend. Ajo është një shtyllë kryesore e demokracisë dhe e shoqërisë së lirë.
Ne jemi të hapur ndaj partneritetit me të gjithë faktorët e shoqërisë civile, ndonëse kemi treguar edhe mangësi për një bashkëveprim me persona të kësaj shoqërie. Ky ka qenë një difekt, të cilin ne e pranojmë dhe që duhet përmirësuar sa më parë.


Të vegjlit reagojnë
“Berisha të pranojë politikën e vetëmbylljes”

Partitë e vogla cilësuan si pozitive deklaratën e Berishës për një hapje ndaj mendimit të lirë apo të gjithë faktorëve të shoqërisë civile, që shërbejnë për afrimin e zgjedhjeve të parakohshme. “Ne kemi qenë dhe do të jemi pro ndaj bashkëpunimit të opozitës. Në këtë drejtim shohim si pozitive lëvizjen e Berishës për të pranuar mendimin e lirë. Megjithatë, ne presim propozimet konkrete, të cilat duhet të jenë objekt diskutimi mes partive të djathta”, tha kreu republikan, Fatmir Mediu. Ndërsa, kryetari i Partisë Demokrate të Rinovuar, Dashamir Shehi, tha se këto deklarata, ndonëse me vonesë, janë për t’u përgëzuar. “Unë do të dëshiroja që Berisha këtë herë të marrë parasysh difektet e opozitës, të cilat në radhë të parë janë krijuar nga vetë politika që ai ka ndjekur. Ndaj, sikurse kam deklaruar, duhet që vetë lideri i PD-së të pranojë politikën e përjashtimit apo atë të zërit të parë, e cila deri tani ka sjellë vetëm dëm në kampin e djathtë”, tha ai. Po ashtu, edhe nënkryetari i Partisë Demokrate të Re, Tritan Shehu, shtoi dje se krahas anës pozitive për këtë iniciativë të Berishës për të hapur PD-në ndaj mendimit të lirë, duhet të pranojë se ka qenë pikërisht ai që e ka penguar këtë mendim të lirë për vite me radhë.

panorama

Une nuk di, por as Tritan Shehu, as Dashamir shehu nuk kane goje te thone asgje, sepse:

O lum miku, po JU PSE i NDATE pasi iket nga PD?

Ju ndau Berisha?

Me keto hipokrite e injoranta nuk ka per te ecur e djathta asnje here.

Bashkepunim i te djathtes do te thote:

Shkrirje e partive qe ekzistojne me djathtas PD dhe BASHKIM ne nje parti te re, ku ne udheheqje te mos jete asnje nga ish-et.

ASNJE

jane te gjithe te deshtuar.

Rezultatet e zgjedhjeve te fundit jane nje prove e pakundershtueshme.





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 9-9-2004 nė 09:40 Edit Post Reply With Quote
FLE SI REPUBLIKAN E GDHIHET MONARKIST

Ne Francen revolucionare te fundshekullit XVIII, ministri i Policise se Napoleon Bonapartit urdheroi xhelatet e tij "te peshtyjne ne gijotine" koken e mbretit Luigji XVII. Njezet vite me vone, kur Napoleoni u rrezua nga pushteti dhe i vellai i Luigjit XVII u veteshpall mbret i Frances, i njejti ish-minister u emerua serish minister i Policise. Nje vale e gjate hutimi perfshiu asokohe Francen! Ish-ministri i Policise se Republikes, u emerua minister i Policise se Monarkise! Njeriu qe urrente me shume se cdo gje mbreterine, vihej tashme ne sherbim te dinastise se Burboneve qe me aq zell i kishte luftuar permbi 30 vite...

E si mund te mos te bjere ndermend Zhozef Fusheja, kur sheh se c'ben Maks Begeja?! Republikani shqiptar, armik i betuar i monarkise permbi 12 vite, tashme eshte rreshtuar ne krahun e pretendentit per fronin mbreteror, Leka Zogu, duke braktisur Partine Republikane.

Asnje nuk di perse e ndermori kete hap nenkryetari i republikaneve, aq me teper, ne nje kohe kur ka mbetur me pak se nje vit nga zgjedhjet e ardhshme parlamentare. Pa dashur te hamendesojme arsyet e levizjes se tij politike, rreshtimi i republikanit Begeja ne krah te Leka Zogut, eshte nje shembull kokefortesisht i perkryer i amoralitetit qe ka mberthyer sot politiken shqiptare. Nje Zot e di se me c'moral apo pragmatizem politik do te dale neser ne fushate elektorale Begeja per t'u kerkuar voten shqiptareve. Gjate viteve te fundit, ai sigurisht ka uleritur kunder mbretit, ndersa tani ai do te vihet ne sherbim te mbretit. E megjithate, rasti i Begese nuk eshte shembulli i pare i amoralitetit te politikes shqiptare. E kush nuk e mban mend nje deputet liberaldemokrat, kur kerkonte pak vite me pare ne Parlament, qe "deputetet qe ishin zgjedhur nga zona e Dushkut, duhet te jepnin doreheqjen". Ky ishte nje deputet, partia e se cilit, kishte marre 1.01 per qind te votave ne zgjedhjet e qershorit 2001, dhe hyrja e tij ne Prlament ishte bere e mundur vetem me shpikjen e fenomentit "Dushk" nga Fatos Nano.

Rreshtimi i Maksim Begese me Levizjen per Zhvillim Kombetar te drejtuar nga Leka Zogu, sigurisht qe do ta demtoje te djathten shqiptare. Jo se Begeja ishte nje lider ne kuptimin politik, porse ne keneten socialiste ku gjallon vetem interesi dhe amoraliteti, perfaqesuesit e se djathtes kane veshur nje vello integriteti personal pastertie, dhe eshte nje mekat qe kete vello ta beje pis Maks Begeja. Megjithate, ky eshte nje shembull, nje pesim qe mund te behet mesim ne te ardhmen, jo vetem per kreret e se djathtes, por per te gjithe politiken shqiptare. Shembulli i tij tregon se kur nje njeriu i injekton nje mbidoze pushteti te pamerituar, "Begeja eshte deputet i proporcionalit", atehere integriteti i tij moral nuk e perballon dot kete ngarkese, njelloj sikur trupi i nje te semuri te helmatisur nuk duron dot qofte edhe nje luge mjalte.

A.M

kj

Eshte vertet mjeruese sesi Leka Zogu merret ke keta HICa.

Ne syte e mi po e demtojne shume.





Por sot, Shqypni, pa m´thuej si je?

View User's Profile E-Mail User View All Posts By User U2U Member
Anton Ashta

Postuar mė 8-10-2004 nė 07:43 Edit Post Reply With Quote
Drejt partive elektorale?


Eduard Zaloshnja

A janë të sinqertë Berisha e Nano, kur premtojnë se do të ndjekin shembullin e LSI-së në lidhje me parimin “Një anëtar-një votë”? Në deklarimet publike të kohëve të fundit, Berisha ka premtuar se pas tre vjetësh, partia që ai drejton do të ndjekë shembullin e Lëvizjes...

...Socialiste për Integrim (LSI), duke u shndërruar nga një parti me sistem të ngurtë piramidal organizimi, në një parti ku (duke përdorur fjalët e tij) “çdo individ do të ketë të drejtën për të zgjedhur e për t’u zgjedhur”. Ose, thënë ndryshe, ku zëri i anëtarit të thjeshtë do të jetë përcaktues. Ndërsa Nano ka premtuar se do të aplikojë parimin “Një anëtar-një votë” për përzgjedhjen e kandidatëve për deputet. Duke pasur parasysh hitorinë e PD-së dhe PS-së, vlen të analizohet sesa të sinqerta janë iniciativat e Berishës dhe Nanos. Por, para se të shkohet atje, vlen të analizohet më gjerë pse Shqipëria ka nevojë për parti me demokraci të drejtpërdrejtë, çfarë i ka penguar partitë shqiptare të demokratizohen dhe sa janë gjasat për transformimin e tyre. Mosfunksionimi normal i demokracisë në Shqipëri, padyshim lidhet edhe me faktin që partitë politike nuk ia kanë krijuar mundësinë anëtarëve apo elektoratit të tyre të zgjedhin njerëzit më të aftë dhe më të përkushtuar për qeverisjen e vendit. Partitë shqiptare kanë prodhuar gjatë 14 vjetëve të fundit kasta udhëheqëse që bëjnë vendime të rëndësishme, pa marrë gjithnjë parasysh dëshirat reale të anëtarësisë së tyre apo elektoratit që ato përfaqësojnë. Këto kasta ose janë dominuar nga një figurë e vetme (shembulli i parë që të vjen ndërmend është PD-ja) ose kanë qenë fushë beteje e dy-tre figurave kryesore (PS-ja ka mëse 8 vjet që vuan nga kjo sindromë). Po të kihet parasysh tradita, fare e pakët, demokratike (eksperienca reale e parë dhe e fundit parlamentare e Shqipërisë para vitit ’91 ka qenë ajo e fillimit të viteve 20), është e kuptueshme që mekanizmi i zgjedhjes së kastave udhëheqëse të partive është i prirur të krijojë vetvetiu shkëputjen e tyre nga anëtarësia dhe elektorati. Kastat dhe udhëheqsit e tyre zgjidhen nga 600 delegatë të kongreseve, të cilët, në shkëmbim të votave marrin shpërblimin përkatës. Vetë përzgjedhja e delegatëve ndjek të njëjtin vektor - kryesitë e degeve në rrethe shpërblehen kur zgjedhin ata delegatë që ju vijnë për shtat bosave partiakë. Me pak fjalë, struktura piramidale e ndërtimit të partive krijon mundësinë e trafikut të votave. Trafiku i votave, më pas, ju hap rrugën për emërime njërëzve që përfitojnë nga posti, dhe që nuk dënohen, përderisa votojnë ashtu siç duan bosat e tyre. Në fillimet e saj, PD-ja denoncoi strukturën piramidale të PPSH-së dhe deklaroi se, ndryshe nga ajo, do të ishte një parti elektorale. Por termi “parti elektorale” asnjëherë nuk u shpjegua nga udhëheqja e PD-së dhe, për më keq, as nuk u aplikua. Të qenit parti elektorale nënkupton që aktiviteti i partisë përqendrohet kryesisht në mbështetjen e kandidatëve që përqafojnë platformën e saj politike, në zgjedhjet e të gjitha niveleve. Gjithashtu, të qenit parti elektorale nënkupton që si përzgjedhja e kandidatëve elektoralë ashtu edhe e udhëheqjes së partisë, bëhet drejtpërdrejt nga anëtarët apo elektorati i partisë, dhe roli i strukturave drejtuese të partisë kufizohet vetëm në organizimin e fushatave zgjedhore, në hartimin e platformes politike, si dhe në propogandimin e saj. Ndërsa qëndrimet politike përpunohen dhe paraqiten nga grupi parlamentar i partisë, kur ajo është në opozitë, dhe nga qeveria, në bashkëpunim me grupin parlamentar, kur është në pozitë. Para marsit 1992, PD-ja nuk bëri ndonjë përçapje për t’u konfiguruar si parti e tillë, ndoshta edhe si rrjedhojë e zhvillimeve të vrullshme politike të asaj kohe. Por, me ardhjen në pushtet, PD-ja demonstroi se vetëm parti me demokraci të drejtpërdrejtë nuk do të ishte. Kështu, kongresi i partisë u shndërrua në një vend ku Berisha blinte vota me poste që iu ofronte delegatëve të përzgjedhur nga vetë ai; kryesia e partisë, e dominuar nga Berisha, u kthye në një byro politike, e cila vendoste për çdo gjë në jetën e vendit; qeveria u shndërrua në një teatër kukullash, telat e të cilave i tërhiqte Berisha; dhe kryesitë e degëve në rrethe u shndërruan në komitete partie, të cilat vendosnin për çdo emërim në bashkitë apo ndërmarrjet shtetërore të rretheve përkatëse. Historia e PS-së ndryshon nga e PD-së, në dy drejtime kryesore. Së pari, PS-ja nuk pretendoi, në fillimet e saj, se do të jetë parti me demokraci të drejtpërdrejtë - ajo thjesht adoptoi, pak a shumë, të njëjtën strukturë që kishte kur quhej PPSH. Së dyti, Fatos Nano, megjithë dëshirën e tij të madhe, jo gjithmonë ishte aq i zoti sa Berisha të dominonte udhëheqjen e partisë. Ndërkohë që Berisha gjithnjë ka punuar, ditë e natë, për të siguruar kontroll të plotë të piramidës së tij partiake, Nano herë pas here e ka humbur këtë kontroll si rezultat i papërgjegjshmërisë së tij, dhe/ose i dembelizmit të tij, dhe/ose i pijanizmit të tij (kujtoni arratisjen në Maqedoni në shtator 1998, udhëtimet e shpeshta dhe të gjata turistike, xhinin e famshëm tonik etj.). Sot, pas themelimit të LSI-së si një parti elektorale, e bazuar në parimin e demokracisë së drejpërdrejtë, për shumë shqiptarë është bërë e qartë rëndësia e transformimit të partive politike në parti, ku vota e anëtarëve të thjeshtë përcakton drejtpërdrejt se kush do të jetë në krye të partisë, dhe se kush do ta përfaqësojë partinë në garat elektorale. Edhe njeriu, me inteligjencën më minimale, e kupton se kandidatët për poste të rëndësishme, që përzgjidhen nga një klan i vogël udhëheqës, i kanë një borxh politik për të larë atij klani. Ndërsa, në qoftë se ata do të zgjidheshin në mënyrë të drejtpërdrejt nga anëtarët apo elektorati i partisë me votim të përgjithshëm e të fshehtë, borxhi do të ishte vetëm kundrejt zgjedhësve.

Por problemi është se, pavarësisht nga numri i madh i shqiptarëve, që e pëlqejnë idenë e demokratizimit të partive kryesore, me gishtat e njërës dorë, ndoshta, numërohen ata që e kanë staturën për ta marrë iniciativën e realizimit të saj.

Ndër këta, kandidati i parë i mundshëm për të udhëhequr një lëvizje të tillë do të ishte, pa dyshim, Fatos Nano, i cili ka demonstruar se është një udhëheqës me pjellori të lartë vizionesh. Në fakt, lëvizja e bujshme e Nanos për “katharsis”, para dy vjetësh, dukej sikur synonte ta transformonte PS-në në parti me demokraci të drejtpërdrejtë. Por ngjarjet e mëvonshme treguan se Nano, duke ndjekur një këshillë të Makiavelit (të famshmen “qëllimi justifikon mjetin”) e inicioi atë lëvizje vetëm për t’u katapultuar edhe një herë në krye të piramidës partiako-qeveritare. Ndërsa ngjarjet e kohëve të fundit tregojnë se ai është socialisti më pak i interesuar për të demokratizuar PS-në. Kështu që iniciativa e tij e fundit, për të përdorur parimin “Një anëtar-një votë” në përzgjedhjen e kandidatëve për deputetë, është ose një nga demagogjitë e tij të radhës, ose një mënyrë për të eliminuar, nëpërmjet “preferencave të anëtarëve të thjeshtë”, të gjithë ata kandidatë që nuk i vijnë pas shtatit. Duke pasur parasysh mënyrën se si e ka administruar pushtetin e tij politik Sali Berisha, të pakta janë gjasat që ai t’i shkojë deri në fund një reforme që do ta ulte ndikimin e tij ndaj njerëzve që ka rrotull. Në fakt, Berisha mund të fitonte me një diferencë të thellë, në qoftë se do të zhvilloheshin sot zgjedhje të përgjithshme e të fshehta, brendapërbrenda partisë së tij. Por ai nuk do të kishte garanci, se nuk do të sfidohej nga kandidatë të fuqishëm në të ardhmen, pasi në një parti elektorale, me demokraci të drejtpërdrejtë, nuk janë më klanet ato që të mbajnë në krye - është vota e mijëra njerëzve. Në kampin demokrat, Aleksandër Meksi është, aktualisht, i vetmi politikan që ka demonstruar publikisht se e dëshiron, sinqerisht, shndërrimin e PD-së në parti me demokraci të drejtpërdrejtë. Por shanset, që ai të ketë sukses, janë fare të vogla. Kjo ndoshta, sepse, megjithë qëndrimin e tij për pesë vjet në karrigen e kryeministrit, nuk arriti të krijojë staturën e nevojshme për të gjeneruar një mbështetje të tillë që do të trondiste seriozisht strukturën partiake të thurur dhe kontrolluar me fanatizëm nga Berisha. Siç mund ta ketë kuptuar tashmë lexuesi, kjo analizë nuk sheh shumë dritë në fundin e tunelit për partitë kryesore. Sidoqoftë, nuk është keq që ajo të mbyllet me këtë notë optimiste. Në fillim të viteve 90, dukej sikur sistemi politik italian do të vazhdonte të dominohej, edhe për gjysëm shekulli, nga partitë e sklerotizuara të kohës së Luftës së Ftohtë. U desh iniciativa e një grupi prokurorësh që ai sistem të pësonte një përmbysje radikale. Në mënyrë analoge, ndoshta shembulli i LSI-së, partisë së parë elektorale me demokraci të drejtpërdrejtë, mund të shërbejë si një katalizator për transformimin eventual të së gjithë skenës politike shqiptare, në të ardhmen.



© 2003 Gazeta Panorama


A ka njeri qe te me shpjegoje sesi mund te kete organizim tjeter pervec se "nje anetar nje vote"?

Une ne fakt nuk e kuptoj pse e lavderojne kete partine e re komuniste, sepse eshte aq e re sa qe nuk dihet hic sesi do te shkoje puna e saj dhe me tipa si sabit brokaj nuk ka si te kete venie ne jete te ndonje parimi demokratik, por nejse nuk e kam aty problemin.

Mua me tmerron fakti se ne partite e djathta nuk qenka "nje anetar nje vote"

Si eshte more zotni?

Ka Sali Berisha 10 vota psh?

Mjerimi i te djathteve fillon pikerisht nga mungesa totale deri idiote e informacionit.


Mbas kaq vitesh, nuk po arrij te gjej as informacionet me elementare permbi partite e djathta ne RSH.

Dhe sigurisht qe nuk e kam fajin une.

As jane te publikuara programet, as numri i anetareve, as statutet, as nuk ka nje shkrim pershkrues te menyres se organizimit, as te menyres te marrjes se vendim marrjes.

Vec emrat e kryetareve dihen!?

Mjerim o te djathte, mjerim.

E per keto pune mos ja veni fajin komunisteve, por e kemi vete fajin.





Por sot, Shqypni, pa m´thuej si je?

View User's Profile E-Mail User View All Posts By User U2U Member
DARDAN PEJA

Postuar mė 20-10-2004 nė 16:03 Edit Post Reply With Quote
BERISHA I BEN ELOZHE STEFANOPULLOSIT

Çamëria dhe Nano përplasin Berishën me aleatët e tij


Tiranë - Kryetari i Partisë Demokratike ka mbajtur brenda ditës së djeshme 2 qëndrime të kundërta me ato të shfaqura nga partitë e spektrit të djathtë. Ndërsa këto të fundit kanë reaguar ashpër ndaj deklaratës së presidentit grek se problemi i Çamërisë është i mbyllur, Berisha e ka cilësuar kreun e shtetit grek si një njeri i cili ka krijuar një klimë të shkëlqyer në marrëdhëniet mes dy vendeve.
Po ashtu, partitë e opozitës kanë kërkuar dje dorëheqjen e kryeministrit Nano pas pas filmimeve të shfaqura nga TV Klan, ku ai shfaqej në një lokal të Greqisë ditën kur në Kosovë zhvillohej ceremonia e varrimit të 16 viktimave kosovare si pasojë e aksidentit automobilistik në Fushë-Arrëz. Edhe në këtë rast Berisha nuk ka preferuar të bëjë komente.
Çamëria
Partitë e vogla do të kërkojnë në Kuvend rifutjen për votim të projektrezolutës për çështjen çame, pasi ky problem jo vetëm nuk mund të mbyllet, sikurse deklaroi presidenti grek, por dhe nuk mund të ketë marrëdhënie të shkëlqyera pa u zgjidhur më parë ky problem.”Të shprehesh për mbyllje të kësaj çështjeje dhe kjo e lëshuar nga kreu i shtetit grek, do të thotë të shprehësh hapur një qëndrim antishqiptar. Është e pakuptimtë që një vend i BE-së të mund të mohojë pronësinë për dhjetëra mijëra qytetarët për faktin e vetëm se ata janë shqiptarë”, u shpreh kreu i Partisë Republikane, Fatmir Mediu. Po ashtu, kryesia e Ballit Kombëtar ka reaguar se marrëdhëniet mes dy vendeve nuk mund të jenë kurrë të shkëlqyera kur mohohet një e drejtë më se e ligjshme: ajo e njohjes së pronave të Çamërisë për shqiptarët. Këtë qëndrim kanë mbajtur edhe legalistët. “Deklarimet e presidentit grek nxorën bllof jo vetëm qeverinë greke, por edhe qeverinë shqiptare apo cilindo politikan shqiptar që deklaron se problemet do të gjejnë zgjidhje”, u shpreh kryetari Ekerem Spahia. Por kreu i PD-së, Berisha, e ka cilësuar rolin e presidentit grek si një figurë që u ka shërbyer interesave të shqiptarëve.
Heshtja
Po ashtu, Berisha ka heshtur ndaj qëndrimit të kryeministrit në Greqi në një kohë që Shqipëria dhe Kosova ishin në ditë zie. Të gjitha partitë e spektrit të djathtë kanë kërkuar votëbesimin e kryeministrit sa më parë dhe dorëheqjen e tij pas imazheve të transmetuara, ku Nano ishte i pranishëm në një lokal të Greqisë në një ditë kur zhvillohej ceremonia e varrimit për 15 kosovarët e vdekur pas aksidentit automobilistik. i pyetur për këtë problem, i cili shkaktoi reagime të ashpra tek partitë e djathta, Berisha u shpreh se nuk kishte komente. Kjo heshtje është komentuar nga opozita si një mbështetje e qeverisjes së kryeministrit Nano. “Opozita po i zgjat jetën kryeministrit duke mos kërkuar votëbesimin e tij. Mendoj se edhe socialistët nuk do të kenë kurajon të mbështesin Nanon për veprimet e tij”, u shpreh kryetari i nderit i PR-së, Sabri Godo.

BALLKAN

View User's Profile View All Posts By User U2U Member
AGRON RUMI

Postuar mė 21-10-2004 nė 04:05 Edit Post Reply With Quote
METAMORFOZAT E BERISHES,SHKATERROJNE TE DJATHTEN

BERISHA MBRON DREJTORIN E GAZETËS SË FINANCUAR NGA SERBIA



Më 5 Tetor 2004 gazeta berishiane "55" ka botuar shkrimin "Berisha në Strasburg denoncon shtypësin e fjalës së lirë". Gazeta ka sqaruar se "çështja e Nikoll Lesit ka qenë e para në axhendën e ngjeshur të kryetarit demokrat Berisha, i cili ka marë premtimin e Sekretarit të Përgjithëshëm të Këshillit të Europës, Terri Deivis, se do të merret me "problemin Lesi".

Gazetat berishiane kanë shkruar sikur Berisha në Strasburg paska bërë namin dhe paska ngritur Europën në këmbë për të mbrojtur Nikoll Lesin. Gazeta "ZP" është tallur me Berishën duke shkruar se në Strasburg i kanë dhënë Saliut një dajak të mirë duke i kujtuar se ekziston një soj gazetarësh shpifarakë që po ngatërrojnë botën. Tani po presim këtu në Tiranë ato betejat që ka premtuar Lesi për ta telendisur kryeministrin në sallën e Kuvendit e për ta varrosur Nanon të gjallë në tokë jashtë sallës. Presim pra të shohim se cili i shkon më shumë Nikollës, mbiemri Lesi apo nofka "Lehsi".

Por ndërkohë duhet edhe të mendojmë pse Berisha e ka marrë me kaq vrull përsipër të krijojë në Europë "problemin Lesi" dhe ka kërkuar nga Europa " të ndërhyjë në Shqipëri për të ndalur dorën e kryeministrit Nano që po persekuton dhe shfrytëzon postin për të luftuar gazetarët e pavarur". Pse dhe si u bë Nikoll Lesi kaq i shtrenjtë për Berishën, kur dihet se Nikolla mandatin e deputetit e ka nga Nano, se Nano ia mori kandidatit të Berishës për t'ia dhënë Nikollës? Si u bë Nikolla kaq i shtrenjtë për Berishën kur dihet se Nikolla me gazetën e tij kanë punuar vazhdimisht kundër Shqipërisë e demokracisë, kanë qenë zjarrvënësit më të egërsuar për të djegur Shqipërinë që të rrëzohej regjimi i Berishës në vitin 1997?

Nuk po hyjmë të analizojmë sa e ka respektuar vet Berisha punën e gazetarit të pavarur dhe lirinë e shtypit. Por, po i kujtojmë lexuesit dhe Berishës se në Shqipëri janë bërë gjyqe shumë më skandaloze se ai që ende nuk ka filluar kundër Nikoll Lesit, janë dhënë vendime arbitrare e absurde kundër gazetarëve dhe Berisha ka heshtur, nuk ka bërë asnjë një deklarim publik e jo më të çojë punën në Këshillin e Europës. Po i rikujtojmë Berishës se nëpërmjet procesesh gjyqsore të nisura nga ish-kryeministri pëdëist, Aleksandër Meksi, që është dhe anëtar i Këshili Kombëtar të partisë së Berishës janë kurdisur gjykime kundër gazetarvëe të gazetës "Rimëkëmbja" e revistës "Koha". Madje kjo revistë që i ka bërë shumë shërbime Berishës u mbyll pas procesit gjyqsor. Berisha ka heshtur. Pse tregohet hipokrit para eurodeputetëve kur nuk ka thënë një fjalë të vetme për këto raste në Shqiëri?

Po në Strasburg cilin "gazetar të pavarur " ka mbrojtur? Nikoll Lesin. Po si e ka cilësuar para disa vitesh gazeta berishiane "RD" këtë Nikoll Lesin? Si njeri të financuar nga serbët. Ja se çfarë është botuar në gazetën e Berishës, "RD", më 26 Janar 1996



E d i t o r i a l



FINANCIME SERBE PËR "KOHA JONË"


Me paret e Serbisë drejtori i "KJ" jeton në hotel Rogner e ruhet me roje


Është përsëri zyra e shtypit "Pietro Zanoni" që insiston në lajmin e një dite më parë. Pasi tregon se të dhënat janë marrë nga një ish-punonjës i Sigurimit nga Gjirokastra e që sot ndodhet në Greqi, Zanoni nuk pranon të identifkojë plotësisht burimin e tij të informacionit por insiston :"Koha Jonë" financohet nga Serbia. Në materialin tjetër dërguar përsëri me faks në redaksinë e "RD" Zanoni shpjegon lidhjet e ish-KGB-së me policinë sekrete serbe dhe me ish-policinë sekrete shqiptare.

"Qëllimi i ish-policisë sekrete është pikërisht garantimi i pushtetit komunist kundër qeverisë demokratike…Opozita parlamentare socialiste në Shqipëri nuk është një opozitë e vërtetë, por diçka më tepër sepse ka me vete një organizëm si ish-policia sekrete…Ky mekanizëm është i varur sot financiarisht dhe ushtarakisht nga komunistët serbë të cilët financojnë gjithashtu gazetën "Koha Jonë"…Meqenëse Partia Demokratike dëshironte gazeta të pavarura duke quajtur të pavarur "KJ", Sigurimi krijoi një zonë të lirë nëpërmjet së cilës mund të ushtrojë një presion të padukshëm mbi opinionin publik përveç garancive të forta ndaj Serbisë për të patur në Shqipëri një gazetë të saj…"

Këto janë akuzat e rikonfirmuara nga Zanoni të cilat nuk mund të marrin përgjigje prej sharjeve që drejtuesit e "KJ" lëshojnë ndaj kësaj agjensie të huaj lajmesh për më tepër që kryeredaktori i saj pranon që kanë marrë ndihma pa i specifikuar ato.

Mbase do të ishte më mirë që përpara se të sulmonte "RD" kryerdaktori i "KJ" të shpjegonte se si një gazetë me 15 000 kopje (e jo me 25 000 siç deklaron) mund të paguajë 150 punonjës me një rrogë mesatare 200 000 lekësh. Të shpjegojë se nga dalin mijëra dollarë që drejtuesit e "KJ" harxhojnë çdo muaj në hotelin Rogner më të shtrenjtin e Shqipërisë të shoqëruar me roje. E së fundi si ka mundësi që mbas gjithë këtyre shpenzimeve drejtuesit e "KJ" financojnë dhe dy gazeta të tjera që dalin me humbje (për të mos përmendur sponsorizimet që bën kjo gazetë).

Kjo do të ishte e vetmja mënyrë për të hedhur poshtë akuzat që ngrihen mbi të e jo sulmet e ofendimet ndaj organeve të tjera të shtypit".

Kur ka pohuar pa as më të voglën mëdyshje se gazeta "KJ" dhe drejtori i saj Nikoll Lesi financoheshin bollshëm nga Serbia, gazeta "RD" ishte jo vetëm organ i Partisë Demokratike, siç është dhe tani, por edhe gazetë qveritare sepse Berisha ishte President e Meksi ishte Kryeministër dhe PD-ja parti në pushtet. Pra si gazetë qeveritare duhej të mbështetej në të dhëna edhe më të sigurta se ato që përmend italiani Zanoni kur sulmonte "KJ" si gazetë të Serbisë në Shqipëri. Më e mundëshmja është që shërbimet e specializuara të shtetit të Berishës ia kishin kaluar italianit Zanoni të dhënavet të të cilave u referohej pastaj "RD-ja".

Nga ana tjetër nuk duhet harruar se drejtues të lartë të PD-së ishin në bordin drejtues të gazetës "Koha Jonë" para se kjo të denoncohej nga "RD" si gazetë serbe. Nuk duhet harruar se njëri nga drejtuesit e dikurshëm kryesorë të "KJ" ,Spartak Ngjela,sot është udhëheqës me rëndësi i PD-së. Nuk duhet harruar se para se "RD" ta akuonzte kaq shumë "KJ" dhe Nikoll Lesin si të financuar nga Serbia Spartak Ngjela bashkë me Arben Imamin e Neritan Cekën kishin vizituar Beogradin. Imami tani është njeri shumë i afërt i Berishës. Nuk duhet harruar se PD e "RD" kanë denoncuar shumë herë në të kaluarën faktin që Serbia në fillim të vitevet 1990 caktoi miliona dollarë për veprimtari të fshehta subversive në Shqipëri.

Duke pasur parasysh të gjitha këto si mund të themi se Berisha vepron për qëllime politike dhe jo se u merakos fort për lirinë e shtypit kur merr në mbrojtje Nikoll Lesin e "KJ" të financuara nga Serbia? Pse Berisha nuk ka thënë një fjalë të vetme kundër vendimeve të padrejta gjyqsore me të cilat u ndëshkuan A. Baleta, E. Bytyçi dhe gjenerali i policisë së Berishës Agim Shehu? A Baleta dhe E. Bytyçi në veprimtarinë e tyre gazetareske janë shquar për demaskimin e politikës së Serbisë kurse Nikoll Lesi dhe "KJ" i kanë shërbyer vazhdimisht politikës së Serbisë në Shqipëri. Mirëpo Sali Berisha para eurodeputetëve merr në mbrojtje Nikoll Lesin dhe jo Baletën e Bytyçin! Me një fjalë bën atë që i pëlqen Serbisë dhe shqetësohet për ata që i ka financuar Serbia.

Sali Berisha bën tevatyrë për "problemin Lesi" në Këshillin e Europës jo se iu dogj shpirti se Nano po i bie më qafë shtypit të lirë, por sepse ka rastisur që të cënohet nga Nano një gazetar i financuar me kohë nga Serbia dhe që tani për arsye që i di ai dhe që i marrim me mend dhe ne ka vendosur të braktisë shërbimet që i bënte Nanos dhe të zbatojë urdhërat për t'i shërbyer Saliut. "KJ" e Nikoll Lesit ka qenë e ngarkuar dhe specializuar qysh në fillim të nxisë rrëmujë, sherr, destabilizim politik në Shqipëri. Këtë punë bëri Nikollë Lesi duke punuar për PS-në kundër PD-së e Berishës derisa iu vu zjarri Shqipërisë më 1997. Këtë punë ka vazhduar dhe më pas.

Serbia do vetëm rrëmujë, ngatërresa, turbullira, përleshje në Shqipëri. Serbia e Greqia e kurdisën rrëmujën e vitit 1997 duke drejtuar propagandën kundër pushtetit të Berishës. Tani synojnë të përsërisin të njëjtën gjë duke bërë zhurmë kundër pushtetit të Nanos. Nikoll Lesi ka vepruar si antiberishian i tërbuar në propagandë, paçka se Saliu ka bashkëpunuar me të fshehtas kundër demokratëve që nuk i donte. Tani Nikolla bëhet me Saliun gjoja për të luftuar Nanon dhe tregon prirje të tepruara për rrëzim të ri pushteti. Në fakt për të nxitur sherre në Shqipëri.

Po Berisha pse tregohet kaq i gatshëm të pranojë shërbimet e një gazete dhe të një njeriu që ai e ka denoncuar vite më parë nëpërmjet gazetës së tij se financohet nga Serbia? Sepse politika që po ndjek Berisha po përputhet gjithnjë e më shumë me strategjinë politike të Beogradit dhe të miqve të Serbisë në Europë. Prandaj krijohet atmosferë e ngrohtë midis Berishës e Nikoll Lesit. Prandaj me qëndrimet e tij në Strasburg Berisha më shumë se lirinë e shtypit në Shqipëri ka marrë në mbrojtje investimet serbe në gazetarinë shqiptare. Më shumë se të sulmojë Nanon ka dashur t'u tregojë Nikollës dhe financuesve të tij se është i përkushtuar të mbrojë ata, pavarësisht se i ka denoncuar në të kaluarën si agjenturë propagandistike serbe në Shqipëri.

Rimekembja

View User's Profile E-Mail User View All Posts By User U2U Member
Anton Ashta

Postuar mė 21-10-2004 nė 20:30 Edit Post Reply With Quote
E si burim i se vertetes merret abdi baleta, hajde mjerim hajde.

Po pse ore me sigurimsin abdi baleta akoma?!

Mjerim, mjerim, mjerim.

Ne rast se Berisha kishte fakte se leshi ishte i financuar nga serbet ta arrestonte e ta denonte, me lloqe jo ky spiun ka deklaruar keshtu jo asht as ne hale nuk shkoj.

Dihet qe per leshin nuk kam simpati, por ama nje fije logjike me ka mbetur.

Mjerim i madh qe tek fajqa e te djathteve sillet si burim mendimi i nje sigurimsi.

Berisha ka te drejte qe e mbron leshin ne kete rastin e fundit.

Apo ka te drejte kurva ( fatos nano) qe don tia mbylli gojen.

Nuk kemi nevoje per sigurimsin baleta per te kritiku Berishen.





Por sot, Shqypni, pa m´thuej si je?

View User's Profile E-Mail User View All Posts By User U2U Member
AGRON RUMI

Postuar mė 21-10-2004 nė 22:26 Edit Post Reply With Quote
Kur nje gje eshte e sakte dhe nuk mohet,ska rendesi nga kush ka dale.E verteta kur eshte e tille,ka vlere pavarsisht nga burimi.Megjithate Leset,Imamet,Zogajt dhe tere "mjeshtrat" e kameleonizmit njihen,prandaj mos u merzit nga burimet.
View User's Profile E-Mail User View All Posts By User U2U Member
<<  1    2    3    4    5  >>




Powered by XMB 1.8 Partagium Beta Build 20110207PM
Developed By Aventure Media & The XMB Group © 2002
Procesi i kryer nė 0.6530669 sekonda, 49 pyetje